మీ డాన్స్ లు , స్టయిల్ అద్భుతం.. లవ్యూ బ్రో.. అల్లు అర్జున్కి సల్మాన్ ఖాన్ బిగ్ థ్యాంక్స్
సారాంశం
`రాధే` చిత్రంలో ఈ పాటని రీమిక్స్ చేశారు. సేమ్ ట్యూన్, సేమ్ లిరిక్స్ తో కంపోజ్ చేసిన ఈ పాటలో సల్మాన్ ఖాన్, దిశా పటానీ స్టెప్పులేశారు. తాజాగా సోమవారం ఈ పాటని విడుదల చేశారు. ఈ సందర్బంగా బన్నీకి సల్మాన్ థ్యాంక్స్ చెప్పారు.
అల్లు అర్జున్, పూజా హెగ్డే నటించిన `డీజే` చిత్రంలోని `సీటీమార్` సాంగ్ ఎంతగా ఊపేసిందో తెలిసిందే. మాస్ బీట్గా సాగే ఈ పాటకి 200 మిలియన్స్ కి పైగా వ్యూస్ వచ్చాయి. దీనికి దేవిశ్రీ ప్రసాద్ సంగీతం అందించడం విశేషం. తాజాగా ఈ పాటని హిందీలోకి తీసుకెళ్లారు మ్యూజిక్ డైరెక్టర్ దేవిశ్రీ ప్రసాద్. సల్మాన్ ఖాన్ హీరోగా రూపొందిన `రాధే` చిత్రంలో ఈ పాటని రీమిక్స్ చేశారు. సేమ్ ట్యూన్, సేమ్ లిరిక్స్ తో కంపోజ్ చేసిన ఈ పాటలో సల్మాన్ ఖాన్, దిశా పటానీ స్టెప్పులేశారు. తాజాగా సోమవారం ఈ పాటని విడుదల చేశారు. ఇందులో సల్మాన్, దిశా తమదైన మాస్ స్టెప్పులతో అదరగొట్టారు.
ఈ సందర్భంగా సల్మాన్ ఖాన్.. ఐకాన్ స్టార్ అల్లు అర్జున్ కి థ్యాంక్స్ చెప్పారు. `థ్యాంక్యూ అల్లు అర్జున్. సీటీమార్ సాంగ్లో డాన్స్లు వేసిన విధానం, మీ స్టయల్ అత్యద్భుతం. ఇది నాకు బాగా నచ్చింది. సింప్లీ ఫెంటాస్టిక్. జాగ్రత్తగా ఉండండి, మీరు, మీ ఫ్యామిలీ, లవ్యూ బ్రదర్` అని పేర్కొన్నారు సల్మాన్. ఓ సూపర్ స్టార్ బన్నీకి థ్యాంక్స్ చెప్పడం ఇప్పుడు మరింత వైరల్గా మారింది. ఈ పాటకి మరింత క్రేజ్ని తీసుకొచ్చింది. విడుదల చేసిన కొద్ది సేపట్లోనే లక్షల వ్యూస్తో దూసుకుపోతుండటం విశేషం.
బన్నీ సైతం సల్మాన్ ట్వీట్కి స్పందించారు. `థ్యాంక్యూ సల్మాన్ గారు. మీ నుంచి ఇంతటి అభినందనలు అందుకోవడం చాలా ఆనందంగా ఉంది. ఇది స్వీట్ గెస్చర్. మీరు `రాధే` కోసం సీటీమార్తో చేసిన మ్యాజిక్ కోసం అభిమానిలాగే ఎదురుచూస్తున్నా. మీ ప్రేమకి ధన్యవాదాలు` అని తెలిపారు. ఇక ఈ చిత్రానికి ప్రభుదేవా దర్శకత్వం వహించగా, ఇటీవల విడుదలైన ఈ చిత్ర ట్రైలర్ విశేష స్పందనతో ట్రెండ్ అవుతుంది. ఇందులో దిశా అందాలు స్పెషల్ ఎట్రాక్షన్గా నిలిచాయి. ఈ చిత్రాన్ని మే 13న ఈద్ పండుగని పురస్కరించుకుని విడుదల చేస్తున్నారు. థియేటర్లతోపాటు ఏకకాలంలో ఓటీటీలో, అలాగే డిష్ టీవీల్లోనూ విడుదల కానుంది. ఈ సరికొత్త విధానానికి తెరలేపి సల్మాన్ సంచలనం సృష్టించబోతున్నారు.