విక్టరీ వెంకటేష్ హీరోగా తేజ కాంబినేషన్ లో.. రాబోతున్న సినిమాకు హీరోయిన్ గా... గతంలో కాజల్ ను అనుకున్న సంగతి తెలిసిందే. అయితే కాజల్ డేట్స్ కుదరకపోవడడంతో ఆమె స్థానంలో ఫైనల్ గా మరో హీరోయిన్ దొరికిందట.
ఈ సినిమాలో నేనే రాజు నేనే మంత్రి బ్యూటీ కాజల్ అగర్వాల్ వెంకీ సరసన హీరోయిన్‌గా తీసుకున్నట్టు ఓ ప్రచారం జరిగింది. కానీ ఇతరత్రా కారణాలతో కాజల్ పక్కకు తప్పుకోవడంతో ఇప్పుడామె స్థానంలో కేరళ కుట్టి నిత్యామీనన్‌ని ఓకే చేసుకున్నట్టు వార్తలొస్తున్నాయి. కాకపోతే ఇందులో ఎంతమేరకు నిజం వుందనే విషయం దీనిపై ఓ అధికారిక ప్రకటన వెలువడితే కానీ తెలిసే ఛాన్స్ లేదు.
సురేష్ ప్రొడక్షన్స్, ఏకే ఎంటర్‌టైన్మెంట్స్ సంస్థలు సంయుక్తంగా నిర్మించనున్న ఈ సినిమా త్వరలోనే పట్టాలెక్కనుంది. ఈ సినిమాను వచ్చే ఏడాదికి రిలీజ్ చేసి అదే ఏప్రిల్ నెలలో ఎన్టీఆర్ బయోపిక్ సినిమాను ప్రారంభిస్తాను అని ఆల్రెడీ ప్రకటించేశాడు డైరెక్టర్ తేజ.