'మన్మథుడు 2'లో సమంత, చైతు

అక్కినేని నాగార్జున నటించిన 'మన్మథుడు' సినిమాకి సీక్వెల్ రాబోతుంది. దాదాపు పదిహేడేళ్ల తరువాత సీక్వెల్ ప్లాన్ చేశారు. ఈ సినిమాను రాహుల్ రవీంద్రన్ డైరెక్ట్ చేస్తున్నారు. నాగ్ సరసన హీరోయిన్ గా రకుల్ ప్రీత్ సింగ్ నటిస్తుంది.

నాగార్జున స్వయంగా ఈ సినిమాను నిర్మిస్తున్నారు. ఇప్పటికే ఒక షెడ్యూల్ పూర్తి చేసుకున్న ఈ సినిమా రెండో షెడ్యూల్ కి సిద్ధమవుతోంది. దీనికోసం చిత్రబృందం పోర్చుగల్ కి వెళ్లనుంది. ఇది ఇలా ఉండగా.. తాజాగా ఈ సినిమాలో సమంత, చైతన్య కనిపించనున్నారనే వార్త ఫిలిం నగర్ వర్గాల్లో చక్కర్లు కొడుతోంది.

అయితే వారి పాత్రలు ఎలా ఉండబోతున్నాయనే విషయంలో స్పష్టత లేనప్పటికీ క్లైమాక్స్ లో ఈ జంట కనిపించి ఆడియన్స్ ని త్రిల్ చేయడం ఖాయమని చెబుతున్నారు.ఇక ఈరోజు చై-సామ్ నటించిన 'మజిలీ' సినిమా ప్రేక్షకుల ముందుకు వచ్చి హిట్ టాక్ సొంతం చేసుకుంది.

నాగార్జునతో పాటు చాలా మంది ఇండస్ట్రీ ప్రముఖులు సినిమా బాగుందంటూ సోషల్ మీడియాలో పోస్ట్ లు పెడుతున్నారు.