సునీల్ ఉంగరాల రాంబాబు ఆలస్యం వెనుక బలమైన కారణం

కమెడియన్ గా వెండితెరకు పరిచయమై టాప్ రేంజ్ కు ఎదిగిన సునీల్ హీరోగా మారి పలు హిట్ సినిమాల్లో నటించిన సునీల్ సునీల్ తాజా చిత్రం ఉంగరాల రాంబాబుకు రిలీజ్ కష్టాలు?

కమెడియన్ గా వెండతెరకు పరిచయమై తర్వాత హీరోలుగా మారిన వారు చాలా మందే ఉన్నారు. అదే కోవలో తెలుగులో టాప్‌ కమెడియన్‌గా ఎదిగిన సునీల్... అదే సమయంలో హీరోగా మారాడు. మొదట్లో కొన్ని విజయాలు వరించినా, ఇప్పుడు వరుసగా పరాజయాల పాలవుతున్న సునీల్ ను పట్టించుకుంటునే వారు ఇండస్ట్రీలో బాగా తగ్గారనే చెప్పాలి. ఇటీవల వచ్చిన ‘జక్కన్న’ కొద్దిగా ఫర్వాలేదనిపించినా.. తర్వాత వచ్చిన ‘వీడు గోల్డ్‌ ఎహే’ దారుణ పరాజయం పాలైంది.

సునీల్‌ ప్రస్తుతం క్రాంతిమాధవ్‌ దర్శకత్వంలో ‘ఉంగరాల రాంబాబు’ అనే సినిమాలో నటించాడు. క్రాంతిమాధవ్‌ ఖాతాలో ‘మళ్లీ మళ్లీ ఇది రాని రోజు’ వంటి హిట్‌ సినిమా ఉన్నప్పటికీ ‘ఉంగరాల రాంబాబు’ సినిమాను కొనేందుకు ఎవ్వరూ ముందుకు రావడం లేదని ఫిలింనగర్ సర్కిల్ లో వినిపిస్తోంది. నిజానికి ఈ సినిమాను ఈ వేసవిలోనే విడుదల చేద్దామనుకున్నారు. అయితే బయ్యర్లు మందుకు రాకపోవడంతో సినిమా విడుదల కష్టంగా మారింది. 

మరి సునీల్ సినిమా ఎటు టర్న్ తీసుకుంటుందో చూడాలి.