ప్రభాస్.. ఓ వింటేజ్ కార్ స్టోరీ!

'బాహుబలి' సినిమాతో ప్రపంచవ్యాప్తంగా గుర్తింపు తెచ్చుకున్న హీరో ప్రభాస్ ప్రస్తుతం 'సాహో' సినిమాలో నటిస్తున్నాడు. సుజీత్ డైరెక్ట్ చేస్తోన్న ఈ సినిమా షూటింగ్ దశలో ఉంది. వచ్చే ఏడాదిలో ఈ సినిమా ప్రేక్షకుల ముందుకు రానుంది.

ఈ సినిమా తరువాత ప్రభాస్.. జిల్ ఫేం దర్శకుడు రాధాకృష్ణతో సినిమా చేయడానికి గ్రీన్ సిగ్నల్ ఇచ్చాడు. ప్రస్తుతం ఈ సినిమా ప్రీప్రొడక్షన్ వర్క్ జరుగుతోంది. పీరియాడిక్ రొమాంటిక్ డ్రామాగా ఈ సినిమాను చిత్రీకరించనున్నారు.

అయితే ఈ సినిమాలో ప్రభాస్ పాత్ర ఎలా ఉండబోతుందనే విషయంపై ఓ వార్త చక్కర్లు కొడుతోంది. పాత్ర ప్రకారం ప్రభాస్ యూరోప్ లో వింటేజ్ కార్ల వ్యాపారిగా కనిపించనున్నాడట.

ఓ కారు అమ్మే విషయంలో జరిగిన సంఘటనతో సినిమా కథ మలుపు తిరుగుతుందట. ఈ సినిమాలో ప్రభాస్ సరసన హీరోయిన్ గా పూజా హెగ్డే కనిపించనుంది. గోపికృష్ణ మూవీస్ బ్యానర్ పై సినిమాను నిర్మించనున్నారు.