మణికర్ణికాలో కంగనా లుక్ పై హాట్ న్యూస్
సారాంశం
సోషల్ మీడియాలో హాల్చల్ చేస్తున్న ఫోటో క్లారిటీ ఇవ్వని చిత్ర బృందం మరో చారిత్రాత్మక సినిమాపై కన్నేసిన క్రిష్
బాలీవుడ్ నటి కంగనా రనౌత్ ప్రధాన పాత్రలో నటిస్తున్న చిత్రం ‘మణికర్ణిక-ది క్వీన్ ఆఫ్ ఝాన్సీ’. రాణి ఝాన్సీ లక్ష్మీబాయి జీవితాధారంగా ఈ సినిమాని తెరకెక్కిస్తున్నారు. లక్ష్మీబాయిగా కంగనా ఫొటో ఒకటి సోషల్మీడియాలో చక్కర్లుకొడుతోంది. ఫొటోలో కంగనా తలపాగా నుంచి ఆభరణాల వరకూ అన్నీ ఆకట్టుకుంటున్నాయి.
క్రిష్ జాగర్లమూడి ఈ చిత్రాన్ని తెరకెక్కిస్తున్నారని సమాచారం. కె.వి.విజయేంద్ర ప్రసాద్ కథ అందించిన ఈ సినిమా చిత్రీకరణ జూన్ మొదటివారం నుంచి ప్రారంభమయ్యే అవకాశం ఉంది. త్వరలోనే ఇందుకు సంబంధించిన వివరాలు వెల్లడించనున్నారు. కంగనా ఈ సినిమాతో పాటు ‘సిమ్రన్’ సినిమాలో నటిస్తోంది.