Liver Health: ఉదయాన్నే ఈ డ్రింక్ తాగితే, కాలేయం ఆరోగ్యంగా ఉన్నట్లే..!

ఈరోజుల్లో కాలేయ సంబంధిత వ్యాధులతో చాలా మంది బాధపడుతున్నారు. అలాంటివారు రెగ్యులర్ గా ఓ డ్రింక్ తాగితే చాలు లివర్ సమస్యలు ఏమీ ఉండవు. మరి, ఆ డ్రింక్ ఏంటో చూద్దామా...  

కాలేయం మన శరీరంలోని ముఖ్యమైన భాగాలలో ఒకటి. ఇది ఆరోగ్యంగా ఉండటం మన మొత్తం ఆరోగ్యానికి చాలా అవసరం. కానీ బాధాకరమైన విషయం ఏమిటంటే, మనలో చాలా మంది కాలేయాన్ని జాగ్రత్తగా చూసుకోవడంలో శ్రద్ధ చూపరు. ఫలితంగా, లివర్ సిర్రోసిస్, ఫ్యాటీ లివర్ వంటి సమస్యలు వస్తాయి.  విపరీతంగా మద్యం సేవించడం, ఆరోగ్యకరమైన ఆహారం తీసుకోకపోవడం వల్ల కూడా  ఆరోగ్య సమస్యలు వస్తూ ఉంటాయి.  కాలేయం మన శరీరంలోని విష పదార్థాలను శుద్ధి చేస్తుంది, కాబట్టి ఇది ఆరోగ్యంగా లేకపోతే అనేక వ్యాధుల బారిన పడే ప్రమాదం ఉంది. కాలేయాన్ని ఆరోగ్యంగా ఉంచడానికి, క్రమం తప్పకుండా డీటాక్స్ చేయడం చాలా ముఖ్యం. ఇప్పుడు ఆ డ్రింక్ ఎలా తయారు చేయాలో చూద్దాం

నిమ్మకాయ, అల్లం పానీయం:

నిమ్మకాయ, అల్లం రసం ఒక సులభమైన, ప్రభావవంతమైన ఇంటి చిట్కా డ్రింక్. దీనిని ఎలా తయారు చేయాలో ఇప్పుడు చూద్దాం...

1 నిమ్మకాయ రసం

1 అంగుళం అల్లం ముక్కలు

1 గ్లాసు గోరువెచ్చని నీరు

1 టీ స్పూన్ తేనె ( రుచి కోసం, కావాలంటే వాడొచ్చు)

డ్రింక్ తయారీ విధానం

ముందుగా అల్లం ముక్కలు చేసి ఒక గిన్నెలో పెట్టుకోండి. వేరే గిన్నెలో నీళ్లు వేడి చేయండి. నీరు మరిగిన తర్వాత, అందులో తరిగిన అల్లం ముక్కలు వేయండి. అల్లం కలిపిన నీటిని 10 నిమిషాలు ఉడకనివ్వండి. నీరు మరిగి తగ్గిన తర్వాత, వడగట్టి నిమ్మరసం కలపండి. రుచి కోసం ఈ పానీయంలో తేనె కలుపుకోవచ్చు.

చాలా మంది ఆయుర్వేద నిపుణులు ప్రతిరోజూ ఉదయం ఖాళీ కడుపుతో ఈ పానీయం తాగితే కాలేయం డీటాక్స్ చేయడానికి సహాయపడుతుందని నమ్ముతారు. నిమ్మకాయలోని విటమిన్ సి కాలేయం పనితీరును పెంచుతుంది. అల్లం వాపును తగ్గించడంలో సహాయపడుతుంది.

ఇతర ఉపయోగకరమైన పానీయాలు:

కలబంద రసం: కలబందలో అలోయిన్ అనే ప్రోటీన్ ఉంటుంది. ఇది మన శరీరం నుండి విషాన్ని తొలగించడంలో ప్రత్యేక పాత్ర పోషిస్తుంది. లివర్ ఆరోగ్యానికి సహాయం చేస్తుంది. 

గ్రీన్ స్మూతీ: గ్రీన్ డ్రింక్ మీకు ఉపయోగకరంగా ఉంటుంది. కొత్తిమీర, వాల్‌నట్స్, పాలకూర, అవకాడో, పైనాపిల్, కొబ్బరి నీరు, నిమ్మరసం కలిపి ఆరోగ్యకరమైన గ్రీన్ స్మూతీని తయారు చేసుకోండి.

బీట్‌రూట్, క్యారెట్ జ్యూస్: కాలేయాన్ని శుభ్రపరచడానికి బీట్‌రూట్ మరియు క్యారెట్ జ్యూస్ చాలా ఉపయోగకరంగా ఉంటుంది.

 మీకు కాలేయ సమస్య ఉంటే, ఈ పానీయాలు తాగే ముందు వైద్యుడిని సంప్రదించాలని గుర్తుంచుకోండి. ఈ పానీయాలు కాలేయాన్ని ఆరోగ్యంగా ఉంచుతాయి, ఇవి ఏ వ్యాధికి చికిత్స కాదు.