Zodiac sign: శ్రావణ మాసంలో మూడు రాశులకు లక్ష్మీ కటాక్షమే..!

 ఆషాడ మాసం ముగియగానే శ్రావణ మాసం మొదలౌతుంది. జోతిష్య శాస్త్రం లో శని తిరోగమనం కారణంగా శ్రావణమాసంలో చాలా మార్పులు జరగనున్నాయి. ముఖ్యంగా మూడు రాశుల జీవితం పూర్తిగా మారిపోనుంది. 

శ్రావణ మాసంలో..

వేద క్యాలెండర్ ప్రకారం.. శ్రావణ మాసాన్ని శివుడికి అంకితం చేస్తారు. ఈ సమయంలో విష్ణుమూర్తి యోగనిద్రలో ఉంటాడు. కాబట్టి.. ఈ సమయంలో అంటే శ్రావణ, కార్తీక మాసాల్లో లోకం మొత్తాన్ని చూసుకునే బాధ్యత శివుడిపై ఉంటుంది. అందుకే శ్రావణ, కార్తీక మాసాల్లో శివయ్యకు ప్రత్యేక పూజలు నిర్వహిస్తూ ఉంటారు. అంతేకాకుండా, శ్రావణ మాసంలో లక్ష్మీదేవికి కూడా పెద్ద పీట వేస్తారు. శ్రావణ శుక్రవారాల్లో లక్ష్మీదేవిని ప్రత్యేకంగా పూజిస్తూ, వరలక్ష్మీ వ్రతం కూడా చేసుకుంటారు. కాగా.. ఈ శ్రావణ మాసంలో జోతిష్య పరంగా కూడా చాలా మార్పులు జరగనున్నాయి.

నాలుగు గ్రహాల తిరోగమనం..

ముఖ్యంగా శని తిరోగమనం అన్ని రాశులపై ఎక్కువ ప్రభావం చూపించనుంది. జులై 13వ తేదీన శని తిరోగమనంలోకి వెళతారు, ఆ తర్వాత జులై 18వ తేదీన బుధుడు తిరోగమనం ప్రారంభిస్తాడు. కానీ రాహువు, కేతువు ఇప్పటికే తిరోగమనంలో ఉన్నారు. ఈ నాలుగు గ్రహాల తిరోగమనం శ్రావణ మాసంలో మూడు రాశుల వారికి శుభ ఫలితాలను ఇవ్వనుంది. మరి, ఆ మూడు రాశులేంటో చూద్దామా...

1.వృషభ రాశి...

శ్రావణ మాసంలో వృషభ రాశి వారికి చాలా మేలు జరుగుతుంది. ముఖ్యంగా ఆదాయం పెరుగుతుంది. బ్యాంక్ బ్యాలెన్స్ చూసుకుంటే మీరే ఆశ్చర్యపోతారు. ఈ సమయంలో ఈ రాశివారి ఖర్చులు పూర్తిగా తగ్గిపోతాయి. డబ్బు చాలా ఎక్కువగా ఆదా చేస్తారు. వైవాహిక జీవితంలో ఆనందం పెరుగుతుంది. భార్యభర్తల మధ్య ఏవైనా మనస్పర్థలు ఉంటే, అవి పూర్తిగా తగ్గిపోతాయి.సమాజంలో గౌరవం పెరుగుతుంది.

2.కర్కాటక రాశి..

కర్కాటక రాశి వారికి ఈ శ్రావణ మాసం చాలా మేలు చేయనుంది. ముఖ్యంగా వివాహం కాని వారికి ఈ సమయంలో పెళ్లి జరిగే అవకాశం ఎక్కువగా ఉంటుంది. కుటుంబంలో ఎవరికైనా కూడా పెళ్లి జరిగే అవకాశం ఉంటుంది. వ్యాపారంలో ఆర్థిక లాభాలు కలుగుతాయి. అకస్మాత్తుగా చేతికి డబ్బు అందే అవకాశం ఉంది.

3.మీన రాశి..

మీన రాశివారికి శ్రావణ మాసం బాగా కలిసొచ్చే అవకాశం ఉంది. డబ్బుకు సంబంధించిన అన్ని సమస్యలు పూర్తిగా తగ్గిపోతాయి. మీరు ఎవరికైనా గతంలో డబ్బు ఇచ్చి ఉంటే.. ఆ డబ్బు మీకు తిరిగి అందే అవకాశం ఉంది. ఈ సమయంలో మీరు భౌతిక ఆనందాన్ని పొందవచ్చు. మీరు కొత్త వాహనం, ఇల్లు, కారు లేదా ఏదైనా విలువైన వస్తువు కొనుగోలు చేయవచ్చు.