Baahubali 3: బాహుబలి 3పై అదిరిపోయే అప్ డేట్.. అనుష్క, రానాతో కలిసి హింట్ ఇచ్చిన ప్రభాస్
సారాంశం
Baahubali 3: ఎస్.ఎస్. రాజమౌళి బాహుబలికి మూడో భాగం వస్తుందనే వార్తలు గట్టిగా వినిపిస్తున్నాయి. నెట్ఫ్లిక్స్ రిలీజ్ చేసిన 'బాహుబలి: ది టార్చ్బేరర్' డాక్యుమెంటరీలోని ఓ వీడియో క్లిప్ ఈ చర్చకు కారణమైంది.
వైరల్గా మారిన బాహుబలి ది టార్చ్ బేరర్ డాక్యుమెంటరీ
ఇండియన్ సినిమా గతిని మార్చేసిన ఎస్.ఎస్. రాజమౌళి రూపొందించిన మూవీ 'బాహుబలి'. ఈ ఫ్రాంచైజీకి మూడో భాగం రాబోతోందనే వార్తలు ఇప్పుడు సోషల్ మీడియాను షేక్ చేస్తున్నాయి. మేకింగ్, కథతోనే కాదు, బాక్సాఫీస్ రికార్డులతోనూ చరిత్ర సృష్టించిన ఈ సినిమాకు సీక్వెల్ రానుందనే ప్రచారానికి ఓ వీడియో క్లిప్ కారణమైంది. నెట్ఫ్లిక్స్ రిలీజ్ చేసిన ‘బాహుబలి: ది టార్చ్బేరర్’ అనే డాక్యుమెంటరీలోని ఓ వీడియోనే ఈ చర్చకు దారితీసింది.
బాహుబలి 3పై హింట్ ఇచ్చిన ప్రభాస్
ఈ డాక్యుమెంటరీలో ప్రభాస్, రానా దగ్గుబాటి, అనుష్క శెట్టి కూడా ఉన్నారు. దీని చివరిలో ఉన్న ఓ క్లిప్ ఇప్పుడు సోషల్ మీడియాలో వైరల్ అవుతోంది. ఆ వీడియోలో రానా... "ప్రపంచం ఇంకా సిద్ధంగా లేకపోవచ్చు, కానీ బాహుబలి ఉంటాడు" అని అంటాడు. అది వినగానే ప్రభాస్ నవ్వుతూ మూడు వేళ్లు చూపిస్తాడు. వెంటనే అనుష్క, రానా ఇద్దరూ ప్రభాస్ చేతిని కిందకు దించేస్తారు. ఆ తర్వాత స్క్రీన్పై 'ది లెగసీ కంటిన్యూస్' అని రాసి ఉంటుంది. దీంతో బాహుబలి 3 కచ్చితంగా వస్తుందని అభిమానులు ఫిక్స్ అయిపోయారు. అయితే, మేకర్స్ నుంచి గానీ, రాజమౌళి నుంచి గానీ దీనిపై ఇప్పటివరకు ఎలాంటి అధికారిక ప్రకటన రాలేదు.
నెట్ ఫ్లిక్స్ లో బాహుబలి ది టార్చ్ బేరర్ డాక్యుమెంటరీ
‘బాహుబలి: ది టార్చ్బేరర్’ డాక్యుమెంటరీ ఈరోజే (జూన్ 26, 2026) నెట్ఫ్లిక్స్లో స్ట్రీమింగ్ మొదలైంది. మొత్తం నాలుగు ఎపిసోడ్లు ఉన్న ఈ సిరీస్లో, బాహుబలి ఫ్రాంచైజీని ఎలా రూపొందించారు, అది ప్రపంచవ్యాప్తంగా అంత పెద్ద విజయం ఎలా సాధించింది అనే విషయాలను చూపించారు. తెర వెనుక దృశ్యాలు, నటీనటులతో ఇంటర్వ్యూలు, సెట్లోని సరదా క్షణాలు అన్నీ ఇందులో ఉన్నాయి.
బాహుబలి 3 లోడింగ్ 🔥🔥🔥
లెగసీ కొనసాగుతుంది #BaahubaliTheTorchbearerpic.twitter.com/b72VpK59IZ— 𝐑𝐞𝐛𝐞𝐥 𝐑𝐚𝐣 🇵🇹 (@Raja16323) June 26, 2026
2015లో 'బాహుబలి: ది బిగినింగ్' రిలీజైంది. ప్రభాస్, రానా దగ్గుబాటి, తమన్నా భాటియా, అనుష్క శెట్టి ప్రధాన పాత్రల్లో నటించిన ఈ సినిమాలో సత్యరాజ్, నాజర్, రమ్యకృష్ణ లాంటి సీనియర్ నటులు కూడా ముఖ్యమైన పాత్రలు పోషించారు. తెలుగు, తమిళ భాషల్లో ఏకకాలంలో షూటింగ్ జరుపుకున్న ఈ సినిమాను మొత్తం ఆరు భాషల్లోకి డబ్ చేసి రిలీజ్ చేశారు. ఫైనల్గా ఈ సినిమా రూ. 650 కోట్లు వసూలు చేసింది. ఆ తర్వాత 2017లో వచ్చిన రెండో భాగం 'బాహుబలి: ది కన్క్లూజన్' అయితే ఏకంగా రూ. 1800 కోట్లకు పైగా వసూలు చేసింది.