జూన్ నెల రాశిఫలాలు: మీ జాతకాలు చూసుకోండి
First Published | Jun 1, 2021, 8:50 AM ISTజూన్ నెల రాశిఫలాలు ఇలా ఉన్నాయి. ఓ రాశివారికి ఈ నెలలో ఆర్ధిక సంబంధ విషయాలలో అనుకూలత ఏర్పడును. ఆదాయం ఆశించిన విధంగా లభిస్తుంది. రుణ ఒత్తిడులు తగ్గుతాయి
☰
డా.యం.ఎన్.చార్య - ప్రముఖ అంతర్జాతీయ జ్యోతిష ,జాతక,వాస్తు శాస్త్ర పండితులు -శ్రీమన్నారాయణ ఉపాసకులు.సునంద రాజన్ జ్యోతిష ,జాతక,వాస్తు కేంద్రం.తార్నాక -హైదరాబాద్ - ఫోన్: 9440611151
గమనిక :- ప్రస్తుతకాల గోచార గ్రహస్థితి, దశాంతర్ధశ , ద్వాదశ భావలు, వాటిపై దృష్టులు, ఉచ్చ నీచ స్థానాలు, షడ్బలాలు మొదలగు అనేక అంశాలను, అలాగే అన్ని రంగాల, వర్గాల వారిని దృష్టిలో పెట్టుకుని సామూహిక ఫలితాలు తెలియజేయడం జరుగుతుంది, ఈ ఫలితాలు మొత్తం తమ ఒక్కరికే వర్తిస్తాయని భావించవద్దు. పేరుతో రాశి ఫలితాలు చూసుకోవడం అనేది సరైన పద్దతి కాదు, ఇది గమనించగలరు. వ్యక్తిగత జాతక వివరాల కొరకు అనుభవజ్ఞులైన జ్యోతిష పండితులను సంప్రదించి వారికి దక్షిణ, తాంబూలాదులనిచ్చి మీ జాతక వివరాలను, తరుణోపాయలను అడిగి తెలుసుకుని శుభ ఫలితాలను పొందగలరు . . . డా. ఎం . ఎన్. చార్య
మేషరాశి (Aries) అశ్విని, భరణి, కృత్తిక 1 వ పాదం వారికి :- ఈ నెలలో మంచి ఫలితాలు పొందుతారు. సొంత గృహ సంబంధ సంతోషములు లభించును. వృధా ధన వ్యయం తగ్గించ గలుగుతారు. ఆభరణాలు కొనగలుగుతారు. పై అధికారులతో సంభాషనలందు మాట జాగ్రత్త అవసరం. 17, 18 తేదీలలో వ్యాపార రంగంలోని వారికి ప్రభుత్వ సంబంధ సహకారం లభించును. మానసిక ప్రశాంతత, మిత్రులతో కలయికలు, తలపెట్టిన పనులలో విజయం చేకురుట ఏర్పడును. ఈ నెలలో 9, 11,12 తేదీలు ఉద్యోగ ప్రయత్నములకు మంచిది. ఆశించిన ఉద్యోగ ప్రాప్తి. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
వృషభరాశి ( Taurus) కృత్తిక 2, 3, 4 పాదాలు, రోహిణి , మృగశిర 1, 2 పాదాల వారికి :- ఈ నెలలో ఆర్ధిక సంబంధ విషయాలలో అనుకూలత ఏర్పడును. ఆదాయం ఆశించిన విధంగా లభిస్తుంది. రుణ ఒత్తిడులు తగ్గుతాయి. నూతన పరిచయాలు జీవన ఉన్నతికి దారితీస్తాయి.లౌఖ్యంతో పనులు పూర్తి చేయగలుగుతారు. శత్రుత్వములు తొలగును. మానసిక ప్రశాంతత, వృత్తిలో ప్రోత్సాహకర వాతావరణం లభిస్తుంది. ద్వితియ వారం మరియు తృతీయ వారములలో ఆశించిన చక్కటి పురోగతి లభిస్తుంది. వివాహ సంబంధ ప్రయత్నాలు , సంతాన ప్రయత్నాలు అనుకూల ఫలితాలు ఇచ్చును. నాల్గవ వారం నుండి చేపట్టిన కార్యములందు స్తబ్ధత.తొలగి ప్రయత్న పూర్వక విజయాలు లభిస్తాయి. ఒక వేడుకకు సంబంధించిన సన్నాహాలు చేస్తారు. అనుకూలమైన శుభ ఫలితాల కొరకు కొరకు విష్ణు సహస్ర నామాలను చదువుకోవాలి. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
