శింబు .. ప్రభుదేవాల తరువాత దర్శకుడు విఘ్నేశ్ శివన్ తో నయనతార ప్రేమలో పడినట్టుగా వార్తలు వచ్చాయి. అవార్డుల ఫంక్షన్ కి ఇద్దరూ కలిసి వెళ్లడం .. అప్పుడప్పుడు ఇద్దరూ విదేశాలు చుట్టిరావడం ఈ వార్తలకు బలాన్ని చేకూర్చింది. ఇక విఘ్నేశ్ కి నయనతార ఖరీదైన ఓ కారును గిఫ్ట్ గా ఇచ్చిందనీ .. తన కుటుంబ సభ్యులకు ఆయనను పరిచయం చేసిందనే వార్తలు కూడా వచ్చాయి.
ఇక ఈ ఇద్దరూ న్యూయార్క్ వీధుల్లో షికారు చేస్తూ, అందుకు సంబంధించిన ఫోటోలను ఫేస్ బుక్ లో పోస్ట్ చేసి తమ ప్రేమ వ్యవహారాన్ని మళ్లీ తెరపైకి తెచ్చారు. తమ గురించి అంతా మాట్లాడుకునేలా చేశారు. విఘ్నేశ్ శివన్ బర్త్ డే వేడుకను సెలబ్రేట్ చేసుకోవడం కోసం ఈ జంట న్యూయార్క్ వెళ్లినట్టు తెలుస్తోంది. చూడబోతే త్వరలోనే పెళ్లి కబురు చెప్పేలా వున్నారనే టాక్ కోలీవుడ్ లో వినిపిస్తోంది.
నయన్ ప్రియుడు విగ్నేష్ శివన్ దర్శకుడిగా పెద్దగా సక్సెస్ కాకపోయినా లిరిక్ రైటర్ గా సెన్సేషన్ క్రియేట్ చేశాడు. సైమా అవార్డ్స్ వేడుకలో సింగపూర్ లో తమ రిలేషన్ షిప్ ను గురించి ఓపెన్ గా చెప్పేశారు ఈ కపుల్. త్వరలోనే పెళ్లి పీటలు ఎక్కబోతున్నారనే టాక్ వినిపిస్తోంది. మరి చూడాలి.