Ducati Scrambler యంగిస్థాన్ కోసం.. చౌకైన డుకాటీ బైక్ స్క్రాంబ్లర్ ఐకాన్ డార్క్ ఎడిషన్! ఫీచర్లు అదరహో..

భారత్ లో సూపర్ బైక్ ల గురించి చెప్పాల్సి వస్తే డుకాటీ స్క్రాంబ్లర్ తప్పకుండా ముందుంటుంది. ఇటాలియన్ మోటార్‌సైకిల్ తయారీదారు డుకాటీ, స్క్రాంబ్లర్ ఐకాన్ డార్క్ ఎడిషన్‌ను ఇండియాలో విడుదల చేసింది. స్క్రాంబ్లర్ ఐకాన్ ప్రస్తుతం ఇండియాలో అమ్మకానికి ఉన్న చౌకైన డుకాటీ. 2025 డుకాటీ స్క్రాంబ్లర్ ఐకాన్ డార్క్ ఎడిషన్ దాని రెగ్యులర్ వేరియంట్‌తో సమానమైన టెక్నాలజీ, మెకానికల్ ఫీచర్లతో వస్తోంది. డిజైన్ పరంగా మరిన్ని అప్‌డేట్‌లు ఉన్నాయి.

ఇటాలియన్ మోటార్‌సైకిల్ తయారీదారు డుకాటీ, స్క్రాంబ్లర్ ఐకాన్ డార్క్ ఎడిషన్‌ను ఇండియాలో విడుదల చేసింది. స్క్రాంబ్లర్ ఐకాన్ ఇప్పుడు చౌకైన డుకాటీ బైక్. 2025 డుకాటీ స్క్రాంబ్లర్ ఐకాన్ డార్క్ ఎడిషన్‌లో 803cc L-ట్విన్ ఇంజన్ ఉంది. ఇది 73 bhp పవర్, 65 Nm టార్క్ ఉత్పత్తి చేస్తుంది.

2025 డుకాటీ స్క్రాంబ్లర్ ఐకాన్ డార్క్ ఎడిషన్‌లో 18-అంగుళాల ఫ్రంట్, 17-అంగుళాల వెనుక చక్రాలు ఉన్నాయి. దీనికి పిరెల్లి MT 60 RS టైర్లు ఉన్నాయి. ఈ బైక్‌లో బ్లూటూత్ కనెక్టివిటీతో 4.3-అంగుళాల TFT డిస్‌ప్లే ఉంది. రోడ్, స్పోర్ట్ రైడింగ్ మోడ్‌లు, కార్నరింగ్ ABS ఉన్నాయి. కొత్త డుకాటీ స్క్రాంబ్లర్ ఐకాన్ డార్క్ ఎడిషన్ ఆల్-బ్లాక్ థీమ్‌లో ఉంది.

డిజైన్, స్టైల్ పరంగా మేటిగా ఉంటుంది. లాంగ్ డ్రైవ్ లు ఇష్టపడేవాళ్లు ఏ మాత్రం ఆలోచించకుండా దీన్ని ఎంచుకోవచ్చు. ఎలాంటి టెరైన్ పై అయినా దూసుకెళ్తుంది. 2025 డుకాటీ స్క్రాంబ్లర్ ఐకాన్ డార్క్ ఎడిషన్ ధర రూ. 9.97 లక్షలు. ఇది అన్ని డుకాటీ డీలర్‌షిప్‌లలో అందుబాటులో ఉంది.