ఆస్కార్ని కొన్నారు.. `ఆర్ఆర్ఆర్`కి అవార్డు రావడంపై అజాక్వెలిన్ మేకప్ ఆర్టిస్టు అక్కసు
సారాంశం
`ఆర్ఆర్ఆర్`కి ఆస్కార్ అవార్డు రావడం పట్ల దేశం గర్విస్తుంది. ఇండియా మొత్తం సంబరాల్లో మునిగితేలుతున్నారు. ఈ నేపథ్యంలో జాక్వెలిన్ మేకప్ ఆర్టిస్టు మాత్రం సంచలన వ్యాఖ్యలు చేశారు.
`ఆర్ఆర్ఆర్` సినిమాకి ఆస్కార్ రావడంతో ఇండియా మొత్తం గర్వపడుతుంది. ఫస్ట్ టైమ్ ఇండియన్ సినిమాకి ఆస్కార్ రావడంతో అంతా ఆనందంలో మునిగితేలుతున్నారు. పార్లమెంట్లో కూడా దీనిపై ప్రత్యేక చర్చ జరిగింది. అభినందనలు తెలిపారు. `ఆర్ఆర్ఆర్` టీమకి ప్రశంసలు దక్కుతున్నాయి. ఓ రకంగా ఇండియాసంబరాలు చేసుకుంటుంది. ఇది ఇండియా విజయంగా భావిస్తున్నారు.
కానీ `ఆర్ఆర్ఆర్`పై అక్కసు వెళ్లగక్కుతున్నారు ఇండియాకి చెందిన కొందరు సెలబ్రిటీలు. దీనిపై తాజాగా బాలీవుడ్ బ్యూటీ జాక్వెలిన్ ఫెర్నాండేజ్ పర్సన్ మేకప్ ఆర్టిస్ట్ తన అసూయని వెల్లడించారు. `నాటు నాటు`కి ఆస్కార్ రావడాన్ని జీర్ణించుకోలేక తమ నీచపు బుద్దిని బయటపెడుతున్నారు. జాక్వెలిన్ మేకప్ ఆర్టిస్టు, క్లోజ్ ఫ్రెండ్ షాన్ ముట్టతిన్ ఆస్కార్పై సంచలన వ్యాఖ్యలు చేశారు. ఇండియాలో అవార్డులను ఈజీగా కొనేస్తారని తెలిపారు. ఇప్పుడు ఆస్కార్ని కూడా కొన్నారంటూ దుమారం రేపింది.
`హహహ.. ఇది చాలా ఫన్నీ, ఇండియాలో చాలా ఈజీగా అవార్డులు కొనేస్తారనుకున్నాను. కానీ ఏకంగా ఆస్కార్ని కూడా కొనేస్తారని ఊహించలేదు. అంతా డబ్బు మహిమ, డబ్బుంటే ఏదైనా సాధ్యమవుతుంది. అది ఆస్కార్ అయినా` అని ఇన్స్టాగ్రామ్లో ఓ నెటిజన్ పోస్ట్ కింది షాన్ ఈ కామెంట్ చేయడం గమనార్హం. దీంతో ఇప్పుడు వైరల్గా మారింది. ఇంటర్నెట్లో దుమారం రేపుతుంది. దీనిపై నెటిజన్లు దారుణంగా మండిపడుతున్నారు. ఆయన్ని ఓ రేంజ్ లో ఆడుకుంటున్నారు.
అయితే జాక్వెలిన్ పర్సనల్ మేకప్ ఆర్టిస్ట్ ఈ కామెంట్ చేయడం వెనకాలు ఓ కారణం ఉంది. ఆమె గతేడాది అమెరికా ఇటాలియన్ మూవీ `టెల్ ఇట్ లైక్ ఏ ఉమెన్` అనే చిత్రంలో నటించింది. ఈ సినిమాలోని `అప్లాజ్` అనే సాంగ్ ఒరిజినల్ సాంగ్ విభాగంలో ఆస్కార్కి నామినేట్ అయ్యింది. `నాటు నాటు`తో పోటీ పడింది. కానీ నాటు నాటు ముందు అది నిలవలేకపోయింది. దీంతో ఆ అసంతృప్తిలో భాగంగా ఇలాంటి కామెంట్ చేశాడు మేకప్ ఆర్టిస్టు. అయితే ఇది జాక్వెలిన్ అభిప్రాయం కూడా అయి ఉండొచ్చు అంటున్నారు. ఈ నేపథ్యంలో వీరినిపై దారుణంగా కామెంట్లు చేస్తూ ట్రోల్ చేస్తున్నారు.
జాక్వెలిన్ ది శ్రీలంక. కానీ ఇండియాలోనే సెటిల్ అయ్యింది. ఇక్కడి హీరోయిన్గానే రాణిస్తుంది. బాలీవుడ్లో స్టార్లందరితోనూ కలిసి నటించింది. ఇప్పుడు ఈ బ్యూటీని ఐటెమ్ గర్ల్ గా చేస్తుంది. ఆ మధ్య ప్రభాస్ హీరోగా నటించిన `సాహో`లో ఓ స్పెషల్ సాంగ్ చేసిన విషయం తెలిసిందే. అయినా మంచి గుర్తింపు తెచ్చుకుంది. ఐటెమ్ సాంగ్ లు, స్టార్ హీరోయిన్గా సినిమాలు చేస్తూ అలరిస్తుంది. ప్రస్తుతం జాక్వెలిన్ `క్రాక్`, `ఫతేహ్` చిత్రాల్లో నటిస్తుంది.