మిధునరాశి ( Gemini) మృగశిర 3, 4 పాదాలు, ఆరుద్ర, పునర్వసు 1, 2, 3, పాదాల వారికి :- ఈ నెలలో చక్కటి ధన సంపాదన పొందుదురు.గృహ వాతావరణం లో చికాకులు తొలగును. వివాహ ప్రయత్నాలు ఫలిస్తాయి. దూరప్రాంతాల నుండి ఒక కీలక సమాచారం లభిస్తుంది. 10వ తేదీ తదుపరి నిరుద్యోగుల ఉద్యోగ ప్రయత్నాలు ఫలించును. ఉద్యోగ జీవనంలో పని భారం తగ్గుతుంది. ప్రమోషన్లకు అవకాశం ఉన్నది. మాసాంతంలో వృధా వ్యయం ఎదురగు సూచన ఉన్నది. ప్రభుత్వ సంబంధ వ్యవహారములలో విజయం లభించును. ఈ నెలలో 3, 6, 16, 23 , 25, తేదీలు అనుకూలమైనవి కావు. గోచార రిత్య అష్టమ శని ప్రభావంతో ఉన్నారు కాబట్టి కాకులకు బెల్లంతో చేసిన గోధుమ రొట్టెలను వేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
కర్కాటకరాశి ( Cancer) పునర్వసు 4 వ పాదం, పుష్యమి, ఆశ్లేష వారికి :- ఈ నెలలో ఆరోగ్య సమస్యలు కొద్దిపాటి చికాకులను ఏర్పరచును. సమస్యల పరిష్కారానికి చాకచక్యత అవసరం. ధనాదాయం సామాన్యం. భాత్రువర్గం వారితో విరోధములు నష్టములు ఏర్పరచును. మానసిక చాంచల్యత సంబంధ అనారోగ్యం వలన 18, 19 తేదీలలో ఇబ్బందులు ఎదుర్కొందురు. 20 వ తేదీ తదుపరి వృత్తి ఉద్యోగ వ్యాపారాదులలో కొంత అనుకూలత మరియు జయం ఏర్పడును. ఈ మాసంలో ధార్మిక కార్యక్రమాలకు ధనం అనుకోని విధంగా ఖర్చు పెట్టవలసి వచ్చును. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
సింహరాశి (Leo) మఖ, పుబ్బ, ఉత్తర 1 వ పాదం వారికి :- ఈ నెలలో కూడా చక్కటి ఫలితాలు ఎదురగును. ఆరోగ్య సమస్యల నుండి ఉపశమనం లభించును. ప్రవర్తనలోని పొరపాట్లను సరిదిద్దుకొని వ్యవహారములను పూర్తి చేయగలుగుతారు. తృతీయ వారంలో ప్రత్యర్ధుల నుండి సానుకూల సందేశాలు అందుకుంటారు. వివాదాలు కొలిక్కి వచ్చును. ఆహార అలవాట్లు , వ్యసనాల పట్ల జాగ్రత్త అవసరం. ఈ మాసంలో వ్యాపార వ్యవహారాలు లాభాపురితంగా సాగుతాయి. ఈ మాసంలో 23,24, 27,29 తేదీలలో నూతన కార్యములు, వివాహము కొరకు చేయు ప్రయత్నములు లాభించును. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
