ఇంట్రెస్టింగ్‌ బ్యాక్‌డ్రాప్‌లో `nani29` మూవీ.. దసరా ట్రీట్.. అఫీషియల్‌ అనౌన్స్ మెంట్‌

ఇటీవల `టక్ జగదీష్‌`తో అలరించిన నేచురల్‌ స్టార్‌ నాని తాజాగా కొత్త సినిమాని ప్రకటించారు. తన `nani29` మూవీ అధికారికంగా ప్రకటించారు. దసరా సందర్భంగా సినిమాని ప్రారంభించబోతున్నారు.

నాని మరో కొత్త సినిమాని ప్రకటించారు. ఎస్‌ఎల్‌వీ ప్రొడక్షన్స్ లో ఆయన కొత్త సినిమా చేస్తున్నారు. ఈ ప్రాజెక్ట్ ని బుధవారం అధికారికంగా ప్రకటించారు. అంతేకాదు విజయదశమి సందర్భంగా ఈ నెల 15న ఈ సినిమా ప్రారంభం కాబోతుందని తెలిపారు నాని, ఈ మేరకు ఆయన ఓ పోస్టర్‌ని విడుదల చేశారు. ఈ సినిమాకి సంబంధించిన వివరాలను శుక్రవారం మధ్యాహ్నం 1.53గంటలకు విడుదల చేయబోతున్నట్టు తెలుస్తుంది.

రైల్వే ట్రాక్‌, ఫ్యాక్టరీలు, బొగ్గు ఇలా బ్లాక్‌ షేడ్స్ తో డిజైన్‌ చేసిన ఈ పోస్టర్‌ ఆద్యంతం ఆసక్తిని క్రియేట్‌ చేస్తుంది. అయితే ఈ సినిమా తెలంగాణలోని కొత్తగూడెం సింగరేణి కోల్‌ మైనింగ్‌ నేపథ్యంలో సాగుతుందని తెలుస్తుంది. ఇందులో nani తెలంగాణ యాసలో మాట్లాడబోతున్నారట. nani29 సినిమాకి సుకుమార్‌ వద్ద అసిస్టెంట్‌గా పనిచేసిన శ్రీకాంత్‌ అనే కుర్రాడు దర్శకుడిగా పరిచయం కాబోతున్నట్టు సమాచారం. 

ఇటీవల `టక్ జగదీష్‌`తో ఆడియెన్స్ ముందుకొచ్చాడు నాని. `మజిలీ` ఫేమ్‌ శివ నిర్వాణ దర్శకత్వంలో రూపొందిన ఈ సినిమా ఓటీటీలో విడుదలై మిశ్రమ స్పందనని రాబట్టుకుంది. ప్రస్తుతం నాని `టాక్సీవాలా` ఫేమ్‌ రాహుల్ సాంక్రిత్యాన్‌ డైరెక్షన్‌లో `శ్యామ్‌ సింగరాయ్‌` చిత్రంలో నటిస్తున్నారు. సాయిపల్లవి, కృతి శెట్టి హీరోయిన్లుగా నటిస్తున్నారు. 

మరోవైపు వివేక్‌ ఆత్రేయ దర్శకత్వంలో `అంటే సుందరానికి` చిత్రంలో నటిస్తున్నారు. ఇందులో మలయాళ నటి నజ్రియా నజిమ్‌ కథానాయికగా నటిస్తుంది. ఈ చిత్రాల షూటింగ్‌లు దాదాపు పూర్తి చేసుకున్నాయి. ప్రస్తుతం పోస్ట్ ప్రొడక్షన్‌ వర్క్ జరుపుకుంటోంది. దీంతో కొత్త చిత్రానికి దసరా సందర్భంగా శ్రీకారం చుట్టబోతున్నారు నాని. ఇలా సినిమాల విషయంలో జోరు పెంచారు. బ్యాక్ టూ బ్యూట్‌ ఆడియెన్స్ ని ఎంటర్టైన్‌ చేసేందుకు రాబోతున్నారు నాని.