Beast Second Song: `జాలీ ఓ జింఖానా` పాటతో అదరగొడుతున్న విజయ్.. ట్రెండింగ్
సారాంశం
విజయ్, పూజా హెగ్డే కలిసి నటిస్తున్న చిత్రం `బీస్ట్`. ఈ సినిమా నుంచి మరో పాట విడుదలైంది. `జాలీ ఓ జింఖానా` అంటూ సాగే పాట విడుదలై దూసుకుపోతుంది. సోషల్ మీడియాలో ట్రెండ్ అవుతుంది.
థళపతి విజయ్(Vijay) హీరోగా రూపొందుతున్న తమిళ చిత్రం `బీస్ట్`(Beast). దిలిప్ నెల్సన్ కుమార్ దర్శకత్వంలో తెరకెక్కుతున్న చిత్రమిది. స్టార్ హీరోయిన్ పూజా హెగ్డే(Pooja Hegde) కథానాయికగా నటిస్తుంది. సన్ పిక్చర్స్ సంస్థ భారీ బడ్జెట్తో ఈ చిత్రాన్ని తెరకెక్కిస్తుంది. సినిమా విడుదలకు సిద్ధమవుతుంది. ఏప్రిల్లో ఆడియెన్స్ ముందుకు రాబోతుంది. ఈ నేపథ్యంలో ప్రమోషన్ జోరు పెంచింది యూనిట్. ఇటీవల తొలి పాట `అరబికుత్తు`ని విడుదల చేయగా, అది మిలియన్స్ వ్యూస్తో దూసుకుపోతుంది. ఇప్పటికే ఆ పాట 70 మిలియన్స్ ని దాటుకుని వంద మిలియన్ వ్యూస్ దిశగా పరిగెత్తుతుంది.
తాజాగా శనివారం మరో పాటని విడుదల చేశారు. `జాలీ ఒ జింఖానా`(Jolly o Gymkhana) అంటూ సాగే పాటని రిలీజ్ చేసింది యూనిట్. పూర్తి లిరికల్ వీడియో సాంగ్ని విడుదల చేయగా, ఇది ట్రెండ్ అవుతుంది. అటు సోషల్ మీడియాలో, మరోవైపు యూట్యూబ్లో మిలియన్ వ్యూస్తో దూసుకుపోతుంది. విడుదలైన గంటలోపే రెండు మిలియన్ వ్యూస్ని రాబట్టుకోవడం విశేషం. అనిరుథ్ రవిచంద్రన్ సంగీతం అందించిన ఈ పాటని కు కార్తిక్ రాశారు. ఇదిలా ఉంటే ఈ పాట థళపతి విజయ్ ఆలపించడం విశేషం. జానీ మాస్టర్ నృథ్యాలు కంపోజ్ చేశారు.
ఈ పాటలో విజయ్, పూజా హెగ్డేలు ఆటాపాట ఆద్యంతం ఆకట్టుకుంటుంది. కనువిందు చేస్తుంది. తనదైన డాన్సు స్టెప్పులతో అదరగొడుతున్నారు విజయ్. మరోవైపు సింగర్గా ఆయన ఆకట్టుకుంటున్నారు. విజయ్ మంచి నేపథ్య గాయకుడనే విషయం తెలిసిందే. ఇప్పటికే అనేక పాటలు ఆలపించారు. తన ప్రతి సినిమాలో ఏదో ఒక పాటని ఆలపించడం ఆనవాయితీగా వస్తుంది. మాస్టర్ చిత్రంలో `కుట్టీ స్టోరీ`పాటని అలపించారు. ఇప్పుడు `జాలీ ఓ జింఖానా` పాటని పాడటం విశేషం. దీంతో ఈ పాట ట్రెండ్ అవుతుంది.