అఖిల్ విధ్వంసక ఇనింగ్స్... ప్రొఫెషనల్స్ ఏం సరిపోతారు భయ్యా!

సీసీఎల్ టోర్నీలో హీరో అఖిల్ తుఫాను ఇన్నింగ్స్ ఆడారు. ఆయన తక్కువ బంతుల్లో అర్థశతకం కొట్టారు. రాయ్ పూర్ వేదికగా జరిగిన మ్యాచ్లో అఖిల్ కేరళ స్ట్రైకర్స్ బౌలర్స్ పై విరుచుకు పడ్డారు. 

అఖిల్ అక్కినేని నైపుణ్యం కలిగిన క్రికెటర్. అఖిల్ ని హీరో చేయాలా క్రికెటర్ ని చేయాలా? అనే సందేహం కలిగినప్పుడు హీరో వైపే ఫ్యామిలీ మొగ్గుచూపారు. అఖిల్ క్రికెటర్ కావాలని కోరుకున్నారు. బాల్యం నుండి క్రికెట్ లో శిక్షణ తీసుకున్నాడు. అఖిల్ ఆస్ట్రేలియా అకాడమీలలో ట్రైన్ కావడం విశేషం. అయితే ఫ్యామిలీ వారసత్వాన్ని కొనసాగిస్తూ ఆయన హీరో అయ్యాడు. పలు సెలబ్రిటీ క్రికెట్ లీగ్స్ లో అఖిల్ క్రికెటర్ గా సత్తా చాటారు. 

తాజాగా సీసీఎల్ లో తన బ్యాటింగ్ నైపుణ్యం చూపించాడు. రాయ్ పూర్ వేదికగా తెలుగు వారియర్స్-కేరళ స్ట్రైకర్స్ జట్లు తలపడ్డాయి. ఈ మ్యాచ్ లో తెలుగు వారియర్స్ కెప్టెన్ గా ఉన్న అఖిల్ భారీ స్కోర్ చేశారు. కేవలం 30 బంతుల్లో 91 పరుగులు చేశారు. దీంతో తెలుగు వారియర్స్ టీం ఘన విజయం అందుకుంది. అఖిల్ మ్యాన్ ఆఫ్ ది మ్యాచ్ విక్టర్ వెంకటేష్ చేతుల మీదుగా అందుకున్నారు. 

అఖిల్ తుఫాను ఇన్నింగ్స్ చూసిన ఫ్యాన్స్... మీరు క్రికెటర్ అయ్యుంటే ఇండియన్ టీం లో స్టార్ బ్యాట్స్ మెన్ గా దుమ్ముదులిపేవారని కామెంట్స్ చేస్తున్నారు. కాగా నెక్స్ట్ అఖిల్ ఏజెంట్ టైటిల్ తో యాక్షన్ స్పై థ్రిల్లర్ చేస్తున్నారు. దర్శకుడు సురేందర్ రెడ్డి ఏజెంట్ చిత్రాన్ని తెరకెక్కిస్తున్నారు. ఇటీవల విడుదల తేదీ ప్రకటిస్తూ ప్రోమో విడుదల చేశారు. అఖిల్ నెవర్ బిఫోర్ అవతార్ షాక్ ఇచ్చింది. ఏజెంట్ భారీ బడ్జెట్ తో తెరకెక్కిన నేపథ్యంలో అంచనాలు ఏర్పడ్డాయి. 

ఇక మోస్ట్ ఎలిజిబుల్ బ్యాచ్ లర్ మూవీతో అఖిల్ ఫస్ట్ హిట్ కొట్టారు. పూజా హెగ్డే హీరోయిన్ గా దర్శకుడు బొమ్మరిల్లు భాస్కర్ తెరకెక్కించిన మోస్ట్ ఎలిజిబుల్ బ్యాచ్ లర్ యూత్ ని ఆకట్టుకుంది. ఈ విజయాల పరంపర కొనసాగించాలని అఖిల్ కోరుకుంటున్నారు.  ఇక ఏజెంట్ సమ్మర్ కానుకగా ఏప్రిల్ 28న విడుదల కానుంది.