సమంతకు సపోర్ట్ గా ఐదుగురు స్టార్ హీరోలు, 5 భాషల్లో యశోద ట్రైలర్ రిలీజ్ చేయబోతున్న పాన్ ఇండియా స్టార్స్

సమంత ప్రధాన పాత్రలో నటించిన యాక్షన్ థ్రిల్లర్ యశోద. హరి మరియు హరీష్ సంయుక్తంగా డైరెక్ట్ చేసిన ఈ  సినిమాపై భారీ అంచనాలు ఉన్నాయి.ఇక టీజర్ తో ఆ అంచనాలు ఇంకా పెంచేశారు టీమ్. ఇక ఇప్పుడు ట్రైలర్ రిలీజ్ కు రెడీ అవుతున్నారు. 

యశోద మూవీ నుంచి రీసెంట్ గా రిలీజ్ అయిన  టీజర్ కి అనూహ్య స్పందన లభించిన విషయం తెలిసిందే. దాంతో సినిమాపై భారీ అంచనాలు నెలకొన్నాయి. ట్రైలర్ కోసం ఆడియన్స్ వెయిట్ చేస్తున్నారు. వాళ్ళ ఆసక్తిని మరింత పెంచుతూ భారీ ప్లాన్ వేశారు మూవీ టీమ్.  పాన్ ఇండియా హీరోలతో ట్రైలర్ విడుదల ప్లాన్ చేశారు మేకర్స్. 

నవంబర్ 11న ప్రపంచ వ్యాప్తంగా  ఈ సినిమా ప్రేక్షకుల ముందుకు వస్తోంది. యశోద ట్రైలర్‌ను అక్టోబర్ 27న పేరొందిన పాన్ ఇండియన్ హీరోలు రిలీజ్ చేయబోతున్నట్టు అనౌన్స్ చేయడంతో అంచనాలు ఆకాశాన్ని అందుతున్నాయి.  అటు అభిమానుల్లో, ఇటు ఇండస్ట్రీ వర్గాల్లో ఆసక్తి నెలకొంది.తెలుగులో హీరో విజయ్ దేవరకొండ, తమిళంలో సూర్య, కన్నడలో రక్షిత్ శెట్టి, మలయాళంలో దుల్కర్ సల్మాన్, హిందీలో వరుణ్ ధావన్ 'యశోద' ట్రైలర్ రిలీజ్ చేయబోతున్నారు. 

శ్రీదేవి మూవీస్ పతాకంపై ప్రముఖ నిర్మాత శివలెంక కృష్ణప్రసాద్ ఈ సినిమాను భారీ బడ్జెట్ తో నిర్మించారు. ప్రపంచవ్యాప్తంగా తెలుగు, తమిళ, హిందీ, కన్నడ, మలయాళ భాషల్లో 'యశోద' విడుదల కానుంది. సినిమా నిర్మాణంలో ఖర్చుకు వెనకాడనట్టే, ప్రమోషన్స్ కూడా రొటీన్ కి భిన్నంగా పాన్ ఇండియా ఇమేజ్‌కు ఏమాత్రం తగ్గకుండా డిఫరెంట్ గా ప్లాన్ చేస్తున్నారు యశోద మేకర్స్.   ప్రసాద్.

సమంత తో పాటు ఈమూవీలో భారీ స్టార్ కాస్టింగ్ నటించింది. అన్నిభాషల నుంచి నటీ నటులు ఇందులో నటించారు.  వరలక్ష్మీ శరత్ కుమార్, ఉన్ని ముకుందన్, రావు రమేష్, మురళీ శర్మ, సంపత్ రాజ్, శత్రు, మధురిమ, కల్పికా గణేష్, దివ్య శ్రీపాద, ప్రియాంకా శర్మ  ఇలా సీనియర్ నటీనటులు యశోద సినిమాలో సందడి చేయబోతున్నారు. 

ఇక ఈమూవీ టెక్నికల్ టీమ్ విషయయానికి వస్తే.. సంగీతం: మణిశర్మ, మాటలు: పులగం చిన్నారాయణ, డా. చల్లా భాగ్యలక్ష్మి, పాటలు: రామజోగయ్య శాస్త్రి, కెమెరా: ఎం. సుకుమార్,  ఆర్ట్: అశోక్, ఫైట్స్: వెంకట్, యానిక్ బెన్, ఎడిటర్: మార్తాండ్ కె. వెంకటేష్, ఎగ్జిక్యూటివ్ నిర్మాతలు : రవికుమార్ జీపీ, రాజా సెంథిల్, క్రియేటివ్ డైరెక్టర్: హేమంబ‌ర్ జాస్తి, లైన్ ప్రొడ్యూసర్: విద్య శివలెంక, సహ నిర్మాత: చింతా గోపాలకృష్ణారెడ్డి, దర్శకత్వం: హరి - హరీష్ , నిర్మాత: శివలెంక కృష్ణప్రసాద్.