నటి చనిపోయిందంటూ వార్తలు..!

సోషల్ మీడియా హవా పెరిగిన తరువాత సెలబ్రిటీలపై వస్తోన్న వార్తల్లో ఏది నిజం ఏది అబద్దం అనేది తెలియకుండా పోతుంది. నిన్న బాలీవుడ్ లో ఓ వార్త చక్కర్లు కొట్టింది. అదేంటంటే.. ఒకప్పటి హీరోయిన్ ముంతాజ్ చనిపోయిందంటూ ట్రేడ్ అనలిస్ట్ కోమల్ నాహ్తా సోషల్ మీడియాలో పోస్ట్ పెట్టారు.

గుండెపోటుతో ఆమె మరణించినట్లు చెప్పడంతో నెటిజన్లు ఆమెకి సంతాపం తెలిపారు. అయితే ఈ వార్తల్లో నిజం లేదని ముంతాజ్ గారు బ్రతికే ఉన్నారంటూ బాలీవుడ్ దర్శకుడు మిలాప్ జవేరి సోషల్ మీడియాలో ఓ పోస్ట్ పెట్టారు. దీంతో వెంటనే కోమల్ నాహ్తా తప్పుడు సమాచారం ఇచ్చినందుకు క్షమించాలని కోరారు.

అయితే కాసేపటికే ముంతాజ్ కూతురు తాన్య కూడా స్పందించి తన తల్లి ఎప్పటిలానే అందంగా, ఆరోగ్యం ఉందని చెప్పింది. అలానే తన తల్లితో ఓ వీడియో కూడా రిలీజ్ చేయించింది.

అందులో ముంతాజ్ తాను ఎంతో ఆరోగ్యంగా ఉన్నట్లు, తన కూతురితో కలిసి సంతోషంగా జీవిస్తున్నట్లు చెప్పింది. మీడియాలో తాను ఒంటరిగా ఉంటున్నట్లు, ఎవరూ పట్టించుకోవడం లేదని వస్తోన్న వార్తలను ఖండించింది ముంతాజ్.