TDP Suspends Chebrolu Kiran: సొంత పార్టీ కార్యకర్తపై టీడీపీ వేటు.. కారణం తెలిస్తే మీరూ ఇతన్ని తంతారు!

TDP Suspends Chebrolu Kiran: రాజకీయాల్లో లేని మహిళలు, రాజకీయ నాయకుల ఇంట్లోని మహిళల పట్ల దిగజారి మాట్లాడటం సామాజిక మాధ్యమాల్లో గత కొంతకాలంగా పెచ్చుమీరుతోంది. రానురాను మహిళలను కించపరిచేలా శృతిమించి వ్యాఖ్యలు చేయడం పరిపాటిగా మారుతోంది. ఈక్రమంలో ఐ-టీడీపీకి చెందిన సోషల్‌ మీడియా కార్యకర్త చేబ్రోల్ కిరణ్‌.. ఏపీ మాజీ సీఎం జగన్ సతీమణి భారతిపై ఇటీవల పలు అనుచిత వ్యాఖ్యలు చేశారు. దీనిపై టీడీపీ అధిష్టానం సీరియస్‌ అయ్యింది. వెంటనే అతన్ని పార్టీ నుంచి సస్పెండ్‌ చేస్తూ సంచలన నిర్ణయం తీసుకుంది. అసలు ఈ కిరణ్‌ ఎవరు, ఇతనిపై పార్టీ ఎందుకు చర్యలు తీసుకుంది అన్న విషయం చూద్దాం.   

TDP has suspended social media activist Chebrolu Kiran

చేబ్రోల్ కిరణ్‌ అనే వ్యక్తి ఓ యూట్యూబ్‌ ఛానల్‌ నడుపుతూ.. కొన్నేళ్లుగా టీడీపీకి అనుకూలంగా పనిచేస్తున్నారు. వైసీపీని విమర్శించే విశ్లేషకులు, సీమరాజ వంటి వారితో ఇంటర్వ్యూలు చేస్తుంటాడు. ఎన్నికల సమయంలో కూడా చాలా యాక్టివ్‌గా ఉంటూ సోషల్‌ మీడియాలో అనేక వీడియోలు పెట్టాడు. ఈ మధ్యకాలంలో ఇతనికి ఏమైందో ఏమో కానీ.. మాజీ సీఎం జగన్‌ సతీమణి.. వైఎస్‌ భారతిపై అనుచిత వ్యాఖ్యలు చేశారు. ఆమెను కించపరిచే విధంగా మాట్లాడటం, ఆరోపణలు చేయడంతో ఆ వీడియో సోషల్‌ మీడియాలో వైరల్‌గా మారింది. 

cbn met with party mps

వైసీపీ అధినేత వైఎస్ జగన్ సతీమణి వైఎస్ భారతీ రెడ్డిపై అనుచిత వ్యాఖ్యలు చేసి తర్వాత కిరణ్‌ ఓ వీడియో చేసి అందులో క్షమాపణలు కూడా చెప్పాడు. అయినా కూడా టీడీపీ అధిష్టానం అతని తప్పుని క్షమించలేదు. ఇక టీడీపీ తీసుకున్న ఈ నిర్ణయంపై అన్ని వర్గాల నుంచి ప్రశంసలు వస్తున్నాయి. మహిళలను అవమానించేలా మాట్లాడే ప్రతి ఒక్కరినీ పార్టీ, కులం, మతం, ప్రాంతంతో సంబంధం లేకుండా అన్ని పార్టీలు చర్యలు తీసుకోవాలని పలువురు కోరుతున్నారు. 

nara lokesh with bala krishna

కిరణ్‌ వ్యాఖ్యలపై టీడీపీ సీరియస్‌ అయ్యింది. మహిళలను కించపరిచేలా మట్లాడితే ఎంతటివారినైనా ఉపేక్షించేది లేదని తేల్చిచెప్పింది. పార్టీ నుంచి కిరణ్‌ను సస్పెండ్‌ చేసింది. అంతటితో ఆగకుండా అతనిపై కేసు నమోదు చేయాలని ఆదేశించింది. ఈ నేపథ్యంలో టీడీపీ నేతలు పలువురు పోలీసులకు ఫిర్యాదు చేయడంతో గుంటూరు పోలీసులు కిరణ్‌పై కేసు కూడా పెట్టారు. 

cbn with bhuvaneswari

ఇలాంటి వ్యాఖ్యలు ఏపీ రాజకీయాల్లో కొత్తకాదు. వైసీపీ నాయకుడు వల్లభనేని వంశీ .. టీడీపీ అధ్యక్షుడు చంద్రబాబు సతీమణి భవనేశ్వరిపై అనుచిత వ్యాఖ్యలు చేయడం అందరికీ తెలిసిందే. ఇవి గత ఎన్నికల్లో తీవ్ర దుమారం రేపాయి. ఇటీవల వంశీని పోలీసులు అరెస్టు చేశారు. ఆ సమయంలో కూడా టీడీపీ నాయకులు అతనిపై తీవ్రంగా విమర్శలు చేశారు.

TDP suspended social media activist Kiran

రాజకీయాల్లో వ్యక్తిగత దూషణలు, కుటుంబంలోని  మహిళలను కించపరిచే విధంగా ఎవరు చేసినా అది ఆ పార్టీలకు చెడ్డ పేరు తీసుకొస్తాయని ప్రతి ఒక్కరూ గ్రహించాలి. సొంత పార్టీ కార్యకర్తపై వేటు వేస్తూ.. టీడీపీ తీసుకున్న కఠిన వైఖరిని ఇతర పార్టీ నేతలు కూడా అమలు చేస్తే.. కొంత వరకైనా వ్యక్తిగత దూషణలు ఆగే పరిస్థితి ఉంటుంది. ఆ దిశగా నాయకులు అడుగులు వేస్తారో లేదో చూద్దాం.