మీకు ఖాళీ స్థలం ఉందా.? అయితే మీ పంట పండినట్లే.. రోజూ ఆదాయమే..

ఉద్యోగం చేసే ప్రతీ ఒక్కరికీ ఏదో ఒక రోజు వ్యాపారం ప్రారంభించాలనే ఆలోచన ఉంటుంది. ఆ దిశగానే నిర్ణయాలు తీసుకుంటుంటారు. రకరకాల వ్యాపారాలకు సంబంధించిన ఆలోచనలను చేస్తుంటారు. మీరు కూడా ఇలాంటి ఆలోచనలోనే ఉన్నారా.? మీకు కొంత స్థలం ఉందా.? అయితే మీ కోసమే ఒక బెస్ట్‌ ఐడియా తీసుకొచ్చేం. అదేంటో ఇప్పుడు తెలుసుకుందాం..   

వ్యాపారం చేయాలని చాలా మంది ఉంటుంది. అయితే సరైన అవగాహన లేకో లేదా నష్టాలు వస్తాయని భయపడో కొందరు వ్యాపారం చేయాలనే ఆలోచన ఉన్నా విమరించుకుంటారు. అయితే అస్సలు ఎప్పటికీ నష్టం లేని కొన్ని వ్యాపారాలు కూడా ఉంటాయి. అలాంటి వాటిలో ఒకటి కొత్తమీర సాగు. ప్రతీ రోజూ వంటింట్లో కచ్చితంగా అవసరమయ్యే వాటిలో కొత్తిమీర ఒకటి. 

Coriander

మార్కెట్‌కు వెళ్లిన ప్రతీ ఒక్కరూ కచ్చితంగా కొత్తిమీర తీసుకోంది ఇంటికి తిరిగి రారు. అందుకే కొత్తమీరకు ఎప్పటికీ డిమాండ్‌ తగ్గదు. అందుకే కొత్తమీర సాగు చేస్తే మంచి లాభాలు పొందొచ్చు. నిజానికి వ్యవసాయంపై పూర్తి స్థాయిలో అవగాహన లేని వారు కూడా కొత్తిమీర సాగు చేపట్టవచ్చు. చిన్న స్థలంలో కూడా కొత్తిమీరను పెంచుకోవచ్చు. ఇంతకీ కొత్తిమీర సాగు చేయడానికి ఎంత పెట్టుబడి కావాల్సి ఉంటుంది.? లాభాలు ఎలా ఉంటాయి.? లాంటి పూర్తి వివరాలు ఇప్పుడు తెలుసుకుందాం.. 

coriander leaves crop

ఉదాహరణకు మీకు ఒక అద్దెకరం ఉంది అనుకుందాం. ఈ స్థలంలో కొత్తమీర సాగును ప్రారంభించేందుకు రూ. 10 వేలు ఖర్చవుతాయి. అయితే దీని నుంచి వచ్చిన పంట ద్వారా సుమారు రూ. 25 వేల నుంచి రూ. 30వేల వరకు సంపాదించచ్చు. అది కూడా తక్కువ రోజుల వ్యవధిలోనే. అద్దెకరం పొలంలో సుమారు 10 కిలోల విత్తనాలను వేసుకోవచ్చు. ఇక కొత్తమీర పంటకు డ్రిప్‌ ద్వారా నీటిని అందించాల్సి ఉంటుంది. కేవలం రెండు నెలల్లోనే పంట చేతికి వస్తుంది.

కొత్తిమీర కోసిన వెంటనే మళ్లీ సమాంతరంగా పంటను పండించుకోవచ్చు. ఇక కొత్తిమీరను కూరగాయలు అమ్మేవారు మీ దగ్గరికే వచ్చి నేరుగా కొనుగోలు చేస్తారు. లేదంటే మీరే స్వయంగా మార్కెట్లో విక్రయించుకోవచ్చు. కొన్ని కొన్ని సందర్భాల్లో ఒక్కో కొత్తిమీర కట్టను రూ. 5కి విక్రయించిన సందర్భాలు కూడా ఉంటాయి. ముఖ్యంగా సమ్మర్‌లో కొత్తిమీర ధరలు భారీగా పెరుగుతాయి. కాబట్టి ఈ సమయానికి పంట చేతికి వచ్చేలా ప్లాన్‌ చేసుకుంటే భారీగా లాభాలు ఆర్జించవచ్చు. 

నోట్: ఈ వివరాలు కేవలం ప్రాథమిక సమాచారం మేరకు మాత్రమే. ఈ వ్యాపారాన్ని ప్రారంభించే ముందు ఈ రంగంలో అనుభవం ఉన్న వారిని సంప్రదించి. పెట్టుబడులు పెడితే మంచిది.