పెళ్లి పనుల్లో బిజీబిజీగా వరుణ్ తేజ్ - లావణ్య.. షాపింగ్ కు బయల్దేరిన ప్రేమ జంట
By Asianet News | First Published Sep 16, 2023, 8:34 PM ISTమెగా ప్రిన్స్ వరుణ్ తేజ్ - లావణ్య త్రిపాఠి కళ్యాణ గడియాలు దగ్గరపడుతున్నాయి. ఈ సందర్భంగా పెళ్లి పనుల్లో టాలీవుడ్ ప్రేమ జంట బిజీగా ఉంది. తాజాగా ఓ షాపింగ్ మాల్ లో సందడి చేశారు. ఆ వీడియో వైరల్ గా మారింది.
మెగా ఇంట్లో త్వరలో పెళ్లి బజాలు మోగనున్నాయి. టాలీవుడ్ హీరో, మెగా ప్రిన్స్ వరుణ్ తేజ్ - లావణ్య త్రిపాఠి వెడ్డింగ్ పనులు ముమ్మరంగా కొనసాగుతున్నాయి. ఈ ఏడాది జూన్ 9న వీరి నిశ్చితార్థం హైదరాబాద్ లో ఘనంగా జరిగిన విషయం తెలిసిందే. ఐదేళ్లుగా ప్రేమలో మునిగితేలుతూ ఎట్టకేళలకు పెళ్లి వరకు వచ్చారు. ప్రస్తుతం వరుణ్, లావణ్య పెళ్లి పనుల్లో బిజీగా ఉన్నారు. ఓవైపు తదుపరి సినిమా పనులు చూసుకుంటూనే తమ వెడ్డింగ్ ఏర్పాట్లపైనా శ్రద్ధ పెట్టారు.
తాజాగా వరుణ్ తేజ్, లావణ్య ఓ షాపింగ్ మాల్ వద్ద కనిపించారు. ప్రముఖ సెలబ్రెటీ డిజైనర్ మనీష్ మల్హోత్రాకు సంబంధించిన హైదరాబాద్ బ్రాచ్ లో సందడి చేశారు. పెళ్లి ప్రత్యేకమైన దుస్తులను ఎంపిక చేసినట్టు తెలుస్తోంది. స్పెషల్ డిజైన్స్ ను ఎంపిక చేసినట్టు కనిపిస్తోంది. ప్రస్తుతం వారిద్దరూ షాపింగ్ మాల్ వద్ద మెరిసిన వీడియో నెట్టింట వైరల్ గా మారింది. తన పెళ్లి షాపింగ్ లో బిజీగా కనిపించడంతో ఖుషీ అవుతున్నారు.
Latest Videos
undefined
ఇక, వరుణ్ - లావణ్య ల పెళ్లి ఎక్కడ జరుగుతుందనేది ఆసక్తికరంగా మారింది. ఇటలీలోని ఓ ప్యాలెస్ లో జరిగే అవకాశం ఉందంటూ పలువురు అభిప్రాయపడుతున్నారు. నవంబర్ 1న వీరి వెడ్డింగ్ గ్రాండ్ గా జరగనుందని కూడా అంటున్నారు. దీనిపై ఇంకా అధికారిక ప్రకటన రాలేదు. ఈ మేరకు సమయానికి అన్ని పనులు పూర్తి చేసేందుకు ఇటు మెగా ఫ్యామిలీ, అటు లావణ్య కుటుంబ సభ్యులు ఏర్పాట్లపై ఫోకస్ పెట్టినట్టు కనిపిస్తోంది. అతిథులు, కుటుంబ సభ్యులు, సన్నిహితులు వచ్చే ఈ వేడుకను గ్రాండ్ గా నిర్వహించేందుకు ఏర్పాట్లు శరవేగంగా చేస్తున్నారని తెలుస్తోంది.
మొత్తానికి టాలీవుడ్ లవ్ బర్డ్స్ పెళ్లి పనుల్లో బిజీ కావడం విశేషం. పనుల్లో భాగంగా నగరంలో అక్కడక్కడ తళుక్కున మెరుస్తూ ఆకట్టుకోవడంతో అభిమానులు ఖుషీ అవుతున్నారు. ఇక వీరి పెళ్లి వేడుక కోసం అంతా ఎదురుచూస్తున్నారు. ఇదిలా ఉంటే.. వరుణ్ తేజ్ తన తదుపరి సినిమా పనుల్లో ఎలాంటి జాప్యం లేకుండా చూసుకుంటున్నారు. రీసెంట్ గా ‘గాంఢీవదారి అర్జున’తో ప్రేక్షకుల ముందుకు వచ్చారు. ప్రవీణ్ సత్తార్ దర్శకత్వం వహించిన ఈ చిత్రం ఆగస్టు 25 థియేటర్లలో విడుదలైంది. రీసెంట్ గా నెక్ట్స్ ఫిల్మ్ ‘ఆపరేషన్ వాలెంటైన్’ చిత్ర డబ్బింగ్ పనులు కూడా షురూ చేశారు.
ఇక లావణ్య త్రిపాఠి చివరిగా ‘పులిమేక’ అనే వెబ్ సిరీస్ లో మెరిసింది. జీ5లో ప్రస్తుతం స్ట్రీమింగ్ అవుతోంది. తమిళంలో రూపుదిద్దుకుంటున్న ‘థనల్’, చిత్రంలో నటిస్తోంది. ఈ మూవీ షూటింగ్ కూడా పూర్తైంది. పోస్ట్ ప్రొడక్షన్ పనులు జరుగుతున్నాయి. త్వరలో ప్రేక్షకుల ముందుకు రానుంది. ఇక వరుణ్ - లావణ్య 2017లో వచ్చిన ‘మిస్టర్’ అనే చిత్రంలో కలిసి నటించిన విషయం తెలిసిందే. అప్పటి నుంచే వీరిమధ్య ప్రేమ చిగురించిందని తెలుస్తోంది. ఆ తర్వాత ‘అంతరిక్షం 9000 కేఎంపీహెచ్’లో నటించారు. ఆరేళ్లకు వీరి నిశ్చితార్థం జరిగింది. త్వరలో మూడుముళ్ల బంధంలోకి అడుగుపెట్టబోతున్నారు.
The wedding prep begins for the Mega Wedding❤️🔥
Mega Prince & Spotted at for their wedding outfit trails, Specially designed by 💥 pic.twitter.com/r8fjtsypOe
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి