Today Rasi Phalalu: ఈ రాశి ఉద్యోగులకు ప్రమోషన్స్.. వ్యాపారాల్లో లాభాలు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 19.07.2025 శనివారానికి సంబంధించినవి.

మేష రాశి ఫలాలు

ఇంటా బయట ఊహించని సమస్యలు వస్తాయి. నూతన రుణ ప్రయత్నాలు చేయాల్సి వస్తుంది. వ్యాపారాలు అంతంత మాత్రంగా సాగుతాయి. ఆదాయానికి మించి ఖర్చులుంటాయి. దూర ప్రయాణాలు వాయిదా వేయడం మంచిది. ఉద్యోగాల్లో అధికారులతో సమస్యలు తప్పవు. దైవ చింతన పెరుగుతుంది.

వృషభ రాశి ఫలాలు

ఆధ్యాత్మిక సేవా కార్యక్రమాల్లో పాల్గొంటారు. వృత్తి, వ్యాపారాలు లాభాల బాటలో నడుస్తాయి. ఇంటా బయట ఆశ్చర్యకర విషయాలు తెలుస్తాయి. సమాజంలో ప్రముఖులతో పరిచయాలు పెరుగుతాయి. ఉద్యోగాల్లో సమస్యలను తెలివిగా పరిష్కరించుకుంటారు. ఆర్థికంగా అనుకూలం. 

మిథున రాశి ఫలాలు

సంఘంలో గౌరవ మర్యాదలు పెరుగుతాయి. సోదరులతో ఆస్తి వివాదాలు పరిష్కారం దిశగా సాగుతాయి. పాత మిత్రుల రాక ఆనందం కలిగిస్తుంది. నిరుద్యోగులకు ఉద్యోగ ప్రాప్తి కలుగుతుంది. దూరపు బంధువుల నుంచి శుభకార్యాలకు ఆహ్వానాలు అందుతాయి. వ్యాపార, ఉద్యోగాలు సజావుగా సాగుతాయి.

కర్కాటక రాశి ఫలాలు

ముఖ్యమైన వ్యవహారాల్లో ఆలోచనలు స్థిరంగా ఉండవు. కుటుంబ సభ్యుల నుంచి ఒత్తిడి పెరుగుతుంది. ఆలయ దర్శనాలు చేసుకుంటారు. చేపట్టిన పనుల్లో శ్రమ పెరుగుతుంది. ఆర్థికంగా ఒడిదుడుకులు తప్పవు. వ్యాపారాలు మందకొడిగా సాగుతాయి. ఉద్యోగాల్లో పనిభారం పెరుగుతుంది.

సింహ రాశి ఫలాలు

ముఖ్యమైన పనుల్లో శ్రమ తప్పా ఫలితం ఉండదు. వ్యాపార వ్యవహారాల్లో వ్యయ ప్రయాసలు అధికమవుతాయి. ఆర్థిక ఇబ్బందులు మరింత బాధిస్తాయి. బంధువులతో స్వల్ప వివాదాలు కలుగుతాయి. ఆరోగ్యం విషయంలో అశ్రద్ధ చేయడం మంచిది కాదు. నిరుద్యోగులకు కొంత నిరాశ తప్పదు.

కన్య రాశి ఫలాలు

దైవ సేవా కార్యక్రమాలపై దృష్టి సారిస్తారు. మిత్రుల నుంచి అవసరానికి డబ్బు సహాయం లభిస్తుంది. నిరుద్యోగ ప్రయత్నాలు అనుకూలిస్తాయి. చేపట్టిన ప్రతి పనిలో పరిస్థితులు మరింత అనుకూలిస్తాయి. విద్యార్థులకు శుభవార్తలు అందుతాయి. వ్యాపార, ఉద్యోగాల్లో ఊహించని మార్పులు చోటు చేసుకుంటాయి.

తుల రాశి ఫలాలు

కొన్ని సంఘటనలు ఆశ్చర్యపరుస్తాయి. నూతన వ్యాపారాలకు పెట్టుబడులు అందుతాయి. కుటుంబ సభ్యులతో ఆలయ దర్శనాలు చేసుకుంటారు. మిత్రులతో సఖ్యతగా వ్యవహరిస్తారు. ఇంటా బయట అనుకూల వాతావరణం ఉంటుంది. వ్యాపార, ఉద్యోగాల్లో నూతన ప్రోత్సాహకాలు అందుతాయి.

వృశ్చిక రాశి ఫలాలు

బంధు మిత్రుల నుంచి రుణ ఒత్తిడి పెరుగుతుంది. దైవ సేవా కార్యక్రమాల్లో పాల్గొంటారు. వ్యాపారాల్లో తొందరపాటు నిర్ణయాలు అమలు చేయడం మంచిది కాదు. ముఖ్యమైన పనులు శ్రమతో కానీ పూర్తికావు. ఆకస్మిక ప్రయాణ సూచనలు ఉన్నాయి. ఉద్యోగాల్లో అంచనాలను అందుకోవడంలో విఫలమవుతారు.

ధనుస్సు రాశి ఫలాలు

బంధువులతో మాటపట్టింపులు కలుగుతాయి. ఆర్థికంగా గందరగోళ పరిస్థితులు ఉంటాయి. పిల్లల ఆరోగ్యం విషయాల్లో అశ్రద్ధ చేయటం మంచిది కాదు. వ్యాపారాల్లో భాగస్వాములతో మాటపట్టింపులు ఉంటాయి. ఉద్యోగాలు నిదానంగా సాగుతాయి.

మకర రాశి ఫలాలు

ఆప్తుల నుంచి శుభకార్యాలకు ఆహ్వానాలు అందుతాయి. నూతన వాహన యోగం ఉంది. వృత్తి వ్యాపారాల్లో కీలక నిర్ణయాలు అమలు చేస్తారు. ఆర్థిక పరిస్థితి ఆశాజనకంగా ఉంటుంది. కొత్త వ్యక్తుల పరిచయాలు ఆనందం కలిగిస్తాయి. ఇంటా బయట పరిస్థితులు అనుకూలిస్తాయి. ఉద్యోగాల్లో అనుకూల వాతావరణం ఉంటుంది.

కుంభ రాశి ఫలాలు

ముఖ్యమైన పనుల్లో శ్రమ అధికమవుతుంది. వృత్తి, వ్యాపారాలు ముందుకు సాగక నిరాశ కలిగిస్తాయి. ఉద్యోగులకు అదనపు పని భారం వల్ల ఆలోచనలు స్థిరంగా ఉండవు. చేపట్టిన వ్యవహారాలు మందగిస్తాయి. కుటుంబ సభ్యులతో మాటపట్టింపులు ఉంటాయి. నిరుద్యోగ ప్రయత్నాలు వాయిదా పడతాయి.

మీన రాశి ఫలాలు

ఆకస్మిక ప్రయాణాలు లాభసాటిగా సాగుతాయి. పాత మిత్రుల రాక ఆనందం కలిగిస్తుంది. ఇంటి నిర్మాణ ప్రయత్నాలు వేగవంతం చేస్తారు. సన్నిహితుల నుంచి శుభవార్తలు అందుతాయి. ఆధ్యాత్మిక సేవా కార్యక్రమాల్లో పాల్గొంటారు. ఉద్యోగాల్లో పదోన్నతులు పెరుగుతాయి. వ్యాపారాలు లాభిస్తాయి.