అల్లు బాబీ వివాహ వేడుకలో చిరు, రాంచరణ్!

స్టైలిష్ స్టార్ అల్లు అర్జున్ సోదరుడు అల్లు బాబీ వివాహం ఇటీవల జరిగింది. ఇది బాబీకి రెండవ వివాహం. తాజాగా ఆ వివాహ వేడుకకు సంబంధించిన ఫోటోలు బయటకు వచ్చాయి. వివాహ వేడుకలో మెగా ఫ్యామిలీ మొత్తం మెరిసింది. 

మెగాస్టార్ చిరంజీవి, సురేఖ దంపతులు.. రాంచరణ్, నాగబాబు తదితరులు ఈ పెళ్ళిలో సందడి చేస్తున్న దృశ్యాలు అభిమానులని ఆకట్టుకుంటున్నాయి. మెగాస్టార్ చిన్నల్లుడు కళ్యాణ్ దేవ్ కూడా పెళ్లి వేడుకలో కనిపించాడు. 

2005లో అల్లు బాబీ తొలి వివాహం చేసుకున్నాడు. విభేదాలతో 2016లో ఈ జంట విడిపోయింది. రెండవ వివాహం తర్వాత ఈ విషయాన్ని బాబీ స్వయంగా సోషల్ మీడియాలో ప్రకటించాడు. తాను రెండవ వివాహం చేసుకున్నానని మీ ఆశీర్వాదాలు కావాలని బాబీ అభిమానులని సోషల్ మీడియాలో కోరాడు.