అమెరికా ఉపాధ్యక్షుడు జెడి వాన్స్ భార్య ఉషా చిలుకూరి తెలుగు సంతతి బిడ్డే అన్న విషయం అందరికీ తెలిసిందే. విశాఖపట్నంలో వుండే ఆమె అవ్వ శాంతమ్మ 95 ఏళ్ల వయసులోనూ ఏం చేస్తున్నారో తెలుసా?
ఉషా చిలుకూరి ... అమెరికా అధ్యక్ష ఎన్నికల పలితాల తర్వాత భారత్ లో మరీముఖ్యంగా తెలుగు రాష్ట్రాల్లో ఎక్కువగా వినిపిస్తున్న పేరు. ప్రపంచదేశాలకు పెద్దన్నగా వ్యవహరించే అగ్రరాజ్యం అమెరికాకు మన తెలుగింటి ఆడబిడ్డ సెకండ్ లేడీగా అవకాశం దక్కింది. తాజాగా వెలువడిన యూఎస్ ఎన్నికల ఫలితాల్లో రిపబ్లికన్ పార్టీ విజయం సాధించింది. దీంతో డొనాల్డ్ ట్రంప్ నూతన అధ్యక్షుడిగా, ఉషా భర్త జేమ్స్ డేవిడ్ వాన్స్ (జెడి వాన్స్) ఉపాధ్యక్షుడిగా బాధ్యతలు చేపట్టనున్నారు.
ఉషా చిలుకూరి అమెరికాలోనే పుట్టిపెరిగినా ఆమె పూర్వీకులది మాత్రం ఆంధ్ర ప్రదేశ్. కృష్ణా జిల్లా ఉయ్యూరు మండలం సాయిపురం గ్రామం ఉషా స్వస్థలం. ఆ తర్వాత పూర్వీకులు తూర్పు గోదావరి జిల్లా చాగల్లు మండలం మార్కొండపాడు గ్రామానికి తరలివెళ్లి అక్కడే స్థిరపడ్డారు. ఆ తర్వాత ఉపాది,ఉద్యోగాల కోసం కొందరు... ఇతర కారణాలతో మరికొందరు రాష్ట్రంలోని వివిధ ప్రాంతాల్లో స్థిరపడ్డారు. ఇలా విశాఖపట్నంతో ఉషాకు సన్నిహిత బంధువు ఒకరు వున్నారు. ఆమే చిలుకూరి శాంతమ్మ.
ఎవరీ చిలుకూరి శాంతమ్మ :
అమెరికా ఉపాధ్యక్షుడిగా జెడి వాన్స్ నియామకం ఖాయమైన నేపథ్యంలో ఆయన భార్య చిలుకూరి ఉష గురించి తెలుసుకునేందుకు భారతీయులు ఆసక్తి చూపిస్తున్నారు. మరీముఖ్యంగా ఉషా తల్లిదండ్రులు, తాతముత్తాతలు ఆంధ్ర ప్రదేశ్ కు చెందినవారు... ఇక్కడే పుట్టిపెరిగారు. కాబట్టి ఉషా గురించి తెలుసుకునేందుకు కాస్త ఎక్కువ ఆసక్తి చూపించడంతో పాటే ఆమె బంధువులు గురించి ఆరా తీస్తున్నారు. ఈ క్రమంలోనే ఓ ఆసక్తికర విషయం వెలుగులోకి వచ్చింది.
ఉత్తరాంధ్రలోని విజయనగరం జిల్లాలో చిలుకూరి శాంతమ్మ ఫిజిక్ష్ ప్రొఫెసర్ గా పనిచేస్తున్నారు. ఇందులో గొప్ప విషయం ఏముందని అనుకుంటున్నారా? ఆమె ఏ 50, 60 ఏళ్ల వయసులో పనిచేయడం లేదు...ఏకంగా 93 వయసులోనూ ప్రొఫెసర్ గా పనిచేస్తున్నారు. ఈ వయసులోనూ శాంతమ్మ తన టీచింగ్ వృత్తిని కొనసాగించడం ఆశ్చకరమే కదా. ఇలా ఉన్నత ఆదర్శాలతో ఇప్పటికి విద్యార్థులను తీర్చిదిద్దే పనిలో వున్న శాంతమ్మ యూఎస్ సెకండ్ లేడి ఉషాకు నాన్నమ్మ వరస అవుతుంది.
ఉషా తండ్రి రాధాకృష్ణ కు శాంతమ్మ సొంత చిన్నమ్మ అవుతుంది. ఉద్యోగనిమిత్త భర్తతో కలిసి విశాఖపట్నంలో స్థిరపడ్డారు శాంతమ్మ. ఆంధ్ర యూనివర్సిటీలో ప్రొఫెసర్ గా పనిచేసి రిటైరైన ఆమె ప్రస్తుతం విజయనగరంలోని సెంచూరియన్ యూనివర్సిటీలో పనిచేస్తున్నారు. 93 ఏళ్ల వయసులోనే ఆమె టీచింగ్ వృత్తిని కొనసాగిస్తున్నారు.
మనవరాలు ఉషా గురించి శాంతమ్మ ఏమంటున్నారంటే :
తన మనవరాలు అమెరికాలో అత్యున్నత స్థాయికి చేరుకోవడం గర్వంగా వుందని శాంతమ్మ అన్నారు. తన మనవడు (ఉషా భర్త) జెడి వాన్స్ రిపబ్లికన్ పార్టీ తరపున వైస్ ప్రెసిడెంట్ పదవికి నామినేట్ కావడం సంతోషాన్ని ఇచ్చిందన్నారు. ఇలాగే జెడి వాన్స్ మరింత ఎత్తుకు ఎదగాలని ...మనవరాలు ఉషా అతడి సక్సెస్ లో భాగమై పిల్లాపాపలతో హాయిగా జీవించాలని కోరుకుంటున్నట్లు శాంతమ్మ తెలిపారు.
కొడుకు రాధాకృష్ణ చాలాకాలం క్రితమే అమెరికాకు వెళ్ళి అక్కడే స్థిరపడిపోయాడని శాంతమ్మ గుర్తుచేసుకున్నారు. యూఎస్ లో వుంటున్నా భారత దేశ సంస్కృతి, సాంప్రదాయాలను మరిచిపోలేదని...పిల్లలను ఎంతో గొప్పగా పెంచి ప్రయోజకులను చేసారన్నారు. ఇప్పుడు ఆయన కూతురు ఉషా కూడా భారత మూలాలను మరిచిపోకుండా కాపాడుతోందని... భర్త క్రిస్టియన్ అయినా తన పిల్లలకు మనపేర్లు పెట్టడమే అందుకు నిదర్శనంగా శాంతమ్మ పేర్కొన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి