భారత స్టాక్ మార్కెట్ కొద్దిరోజుల నుంచి వరుసగా నష్టాల్లో ట్రేడ్ అవుతుండటంతో సామాన్య మదుపర్లతోపాటు భారతీయ కుబేరులు సైతం భారీగా నష్టపోతున్నారు. దేశంలోని మూడో అతిపెద్ద బిజినెస్ గ్రూప్, అదానీ గ్రూప్ ఛైర్మన్ గౌతమ్ అదానీ షేర్లు కుదేలవడంతో ఆయన ఒక్క రోజులోనే ₹23,660 కోట్లు నష్టపోయారు. ప్రపంచంలోని ధనవంతుల జాబితాలో 23వ స్థానానికి పడిపోయారు. ఆయన మొత్తం ఆస్తి $2.3 బిలియన్లకు తగ్గింది. భారతదేశంలోని ఇతర వ్యాపారవేత్తల ఆస్తులు కూడా భారీగా తగ్గాయి.
ముఖేష్ అంబానీ తర్వాత భారతదేశంలో రెండవ ధనవంతుడైన గౌతమ్ అదానీ ఒక్క రోజులోనే 23,660,495,500 రూపాయలు నష్టపోయారు. ఈ నష్టంతో ప్రపంచ ధనవంతుల జాబితాలో 23వ స్థానానికి పడిపోయారు. ఆయన గ్రూప్ షేర్లు భారీగా నష్టపోవడమే అందుకు కారణం.
27
ఈ నష్టంతో గౌతమ్ అదానీ మొత్తం ఆస్తి 2.3 బిలియన్ డాలర్లకు తగ్గింది. శుక్రవారం (ఫిబ్రవరి 14) 2.366 కోట్ల రూపాయలు నష్టపోయారు. ఆసియా ధనవంతుల జాబితాలో గౌతమ్ అదానీ మూడో స్థానానికి పడిపోయారు.
37
భారతదేశ నంబర్ వన్ ధనవంతుడు, రిలయన్స్ ఇండస్ట్రీస్ అధినేత ముఖేష్ అంబానీ. ఈయన ఆస్తి ఈ సంవత్సరం 4.55 బిలియన్ డాలర్లు తగ్గింది. ఇంత నష్టపోయినా, ముఖేష్ అంబానీ ప్రపంచ ధనవంతుల జాబితాలో 17వ స్థానంలో ఉన్నారు. ముఖేష్ అంబానీ మొత్తం ఆస్తి 86.1 బిలియన్ డాలర్లు.
47
హెచ్‌సిఎల్ శివ నాడార్ ఈ సంవత్సరం 4.14 బిలియన్ డాలర్లు, షాపూర్జీ మిస్త్రీ 2.18 బిలియన్ డాలర్లు, అజీమ్ ప్రేమ్‌జీ 188 మిలియన్ డాలర్లు, సావిత్రి జిందాల్ 5.20 బిలియన్ డాలర్లు, సన్ ఫార్మా దిలీప్ సింఘ్వీ 3.40 బిలియన్ డాలర్లు నష్టపోయారు.
57
ఎలాన్ మస్క్ (ఫైల్ ఫోటో/రాయిటర్స్)
ప్రపంచ ధనవంతుల జాబితాలో మొదటి స్థానంలో ఉన్న ఎలాన్ మస్క్ ఈ సంవత్సరం $34.1 బిలియన్ల నికర విలువను కోల్పోయారు. ఎలాన్ మస్క్ మొత్తం ఆస్తి 398 బిలియన్ డాలర్లు. అయినా ఆయనే ఇప్పటికీ నెంబర్ వన్.
67
ఫేస్‌బుక్ మాతృ సంస్థ మెటా ప్లాట్‌ఫారమ్‌ల సిఇఓ మార్క్ జుకర్‌బర్గ్ ఈ సంవత్సరం తన నికర విలువలో $52 బిలియన్ల పెరుగుదలను చూశారు. $259 బిలియన్ల నికర విలువతో ప్రపంచ ధనవంతుల జాబితాలో రెండవ స్థానంలో ఉన్నారు.
77
గత ఎనిమిది సెషన్ల నుండి దేశీయ మార్కెట్ పడిపోవడంతో భారతీయ వ్యాపారవేత్తల ఆస్తుల విలువ తగ్గుతోంది. విదేశీ వ్యవస్థాగత పెట్టుబడిదారుల షేర్ల అమ్మకం, భారత్ పై అమెరికా అత్యధిక టారిఫ్ ల భయంతో భారతీయ స్టాక్ మార్కెట్ ఇలా పతనమవుతోంది.
)
