సారా అలీ ఖాన్ ముక్కు పగిలింది.. కొట్టిందెవరు?
సారాంశం
బాలీవుడ్ హీరోయిన్, సైఫ్ అలీ ఖాన్ తనయ సారా అలీ ఖాన్ ముక్కుకి గాయమైంది. రక్తం మరకలతో నిండిపోయింది. ఈ విషయాన్ని వాళ్ల అమ్మానాన్నతో మొరపెట్టుకుంది సారా.
బాలీవుడ్ హీరోయిన్ సారా అలీ ఖాన్ గాయాలపాలైంది. ఆమె ముక్కుకి బలమైన గాయమైంది. రక్తం కారుతున్న స్థితిలో ఆమె బ్యాండేజ్ వేసుకుని తన ఆవేదన పంచుకుంది. ఇన్స్టాగ్రామ్లో ఈవిషయాన్ని తెలియజేస్తూ ఓ వీడియోని పంచుకుంది సారా అలీ ఖాన్. ఇందులో బ్యాండేజ్ వేసుకుని తనని ముక్కుపై కొట్టారు.. కొట్టారంటూ వాళ్ల అమ్మా నాన్న సైఫ్ అలీ ఖాన్, అమృతా సింగ్లకు తెలిపింది.
నాకౌట్ అని వర్ణిస్తూ ముక్కుకి ఉన్న ప్యాచ్ని తొలగించింది. ముక్కుకి రక్తం మరకలున్నాయి. ఈ సందర్భంగా సారా కామెడీ చేసేప్రయత్నం చేసింది. `నాక్(కొట్టడం), నాక్ అక్కడ ఎవరున్నారు? నాక్ చేయండి. నాకౌట్ చేయండి` అంటూ వెల్లడించింది సారా. ఈ సందర్భంగా తన గాయంపై అమ్మానాన్నలకు ఫిర్యాదు చేస్తూ సారీ చెప్పింది సారా. ప్రస్తుతం ఈ వీడియో ఇంటర్నెట్లో వైరల్ అవుతుంది. త్వరగా కోలుకోవాలని పలువురు సినీ సెలబ్రిటీలు కామెంట్లు పెడుతున్నారు.
అయితే సారాకి నిజంగానే దెబ్బతగిలిందా? నిజమే అయితే కొట్టిందెవరు? అనే ప్రశ్నలు వినిపిస్తున్నాయి. లేదంటే ఏదైన ప్రమోషన్లో భాగంగానా? కామెడీ చేయడంకోసం ఇలా చేసిందా? అన్నది ఆసక్తికరంగా మారింది. `కేదార్నాథ్`, `సింబా`, `లవ్ ఆజ్ కల్`, `కూలీ నెం1` చిత్రాలతో ఆకట్టుకున్న సారా ప్రస్తుతం `అట్రాంగి రే` చిత్రంలో ధనుష్తో కలిసి నటిస్తుంది.