Vastu Tips: పడుకునే ముందు బెడ్ పక్కన వాటర్ బాటిల్ పెట్టుకునే అలవాటు ఉందా?
Vastu Tips: రాత్రి పడుకునే ముందు చాలా మందికి తల పక్క లేదా బెడ్ పక్కన వాటర్ బాటిల్ పెట్టుకునే అలవాటు ఉంటుంది. వాస్తు ప్రకారం అలా పెట్టుకోవడం వల్ల ఏం జరుగుతుందో తెలుసా?
నిద్రకు భంగం...
జోతిష్య శాస్త్రం ప్రకారం నీరు చంద్రుడికి చిహ్నం. పడక గదిలో తల దగ్గర నీటిని ఉంచుకోవడం వల్ల చంద్రుని ప్రభావం మీ మనస్సుపై పడుతుంది. ఇది కొంత మందిలో మానసిక ప్రశాంతతను కలిగిస్తే, మరి కొందరిలో అనవసరపు ఆలోచనలకు దారితీస్తుంది.దీని కారణంగా చాలా మంది ప్రశాంతంగా నిద్రపోలేరు. ఏవేవో ఆలోచనలు వచ్చి నిద్రకు భంగం కలగిస్తాయి. పిచ్చి పిచ్చి కళలు లాంటివి వచ్చే అవకాశం ఉంది.
నెగిటివ్ ఎనర్జీ, రాహు దోషం..
వాస్తు నిపుణుల అభిప్రాయం ప్రకారం, తల పక్కన నీటిని ఉంచుకోవడం వల్ల రాహువు ప్రభావం తగ్గుతుందని ఒక నమ్మకం ఉంది. కానీ.. అది మనం నీటిని పెట్టే పాత్రను బట్టి మారుతుంది.
వెండి లేదా రాగి పాత్ర: తల పక్కన రాగి గ్లాసులో నీరు ఉంచి, ఉదయాన్నే ఆ నీటిని మొక్కలకు పోయడం వల్ల ఇంట్లోని నెగటివ్ ఎనర్జీ తొలగిపోతుందని అంటారు.
ప్లాస్టిక్ బాటిల్: ప్లాస్టిక్ బాటిళ్లను తల పక్కన పెట్టుకోవడం వల్ల వాస్తు దోషం పెరుగుతుందని, అది ఆర్థిక ఇబ్బందులకు దారితీస్తుందని వాస్తు చెబుతోంది.