మెగా హీరో లెగ్స్ షేక్ చేయబోతున్న మిల్కీ బ్యూటీ.. మరో ఐటెమ్ సాంగ్
సారాంశం
హీరోయిన్గానే కాదు,ఐటెమ్సాంగ్లకు కేరాఫ్గా నిలుస్తుంది మిల్కీ బ్యూటీ తమన్నా. గతంలోనూ స్పెషల్ సాంగుల్లో మెరిసిన ఆమె ప్రస్తుతం మెగా హీరోతో లెగ్ షేక్ చేయబోతుందట.
మిల్కీ బ్యూటీ తమన్నా హీరోయిన్గానే కాదు, స్పెషల్ సాంగ్లకు ఫేమస్సే. ఈ అమ్మడు ఆడిపాడిన సినిమాల్లో ఐటెమ్ సాంగుల్లో స్పెషల్ ఎట్రాక్షన్గా నిలిచాయి. సినిమా కీలక భూమిక పోషించాయి. సినిమాకే ఊపు తీసుకొచ్చాయి. `అల్లుడు అదుర్స్` చిత్రంలో తొలిసారి స్పెషల్ సాంగ్ చేసింది తమన్నా. ఇందులో `లబ్బర్ బొమ్మ` పాటలో తన మాస్ స్టెప్పులతో ఉర్రూతలూగించింది. `స్పీడున్నోడు` చిత్రంలో మరోసారి `బ్యాచ్లర్ బాబు` బెల్లంకొండతో లెగ్ షేక్ చేసింది. వీటితోపాటు ఎన్టీఆర్తో `జై లవకుశ`లో, నిఖిల్తో `జాగ్వర్` చిత్రంలో, యష్తో `కేజీఎఫ్ఃఛాప్టర్ 1`లో, మహేష్తో `సరిలేరు నీకెవ్వరు`లో స్పెషల్ సాంగ్లతో ఓ ఊపు ఊపింది తమన్నా.
ఇప్పుడు మరోసారి ఐటెమ్ సాంగ్ చేయబోతుందట. మెగా హీరో వరుణ్ తేజ్తో ఆడిపాడేందుకు సిద్ధమవుతుందని సమాచారం. వరుణ్ తేజ్ హీరోగా కిరణ్ కొర్రపాటి దర్శకత్వంలో `గని` చిత్రం రూపొందుతుంది. ప్రస్తుతం చివరి దశ చిత్రీకరణ జరుపుకుంటోంది. ఇందులో ఓ స్పెషల్ సాంగ్ ఉందని, అందులో తమన్నాతో చేయించాలని మేకర్స్ భావిస్తున్నారట. ఫుల్ మాసీగా ఈ సాంగ్ ఉంటుందని టాక్. సాయి మంజ్రేకర్ హీరోయిన్గా నటిస్తున్న ఈ చిత్రంలో వరుణ్ తేజ్ బాక్సర్గా నటిస్తున్నారు.
ఇదిలా ఉంటే వెంకటేష్, వరుణ్ తేజ్ కలిసి `ఎఫ్3`లో నటిస్తున్నారు. ఇందులో వెంకీ సరసన తమన్నా నటిస్తున్న విషయం తెలిసిందే. వరుణ్తేజ్కి జోడీగా మెహరీన్ కనిపిస్తుంది. మరోవైపు తమన్నా ప్రస్తుతం `సీటీమార్`, `మ్యాస్ట్రో`, `గుర్తుందాశీతాకాలం`, హిందీలో `బోల్ చుడియన్` చిత్రాల్లో నటిస్తుంది.