కన్యారాశి ( Virgo) ఉత్తర 2, 3, 4 పాదాలు, హస్త, చిత్త 1, 2 పాదాల వారికి :- ఈ నెలలో ఆత్మీయులకు సంబంధించిన విషయాలు ఆందోళన కలుగచేయును. ధన ఆదాయం ఆశించిన విధంగా బాగుండును. ఋణ సమస్యలు తొలగును. ద్వితియ మరియు తృతీయ వారాలలో ఉత్తమ ఫలితాలు పొందుతారు. జీవన ప్రమాణం పెరుగును. స్థిరమైన జీవనం లభిస్తుంది. జీవిత భాగస్వామి తోడ్పాటు వలన మానసిక ప్రశాంతత పొందుతారు. పుత్ర పౌత్రాభివృద్ధి అనుభవిస్తారు.సంకల్ప సిద్ధి లభిస్తుంది. అనుకూలమైన శుభ ఫలితాల కొరకు గరికతో గణపతికి పూజ చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
తులారాశి ( Libra) చిత్త 3, 4 పాదాలు, స్వాతి, విశాఖ 1, 2, 3, పాదాల వారికి :- ఈ నెలలో మిశ్రమ ఫలితాలు ఏర్పడతాయి. ధనాదాయం గత మాసం కన్నా పెరుగును. కుటుంబంలోని స్త్రీలకు వినికిడికి సంబందించిన ఆరోగ్య సమస్యలు ఏర్పడును. స్థిరాస్తి ఋణములు కొంత వరకూ తీరును. సోదర వర్గం వారి పలుకుబడి మీ ఉన్నతికి ఉపయోగపడుతుంది. ఆత్మీయులతో ఆనందాన్ని పంచుకొంటారు. ఈ మాసంలో ఆశించిన ఉద్యోగ అవకాశములు లభిస్తాయి. స్త్రీ సంబంధ విషయాలు ఇబ్బందులను కలిగించును. గౌరవ హాని ఎదుర్కొంటారు. 20,21,22 తేదీలలో జాగ్రత్త వహించాలి. అనుకూలమైన శుభ ఫలితాల కొరకు నవగ్రహ స్తోత్రం పాటించాలి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
వృశ్చికరాశి ( Scorpio) విశాఖ 4 వ పాదం, అనురాధ, జ్యేష్ట నక్షత్రాల వారికి :- ఈ నెలలో అనుకూలంగా ఉండును. ఆశించిన విధంగా చక్కటి ధనాదాయం లభిస్తుంది. తలపెట్టిన కార్యములందు విజయాలు చేకురును. ఆధ్యాత్మిక పరంగా ఉన్నత స్థాయి వ్యక్తుల దర్శన భాగ్యము పొందగలుగుతారు. ఉద్యోగ జీవనంలో మీ శ్రమకు తగిన గుర్తింపు, గౌరవ సత్కారములు పొందగలుగుతారు. వంశ పెద్దల ఆశీస్శులు లభిస్తాయి. కొద్దిపాటి విఘ్నములు ఉన్నా నూతన పదవులు పొందగలుగుతారు. అయితే 22, 24,25 తేదీలలో అశుభ వార్తలు వినుటకు అవకాశం కలదు. గోమాతకు గ్రాసం పెట్టండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
ధనుస్సురాశి ( Sagittarius) మూల, పూర్వాషాఢ, ఉత్తరాషాఢ 1 వ పాదం వారికి :- ఈ నెలలో ఆశపెట్టుకున్న విధంగా ధనాదాయం పెరుగును. వృత్తి వ్యపారాదులలో ప్రోత్సాహకర వాతావరణం ఏర్పడుతుంది. ఉద్యోగ జీవనం లోని వారికి పై అధికారుల వలన కొద్దిగా ఒత్తిడి ఎదురగును. మూత్రపిండ లేదా కీళ్ళ సంబంధమైన అనారోగ్య సమస్యలు భాదించును. కానీ ఆయుర్ధాయ గండం ఉండదు విద్యార్ధులకు విద్యా అవకాశ సంబంధ వ్యవహారములు సానుకూలంగా పూర్తి అగును. గృహంలో ఆకస్మిక శుభకార్యములు నిర్వహించవలసి వచ్చును. కుటుంబంలో నడుస్తున్న ఆధిపత్య పోరు కొంత బాధించును. అనుకూలమైన శుభ ఫలితాల కొరకు మృత్యంజయ జపం చేయడం మంచిది. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
