చిరు సినిమాలో చేసే విషయమై క్లారిటీ ఇచ్చిన సల్మాన్

ఒరిజినల్ వెర్షన్ లో పృథ్వీరాజ్ పోషించిన పాత్ర కోసం మెగాస్టార్ చిరంజీవి సల్మాన్ ఖాన్ ను సంప్రదించినట్లు సమాచారం. అయితే ఈ "బజరంగీ భాయిజాన్" నటుడు మాత్రం ఈ సినిమా గురించి ఒక నిర్ణయం తీసుకున్నారు.

చిరంజీవి(Chiranjeevi) ‘గాడ్ ఫాదర్’(God Father) చిత్రంలో బాలీవుడ్ సూపర్ స్టార్  సల్మాన్ ఖాన్(Salman Khan) కీలక పాత్రలో నటిస్తున్నారా లేదా అనే విషయంలో మీడియాలో చర్చ జరుగుతోంది. క్లారిటీ మాత్రం రావటం లేదు. కానీ తాజాగా ఈ విషయమై హైదరాబాద్ లో మీడియాతో మాట్లాడిన సల్మాన్ ఖాన్ క్లారిటీ ఇచ్చారు. ’లూసీఫర్’ చిత్రాన్ని డైరెక్ట్ చేసిన పృథ్వీరాజ్ ఈ చిత్రంలో కీ  రోల్ పోషించారు. ఇపుడు అదే పాత్రని తెలుగులో సల్మాన్ ఖాన్‌తో  చేయించాలనుకున్నట్టు సమాచారం. 

ఇక  ముందుగా ఈ పాత్ర కోసం రామ్ చరణ్ పేరును చిరు పరిశీలించారు.  ఆ తర్వాత అల్లు అర్జున్ పేరు లైన్‌లోకి వచ్చింది. ఫైనల్‌గా  Salman Khan ఈ సినిమాలో ఈ రోల్ చేయడానికి ఓకే చెప్పినట్టు సమాచారం. ఈ విషయమై సల్మాన్ మాట్లాడుతూ...తనని చిరంజీవి గారు తన చిత్రంలో చేయమని అడిగారని తను `యస్` చెప్పానని అని అన్నారు. దాంతో సల్మాన్ ఖాన్, చిరంజీవి కాంబినేషన్ సెట్ అయ్యినట్లు అయ్యింది.

ఇక  ఈ సినిమాలో సల్మాన్ ఖాన్ కోసం ఓ పాటను కొంచెం పాత్ర నిడివి కూడా పెంచినట్టు సమాచారం.  అందుకు చిరంజీవితో పాటు చిత్ర యూనిట్ కూడా ఓకే చెప్పినట్టు సమాచారం. అంతేకాదు ఈ సినిమాను ప్యాన్ ఇండియా లెవల్లో విడుదల చేయాలనే ఆలోచనలో ఉన్నారు. అందుకు తగ్గేట్టే ఈ సినిమాలో పలు మార్పులు చేర్పులు చేసినట్టు సమాచారం.

ఇదిలా  ఉండగా ఈ సినిమలో వివేక్ ఓబరాయ్ పాత్రలో టాలీవుడ్‌ యంగ్‌ హీరో సత్యదేవ్‌ నటించబోతున్నట్టు సమాచారం. ఈ సినిమాలో చిరు చెల్లెలు పాత్రలో రమ్యకృష్ణ నటించడం  దాదాపు ఖరారైనట్టు సమాచారం.  త్వరలో ఈ విషయమై అఫీషియల్ ప్రకటన చేయనున్నారు. ఈ సినిమా తర్వాత చిరంజీవి.. మెహర్ రమేష్ దర్శకత్వంలో ‘భోళా శంకర్’ సినిమా చేస్తున్నారు.