నానికి తన రుచి చూపించిన టేస్టీ తేజ.. వాడుకోవడంలో ఇది మరో రకం
By Aithagoni Raju | First Published Nov 10, 2023, 11:20 PM ISTబిగ్ బాస్ తెలుగు 7 సీజన్‌లో ఇప్పటి వరకు ఎలిమినేట్‌ అయిన వారిలో పాపులర్‌ అయ్యాడు టేస్టీ తేజ. అయితే తన టేస్ట్ ఏంటో ఇప్పుడు నేచురల్‌ స్టార్‌ నానికి చూపించారు.
బిగ్ బాస్ షోతో వచ్చిన క్రేజ్‌, పాపులారి వాడుకుంటున్నారు సినిమా వాళ్లు. నేచురల్‌ స్టార్‌ నాని సైతం దీన్ని ఫాలో అవుతున్నాడు. తన సినిమాని ప్రమోట్‌ చేసుకునేందుకు బిగ్ బాస్ కంటెస్టెంట్‌ని వాడుకుంటుండటం విశేషం. బిగ్ బాస్ తెలుగు 7వ సీజన్‌లో పాపులర్‌ అయ్యాడు టేస్టీ తేజ. ఫుడ్‌ బ్లాక్‌ చేస్తూ యూట్యూబ్‌లో పాపులర్‌ అయిన టేస్టీ తేజ.. బిగ్ బాస్ షోలో పాల్గొని అలరించాడు. కామెడీని పంచుతూ మెప్పించాడు. ఏడో సీజన్‌లో బెస్ట్ ఎంటర్‌టైనర్‌గా నిలిచాడు.
గత వారం టేస్టీ తేజ ఎలిమినేట్‌ అయ్యాడు. ఆయన ఎలిమినేషన్‌పై విమర్శలు వచ్చాయి. ఆ తర్వాత తేజ చేసిన కామెంట్లు హాట్‌ టాపిక్‌ అయ్యాయి. పల్లవి ప్రశాంత్‌ ఫ్యాన్స్ దాడికి తెగబడ్డారు. కానీ వాటికి ప్రయారిటీ ఇవ్వకుండా తనకు వచ్చిన క్రేజ్‌, పాపులారిటీని సరైన విధంగా ఉపయోగించుకోవాలనుకుంటున్నాడు తేజ. తన ఫుడ్‌ బ్లాగ్‌ని మరింతగా విస్తరించాలని ప్లాన్‌ చేస్తున్నాడు. అందులో భాగంగా తన ఫుడ్‌ని హీరో నానికి రుచి చూపించారు. అయితే తేజ క్రేజ్‌ని వాడుకోవాలనుకుంటుంది `హాయ్‌ నాన్న` టీమ్‌.
Latest Videos
undefined
తాజాగా నాని, తేజ కలిసి ఓ ప్రమోషనల్‌ ఇంటర్వ్యూ చేశారు. దీనికి సంబంధించిన ఫోటోలను విడుదల చేశారు. ఇందులో తేజ తాను తీసుకొచ్చిన బిర్యానీని నానికి రుచి చూపించారు. ఆ తర్వాత ఇద్దరు కలిసి చిట్‌చాట్‌ చేశారు. అనేక కబుర్లు మాట్లాడుకున్నారట. వీటికి సంబంధించిన వివరాలను టీమ్‌ తెలియజేయబోతుంది. తాజాగా ఈ ఇద్దరు కలిసి ఫుడ్‌ తింటున్న ఫోటోలను షేర్‌ చేశారు. అవి ఆకట్టుకుంటున్నాయి. అయితే తేజ పాపులారిటీని వాడుకోవాలని `హాయ్‌ నాన్న` టీమ్‌ ఇలా చేయడం ఆశ్చర్యపరుస్తుంది. తేజ రేంజ్‌ని పెంచుతుంది. మరి ఇందులో వీరు ఏం మాట్లాడుకున్నారు, నాని ఏం చెప్పాడనేది ఆసక్తికరం.
`హాయ్‌ నాన్న` చిత్రంలో నాని హీరోగా నటిస్తుండగా మృణాల్‌ ఠాకూర్‌ హీరోయిన్‌గా చేస్తుంది. శృతి హాసన్‌ కీలక పాత్రలో కనిపిస్తుంది. ఈ చిత్రం డిసెంబర్‌ 7న విడుదల కాబోతుంది. దీంతో ప్రమోషన్స్ జోరు పెంచుతున్నారు. నాని రంగంలోకి దిగారు. మొన్న ఆయన `ఇండియా టుడే` రౌండ్‌టేబుల్‌ ప్రోగ్రామ్‌లో పాల్గొన్న విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి