Bank Locker Rules: బ్యాంక్ లాకర్లో గోల్డ్ పెడుతున్నారా? ఈ విషయాలు తప్పక తెలుసుకోవాల్సిందే
Bank Locker Rules: రిజర్వ్ బ్యాంక్ ఆఫ్ ఇండియా (ఆర్బీఐ) రూల్స్ ప్రకారం, లాకర్ లోపల ఉన్న వస్తువులు పోతే.. ఇందులో బ్యాంకు నిర్లక్ష్యం రుజువైతే లాకర్ వార్షిక అద్దెకు 100 రెట్ల వరకు పరిహారం అందుతుంది.
బ్యాంకులు లాకర్ సౌకర్యం తీసుకువచ్చిన తర్వాత చాలా మంది తమ వద్ద ఉన్న విలువైన వస్తువులను వాటిలో దాచుకోవడం మొదలుపెట్టారు. అయితే, తాజాగా బెంగళూరులోని ఒక మహిళ తాను అకౌంట్ కలిగిన బ్యాంకు లాకర్లో దాచిన 145 గ్రాముల బంగారం, వజ్రాల నగలు కనపడకపోవడంతో షాక్కు గురయ్యారు.
బ్యాంకు అధికారులకు ఈ విషయం గురించి పదేపదే ఫిర్యాదు చేశారు. పై అధికారులకు కూడా ఫిర్యాదు చేశారు. కానీ వారి నుంచి సరైన సమాధానం రాలేదు. ఆ విషయం తమకు తెలియదని, లాకర్ ను తాము యాక్సెస్ చేయలేమని చెప్పారు. పరిహారం కోరుతూ ఫిర్యాదు చేయగా, రూల్స్ ను ప్రస్తావిస్తూ ఒక్క రూపాయి రాదనే సమాధానం రావడంతో ఆవిడ పోలీసులను ఆశ్రయించారు.
ఈ ఘటన తర్వాత బ్యాంక్ లాకర్లలో మన సొమ్ముకు భద్రత, అందులోని సొమ్ము లేదా ఇతర వస్తువులు పోయిన పరిస్థితుల్లో బ్యాంకులు తీసుకునే బాధ్యత అంశం హాట్ టాపిక్ గా మారింది. మరి బ్యాంకు లాకర్ల విషయంలో రూల్స్ ఏం చెబుతున్నాయి?