మకరరాశి ( Capricorn) ఉత్తరాషాఢ, 2, 3, 4 పాదాలు, శ్రవణం, ధనిష్ఠ 1, 2 పాదాల వారికి :- ఈ నెలలో ధనాదాయం కొంత తగ్గును. ప్రధమ వారంలో మిత్రులతో లేదా ఉన్నత అధికారులతో విభేదములు భాదించు సూచన. ద్వితియ వారంలో లాభ వ్యయాలు సమానంగా ఉండును మరియు కుటుంబ జీవనంలో మిశ్రమ ఫలితాలు లభించును. తృతీయ వారంలో సంతానం ప్రయత్నాలు సఫలమగుట వలన సౌఖ్యత. కుటుంబ వాతావరణం తిరిగి అదుపులోకి వస్తుంది. కుటుంబ సభ్యుల మధ్య సఖ్యత సాధించగలుగుతారు. రాజకీయ తగాదాలలో విజయం. 20 వ తేదీ నుండి ఆర్ధిక పరమైన విషయాలలో అనుకూలత ఏర్పడుతుంది. పనుల్లో మరింత పురోగతి సాధించగలుగుతారు . అనుకూలమైన శుభ ఫలితాల కొరకు ప్రతీ రోజూ రావి చెట్టుకు 'ఓం నమో భగవతే వాసుదేవాయ' అని స్మరిస్తూ 11 ప్రదక్షిణలు చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
కుంభరాశి ( Aquarius) ధనిష్ఠ 3, 4 పాదాలు, శతభిషం, పూర్వాభాద్ర 1, 2, 3 పాదాల వారికి :- ఈ నెలలో సామాన్య వాతావరణం ఏర్పడును. ధనాదాయం సామాన్యం. ఉద్యోగ వ్యాపార పరంగా ఆశించిన స్థాయిలో అభివృద్ది ని పొందుదురు. నూతన వ్యాపార ప్రయత్నాలు విజయవంతం అవుతాయి. గౌరవ ప్రదమైన జీవనం లభిస్తుంది. దగ్గరి బంధువులకు సంబంధించిన అశుభ వార్త వింటారు. ఇష్ట కార్యాలు చివరి నిమిషంలో పూర్తి చేయగలుగుతారు. ఈ మాసంలో నూతన భాద్యతలు తీసుకొనుటకు వెనుకాడవద్దు. ఆవేశానికి గురి అవ్వకుండా నిర్ణయాలు తీసుకొనవలసిన సమయం. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
మీనరాశి ( Pices) పూర్వాభాద్ర 4 వ పాదం, ఉత్తరాభాద్ర, రేవతి వారికి :- ఈ నెలలో పరిస్థితులు అనుకూలంగా ఉండును. ధనాదాయం బాగుంటుంది. వారసత్వ లేదా భూ లాభం ఏర్పడును. వ్యాపార వ్యపారాదులలో ఆశించిన దాని కన్నా ఎక్కువ ధనప్రాప్తి లభిస్తుంది. సుఖసంతోషాలు ఉన్నవి. వేడుకలలో పాల్గోనేదురు. కొన్ని నిర్ణయాలను చివరి నిమిషంలో మార్చుకుంటారు. దాని వలన లాభపడతారు. 16, 17, 18, 19 తేదీలలో అధిక భాద్యతలు నిర్వర్తించాల్సి ఉంటుంది. లోహ సంబంధ వ్యాపారములు ఈ మాసంలో ప్రారంభించకూడద. ఈ మాసంలో చేయు మిగిలిన వ్యాపార పెట్టుబడులు లాభించును. అనుకూలమైన శుభ ఫలితాల కొరకు సూర్య దేవుని ఆరాధన చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.
Latest Videos
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!