చరణ్ సినిమా టైటిల్ ఇదేనట!

మెగాపవర్ స్టార్ రామ్ చరణ్.. బోయపాటి దర్శకత్వంలో ఓ సినిమా చేస్తోన్న సంగతి తెలిసిందే. తొలిసారి ఈ కాంబినేషన్ లో సినిమా వస్తుండడంతో ప్రేక్షకుల్లో అంచనాలు ఏర్పడ్డాయి. ఈ సినిమాకి సంబంధించిన ఫస్ట్ లుక్ ని దసరా కానుకగా విడుదల చేస్తారని మెగాభిమానులు ఎంతగానో ఎదురుచూశారు. 

కానీ చిత్రబృందం నుండి ఎలాంటి ప్రకటన లేదు. దీంతో చరణ్ టైటిల్ ఇదేనంటూ చక్కర్లు కొడుతోన్న 'వినయ విధేయ రామ' టైటిల్ మారుస్తున్నట్లు వార్తలు పుట్టుకొచ్చాయి. అభిమానుల నుండి ఈ టైటిల్ ని వ్యతిరేకత రావడం, చిరంజీవి కూడా మరీ క్లాసీ టైటిల్ గా ఉందని అనడంతో టైటిల్ మార్చే పనిలో ఉన్నారని సోషల్ మీడియాలో వార్తలు చక్కర్లు కొట్టాయి. 

కానీ టైటిల్ లో ఎలాంటి మార్పు లేదని తెలుస్తోంది. 'వినయ విధేయ రామ' టైటిల్ నే కన్ఫర్మ్ చేసినట్లు ఫిలిం నగర్ వర్గాల సమాచారం. దీనికి సంబంధించిన అధికార ప్రకటన త్వరలోనే విడుదల చేసి.. ఫస్ట్ లుక్ ని  మాత్రం దీపావళి కానుకగా విడుదల చేయాలని ప్లాన్ చేస్తున్నారట. మరి ఈ వార్తల్లో ఎంతవరకు నిజముందో తెలియాల్సివుంది!

ఇవి కూడా చదవండి..