సిద్ధార్థ్ 'టక్కర్' నుంచి రొమాంటిక్ సాంగ్.. ప్రేమ మైకంలో ముంచేలా 'పెదవులు వీడి మౌనం' పాట
By Asianet News | First Published May 13, 2023, 6:44 PM ISTలవర్ బాయ్, హీరో సిద్ధార్థ్ నటిస్తున్న లేటెస్ట్ ఫిల్మ్ ‘టక్కర్’. చిత్రం నుంచి బ్యాక్ టు బ్యాక్ అప్డేట్స్ వస్తూనే ఉన్నాయి. తాజాగా రొమాంటిక్ సాంగ్ ను విడుదలై సంగీత ప్రియులను ఆకట్టుకుంటోంది.
హీరో సిద్ధార్థ్ కొద్దికాలంగా తెలుగు సినిమాలకు దూరంగా ఉన్నారు. ఈ గ్యాప్ లో కోలీవుడ్ లో సినిమాలు చేస్తూ వచ్చారు. చివరిగా తెలుగులో ‘మహాసముద్రం’ చిత్రంలో శర్వానంద్ తో కలిసి నటించారు. ప్రస్తుతం ‘టక్కర్’ అనే మరో ఇంట్రెస్టింగ్ ప్రాజెక్ట్ తో ప్రేక్షకుల ముందుకు వస్తున్నారు. ఈ చిత్రం నుంచి వరుస అప్డేట్ అందిస్తున్నారు యూనిట్. ఇప్పటికే విడుదలైన టీజర్ ఆకట్టుకుంది. ముఖ్యంగా సిద్ధార్థ్ రొమాన్స్ డోస్ పెంచేసి ఆసక్తి పెంచారు.
నువ్వొస్తానంటే నేనొద్దంటానా', 'బొమ్మరిల్లు' వంటి సినిమాలతో తెలుగు ప్రేక్షకుల హృదయాల్లో చెరగని స్థానాన్ని సంపాదించుకున్న చార్మింగ్ హీరో సిద్ధార్థ్. ఇక త్వరలో Takkar అనే సినిమాతో సరికొత్తగా అలరించనున్నారు. ఈ చిత్రానికి కార్తీక్ జి. క్రిష్ దర్శకత్వం వహిస్తున్నారు. పీపుల్ మీడియా ఫ్యాక్టరీ బ్యానర్ పై అభిషేక్ అగర్వాల్ ఆర్ట్స్, పాషన్ స్టూడియోస్ తో కలిసి టీజీ విశ్వప్రసాద్ ఈ చిత్రాన్ని నిర్మిస్తున్నారు. వివేక్ కూచిభొట్ల సహా నిర్మాతగా వ్యవహరిస్తున్న ఈ సినిమాలో దివ్యాంశ కౌశిక్ కథానాయికగా నటిస్తున్నారు. 2023, మే 26న తెలుగు, తమిళ భాషల్లో భారీస్థాయిలో ఈ చిత్రం విడుదల కానుంది.
Latest Videos
undefined
వరుసగా అప్డేట్స్ అందిస్తూ వస్తున్న చిత్ర యూనిట్ తాజాగా సినిమా నుంచి ఓ రొమాంటిక్ సాంగ్ ను విడుదల చేశారు. ఇప్పటికే విడుదలైన 'కయ్యాలే' సాంగ్ విశేష ఆదరణ పొందగా.. ఇక ఇప్పుడు 'పెదవులు వీడి మౌనం' అనే సాంగ్ ను వదిలారు. ఈ లిరికల్ వీడియోని చిత్రబృందం శనివారం విడుదల చేసింది. నివాస్ కె ప్రసన్న స్వరపరిచిన ఈ రొమాంటిక్ సాంగ్ కట్టిపడేస్తోంది.
‘పెదవులు వీడి మౌనం.. మధువులు కోరే వైనం.. తనువులు చేసే స్నేహం.. నేడే...’ అంటూ సాగిన పాట ప్రేమ మైకంలో ముంచేసేలా ఉంది. ఆ పాట మూడ్ కి సందర్భానికి తగ్గట్టుగా నివాస్ కె ప్రసన్న ఎంత చక్కగా స్వరపరిచారో.. కృష్ణ కాంత్ అందించిన సాహిత్యం కూడా అంతే చక్కగా కట్టిపడేసేలా ఉంది. తేలికైన పదాలతో లోతైన భావాలను పలికించారు కృష్ణ కాంత్. దీపక్ బ్లూ, చిన్మయి శ్రీపాద ఎంతో అందంగా ఈ పాటను ఆలపించి, తమ మధుర గాత్రంతో మాయ చేశారు. హీరోహీరోయిన్ల మధ్య కెమిస్ట్రీ అద్భుతంగా కుదిరిందని, వెండితెరపై ఈ జోడి మ్యాజిక్ చేయబోతోందని లిరికల్ వీడియో స్పష్టం చేస్తుందని చెప్పొచ్చు.
ఈ సినిమాలో అభిమన్యు సింగ్, యోగి బాబు, మునీశ్ కాంత్, ఆర్జే విజ్ఞేశ్ కాంత్ తదితరులు ఇతర ముఖ్యపాత్రలు పోషిస్తున్నారు. నివాస్ కె. ప్రసన్న సంగీతం అందిస్తున్న ఈ చిత్రానికి సినిమాటోగ్రాఫర్ గా వాంచినాథన్ మురుగేశన్, ఎడిటర్ గా జీఏ గౌతమ్, ఆర్ట్ డైరెక్టర్ గా ఉదయ కుమార్ కె వ్యవహరిస్తున్నారు.
A beautiful song coming your way! ♥️ lyrical video song from releasing tomorrow
Starring
Directed by … pic.twitter.com/Fn6CIlcrKz
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి