Visha Yoga: శని చంద్రుల కలయికతో విషయోగం.. 4 రాశుల పని అయిపోయినట్లే..!

Visha Yoga: చంద్రుడు, శని ఒకే రాశిలో ప్రవేశించడం వల్ల విషయోగం ఏర్పడుతుంది. ఇప్పటికే మీన రాశిలో శని ఉండగా, చంద్రుడు కూడా కలిశాడు దీని ప్రభావం నాలుగు రాశులపై పడనుంది. ఆ రాశులు ఇవే.. 

మిథున రాశి..

మిథున రాశిలో జన్మించినవారికి, మీ జాతకంలోని దశమ స్థానంలో ఈ విషమ యోగం ఏర్పడుతుంది. దీని కారణంగా మిథున రాశివారికి బాధ్యతలు పెరుగుతాయి. ఈ సమయంలో ఈ రాశివారు ముఖ్యమైన నిర్ణయాలు తీసుకోకపోవడమే మంచిది. లేదంటే.. భారీ నష్టాలు చవి చూసే ప్రమాదం ఉంది. ఈ ప్రభావం దాదాపు మూడు రోజులు ఉంటుంది. దీని కారణంగా.. ఈ మూడు రోజులు అందరితోనూ సామరస్యంగా ఉండాలి. కొత్త బాధ్యతలు పెరుగుతాయి.

సింహ రాశి..

సింహ రాశిలో జన్మించిన వారికి విషమ యోగం ఏర్పడుతుంది. దీని కారణంగా.. ఈ రాశివారికి మూడు రోజుల పాటు మానసిక ఒత్తిడి పెరుగుతుంది. ఆరోగ్య సమస్యలు పెరుగుతాయి. ప్రమాదకరమైన పెట్టుబడులు, వివాదాస్పద విషయాలకు దూరంగా ఉండాలి. ఈ సమయంలో ప్రయాణాలకు దూరంగా ఉండాలి.

కన్య రాశి..

కన్య రాశివారికి 7వ ఇంట్లో విషయోగం ఏర్పడుతుంది. వైవాహిక జీవితంలో, భాగస్వామ్యానికి సంబంధించిన అపార్థాలు వస్తాయి. ఈ సమయంలో మీ జీవిత భాగస్వామితో చాలా ఓపికగా మాట్లాడాలి. అహం కారణంగా వివాదాలు వచ్చే అవకాశం ఉంది. కాబట్టి, జాగ్రత్తగా ఉండాలి.

ధనుస్సు రాశి..

ధనుస్సు రాశివారికి విషయోగం మూడు రోజుల పాటు ఇబ్బందులు పెట్టనుంది. ఈ రాశివారికి ఇంట్లో బాధ్యతలు పెరుగుతాయి. మానసిక ప్రశాంతత తగ్గుతుంది. అదేవిధంగా, సంపద, వాహనం లేదా ఇతర ఇంటి విషయాల్లో తొందరపడి నిర్ణయాలు తీసుకోకూడదు. ఆచితూచి మాట్లాడాలి. లేకపోతే...సమస్యలు రావచ్చు.