తన డాన్స్ స్కిల్స్ ని పీక్‌లో చూపించింది తమన్నా. ఓ పాప్‌ సాంగ్‌కి అదిరిపోయే డాన్స్ లు చేసి వాహ్‌ అనిపించింది. అంతేకాదు ఆ వీడియోని తన ఇన్‌స్టాగ్రామ్‌ ద్వారా అభిమానులతో పంచుకుంది.
మిల్కీ బ్యూటీ అందమైన నటి మాత్రమే కాదు, అద్భుతమైన డాన్సర్‌ కూడాను. సినిమాల్లో ఆమె డాన్సులు ఉర్రూతలూగిస్తాయి. ఆడియెన్స్ చేత థియేటర్‌లో స్టెప్పులేయిస్తాయి. తాజాగా తన డాన్స్ స్కిల్స్ ని పీక్‌లో చూపించింది తమన్నా. ఓ పాప్‌ సాంగ్‌కి అదిరిపోయే డాన్స్ లు చేసి వాహ్‌ అనిపించింది. అంతేకాదు ఆ వీడియోని తన ఇన్‌స్టాగ్రామ్‌ ద్వారా అభిమానులతో పంచుకుంది. ఇప్పుడీ వీడియో సామాజిక మాధ్యమాలను షేక్‌ చేస్తుందంటే అతిశయోక్తి కాదు.
డోజా కాట్, ఓ బాయ్ కలసి పాడిన `కిస్ మీ మోర్` అనే పాటకు కొరియోగ్రాఫర్ షజియా సమ్జీతో కలసి ఎనర్జిటిక్‌ స్టెప్పులతో ఫిదా చేసింది. ఈ అమ్మడి లెగ్‌ షేక్‌కి సోషల్‌ మీడియా మొత్తం షేక్‌ అయిపోతుండటం విశేషం. తమన్నా చేసిన ఈ డ్యాన్స్‌ వీడియో నెట్టింటా వైరల్‌గా మారింది. ఇండ‌స్ట్రీకి వ‌చ్చి 15 ఏళ్లవుతున్నా ఏమాత్రం తరగని అందం తమన్నా సొంతం. అదే అందం, అదే ఫిజిక్‌తో మతిపోగొడుతుంది. దాదాపు స్టార్ హీరోలందరితోనూ ఆడిపాడిందీ మిల్కీ బ్యూటీ.
ఇప్పుడు ట్రెండ్‌ మార్చింది. సినిమాలతోపాటు టీవీ షోస్‌, వెబ్‌సిరీస్‌లు కూడా చేస్తుంది. ఇప్పటికే రెండు వెబ్‌సిరీస్‌లతో అదరగొట్టింది. మరోవైపు `మాస్టర్‌చెఫ్‌ తెలుగు` అనే వంటల ప్రోగ్రామ్‌ని హోస్ట్ చేస్తుంది. దీంతోపాటు స్పెషల్‌ సాంగ్‌లకు కేరాఫ్‌గా నిలుస్తున్న తమన్నా ప్రస్తుతం `సీటీమార్‌`, `ఎఫ్‌3`, `గుర్తుందా.. శీతాకాలం`, `మ్యాస్ట్రో` చిత్రాల్లో నటిస్తూ బిజీగా ఉంది.