`కూలీ`గా రజనీకాంత్-లోకేష్ కనగరాజ్ మూవీ.. అదిరిపోయిన టైటిల్ టీజర్.. ఈ సారి గోల్డ్ స్మగ్లింగ్పై యుద్ధం..
సారాంశం
సూపర్ స్టార్ రజనీకాంత్, లోకేష్ కనగరాజ్ కాంబినేషన్లో ఓ సినిమా రాబోతుంది. తాజాగా ఈ మూవీ టీజర్ని విడుదల చేశారు. టైటిల్ ని ప్రకటిస్తూ అదిరిపోయే టీజర్ని వదిలారు.
సినిమాటిక్ యూనివర్స్ ని క్రియేట్ చేసిన దర్శకుడు లోకేష్ కనగరాజ్. `ఖైదీ`తో ఆయన ఈ సిరీస్ని ప్రారంభించారు. `విక్రమ్`తో దాన్ని పీక్కి తీసుకెళ్లాడు. ఇటీవల విజయ్తో చేసిన `లియో`తో నిరాశ పరిచినా ఇప్పుడు ఏకంగా సూపర్ స్టార్ రజనీకాంత్తో వస్తున్నాడు. తన సినిమాటిక్ యూనివర్స్ లో రజనీని దించాడు. ఆయనతో `తలైవా 171` మూవీ చేయబోతున్న విషయం తెలిసిందే. తాజాగా ఈ మూవీ టైటిల్ని ప్రకటించారు. ఈ మేరకు తన మార్క్ ఇంట్రడక్షన్ టీజర్ని విడుదల చేశారు.
ఇందులో గోల్డ్ స్మగ్లింగ్ చేస్తుంటారు. ఆ మాఫియా అంతం చేయడానికి వస్తాడు రజనీకాంత్. గోల్డ్ గోదాములో ప్రత్యర్థుల అంతు చూస్తాడు. గోల్డ్ వాచ్లతో వాళ్లని చితక్కొడతాడు. ఇక చివర్లో ఆయన ఇచ్చే స్మైల్ అదిరిపోయేలా ఉంది. డైలాగులు ఆకట్టుకుంటున్నాయి. చాలా పవర్ ఫుల్గా ఉన్నాయి. చివరగా ఈ మూవీ టైటిల్ని ప్రకటించారు. రజనీ చేతికి కూలీ బిల్లా ఉంటుంది. ఇందులో ఆయన కూలీగా కనిపించబోతున్నారు. సినిమా పేరు కూడా `కూలీ` కావడం విశేషం. అయితే కూలీతో వచ్చిన సినిమాలు పెద్ద బ్లాక్ బస్టర్స్ అయ్యాయి. ఇప్పుడు రజనీ మరో హిట్కి రెడీ అవుతున్నారని చెప్పొచ్చు.
లోకేష్ కనగరాజ్ ఇప్పటి వరకు డ్రగ్స్ పై పోరాటం చేశారు. ఈ సినిమాలో గోల్డ్ స్మగ్లింగ్పై ఫోకస్ పెట్టినట్టు తెలుస్తుంది. వీటన్నింటికి ముడిపెడుతూ తన లోకేష్ సినిమాటిక్ యూనివర్స్ ని క్రియేట్ చేస్తున్నారు. సన్ పిక్చర్స్ నిర్మిస్తున్న చిత్రమిది. ఇందులో శృతి హాసన్ కీలక పాత్రలో కనిపిస్తుందని, నాగార్జున ముఖ్య పాత్రలో నటిస్తారని, ఓ మల్టీస్టారర్గా దీన్ని లోకేష్ తెరకెక్కిస్తున్నారని సమాచారం. పాన్ ఇండియా మూవీగా దీన్ని రూపొందిస్తున్నారు.