మాన్యువల్ గేర్ లేదా ఆటోమేటిక్ గేర్.. ఏ కార్ బెస్ట్.. వీటి మధ్య తేడా ఏంటి, ఏది మంచిదో తెలుసుకోండి...

కొత్త కారును కొనే  ముందు గేర్ ట్రాన్స్‌మిషన్ అప్షన్స్ గురించి తరచుగా ప్రజలు ఎక్కువ ఆలోచన లేదా కన్ఫ్యూజ్ అవుతుంటారు. కానీ మాన్యువల్ అండ్  ఆటోమేటిక్ గేర్ ట్రాన్స్‌మిషన్ మధ్య ఏది మంచిది, దేనిని కొనాలి అసలు వీటిలో మనకు ఏది అని నిర్ణయించుకోవాలో  తెలుసుకుందాం...   

ఎన్నో  అప్షన్స్  ఉన్నాయి. మీరు ఏ రకమైన గేర్ ట్రాన్స్మిషన్ కారుని కొనడం  మంచిది అనే  సమాచారాన్ని చూద్దాం...

మాన్యువల్ గేర్ ట్రాన్స్‌మిషన్
మాన్యువల్ గేర్ కార్లు భారతదేశంలో చాలా కాలంగా ప్రబలంగా ఉన్నాయి. ఈ కార్లను నడపాలంటే పెద్దగా అవగాహన అవసరం లేదు. అలాగే, వాటిని ఆపరేట్ అండ్  మైంటైన్  చాలా ఈజీ. అంతే కాకుండా మాన్యువల్ గేర్ ట్రాన్స్మిషన్  కార్ల ధర కూడా ఇతర కార్ల కంటే చాలా తక్కువ.

ఆటోమేటిక్ గేర్  ట్రాన్స్‌మిషన్‌తో కార్లను నడపడం చాలా సౌకర్యంగా ఉంటుందని మీకు తెలుసా. ఈ కార్లలో గేర్లు, క్లచ్‌లు మాన్యువల్‌గా ఉపయోగించలేము. ఈ కారణంగా కొత్త డ్రైవర్లు లేదా కొత్తగా కార్ డ్రైవింగ్  నేర్చుకున్న వారు కూడా ఈ కార్లను చాలా ఈజీగా నడపగలరు.

ఏది ఎక్కువ పవర్ పొందుతుంది?
మాన్యువల్ గేర్ ట్రాన్స్‌మిషన్ ఉన్న కార్లలో పవర్ డ్రైవర్ చేతిలో ఉంటుంది. ఎందుకంటే ఎప్పుడు కావాలంటే అప్పుడు గేర్ మార్చడం ద్వారా ఇంజన్ నుంచి ఎక్కువ పవర్ పొందగలుగుతారు. కానీ ఆటోమేటిక్ గేర్ కార్లలో ఈ రకమైన సదుపాయం ఉండదు. కారు దానంతట  అదే గేర్లు మార్చుకునే విధంగా ఇంజిన్ ట్యూన్ చేయబడి ఉంటుంది.

మాన్యువల్ గేర్ కార్లను మైంటైన్ చేయడం చాలా సులభం. దీని  గేర్‌బాక్స్ లైఫ్ టైం  సాధారణ వ్యవధిలో గేర్ ఆయిల్‌ను మార్చడం ద్వారా మాత్రమే పెరుగుతుంది. వాటిలో ఏదైనా లోపం ఉన్నప్పటికీ వాటిని సరిచేయడానికి మెకానిక్ ఈజీగా అందుబాటులో ఉంటారు. కానీ ఆటోమేటిక్ కారులో ఏదైనా సమస్య ఉంటే దాన్ని రిపేర్ చేయడం చాలా కష్టం. ఎందుకంటే ఇటువంటి కార్లను కంపెనీ ట్రైనింగ్  పొందిన మెకానిక్‌లు మాత్రమే రిపేర్ చేయవచ్చు. అంతేకాకుండా వీటి స్పెర్ పార్ట్శ్ భాగాలు కూడా మాన్యువల్ వాటి కంటే ఖరీదైనవి.

ధరలో తేడా :
మాన్యువల్ గేర్ అండ్  ఆటోమేటిక్ గేర్ ట్రాన్స్‌మిషన్‌తో వచ్చే కార్ల ధరలో చాలా తేడా ఉంటుంది. మీరు మ్యాన్యువల్ గేర్  ట్రాన్స్‌మిషన్‌తో పాటు ఆటోమేటిక్ గేర్ ట్రాన్స్‌మిషన్ వేరియంట్‌తో ఒకే కంపెనీకి చెందిన కారును కొంటె ఆ రెండింటి ధరలో కొన్ని వేల రూపాయల నుండి  లక్షల రూపాయల వరకు తేడా ఉండవచ్చు.