మంత్రి హరీష్‌రావు... 'ఇద్దరి మధ్య 18'

ఇద్దరి మధ్య 18 ఆడియో విడుదల చేసిన మంత్రి హరీష్ రావు ఆడియో రిలీజ్ వేడుకలో పాల్గొన్న జీవిత రాజశేఖర్, ఎన్.శంకర్,మంత్రి మహెందర్ ఇద్దరి మధ్య 18కి సంగీతం అందించిన ఘంటాడి కృష్ణ

ఎస్‌.ఆర్‌.పి విజువల్‌ పతాకంపై సాయితేజ పాటిల్‌ సమర్పణలో రాంకార్తీక్‌, భానుత్రిపాత్రి జంటగా బిత్తిరిసత్తి ప్రధానపాత్రలో నటించిన, నాని ఆచార్య దర్శకత్వంలో శివరాజ్‌ పాటిల్‌ నిర్మించిన మెసేజ్‌ ఓరియంటెడ్‌ చిత్రం 'ఇద్దరి మధ్య 18'. ఈ చిత్ర బిగ్‌ సీడీని తెలంగాణ మంత్రి హరీష్‌రావు ఆవిష్కరించారు.

ఈ కార్యక్రమంలో జీవిత, ఎన్‌. శంకర్‌, మల్కాపురం శివకుమార్‌, చిత్ర నిర్మాత శివరాజ్‌ పాటిల్‌, దర్శకుడు నాని ఆచార్య, సంగీత దర్శకుడు ఘంటాడి కృష్ణ, చిత్ర కథానాయకుడు రాంకార్తీక్‌, బిత్తిరిసత్తి, కెమెరామెన్‌ జి.ఎల్‌. బాబు తదితరులు పాల్గొన్నారు. 

ఈ సందర్భంగా మంత్రి హరీష్‌రావు మాట్లాడుతూ..'రాజకీయాలలో పేరొందిన శివరాజ్‌ పాటిల్‌ ఈ చిత్రం ద్వారా సినీ రంగంలో కూడా మంచి పేరు పొందాలని, సినిమా మంచి విజయం సాధించాలని కోరుకుంటున్నాను..' అన్నారు.

చిత్ర నిర్మాత శివరాజ్‌ పాటిల్‌ మాట్లాడుతూ..మా చిత్ర ఆడియోని ఆవిష్కరించిన తెలంగాణ మంత్రి వర్యులు హరీష్‌రావుగారికి ప్రత్యేక కృతజ్ఞతలు. అన్ని కమర్షియల్‌ హంగులతో ఈ చిత్రాన్ని యూత్‌ని ఆట్టుకునే అంశంతో, ఒక చక్కని మెసేజ్‌తో దర్శకుడు నాని ఆచార్య తెరకెక్కించారు. ఘంటాడి కృష్ణ అందించిన పాటలు ప్రేక్షకులని మెప్పిస్తాయి. ప్రస్తుతం చిత్రానికి సంబంధించి అన్ని కార్యక్రమాలు పూర్తయ్యాయి. త్వరలో ప్రేక్షకుల ముందుకు తీసుకువచ్చేందుకు సన్నాహాలు చేస్తున్నాము..అన్నారు. 

సంగీత దర్శకుడు ఘంటాడి కృష్ణ మాట్లాడుతూ..ఇది నా 50వ చిత్రం. సంగీత దర్శకుడిగా సెకండ్‌ ఇన్నింగ్స్‌ నాకు ఈ చిత్రంతో ప్రారంభం అవుతుందని, ఈ సినిమా మంచి సక్సెస్‌ కావాలని కోరుకుంటున్నాను. ఈ అవకాశం ఇచ్చిన దర్శకనిర్మాతలకు ధన్యవాదాలు..అని అన్నారు. 

రాంకార్తీక్‌, భానుత్రిపాత్రి, బిత్తిరిసత్తి, రవిప్రకాష్‌, శివన్నారాయణ, బాబీలహరి, జబర్ధస్త్‌ కు చెందిన రఘు, రాము, అప్పారావు, చిట్టిబాబు, చమ్మక్‌చంద్ర మొదలగువారు నటించిన ఈ చిత్రానికి సంగీతం: ఘంటాడి కృష్ణ, ఎడిటింగ్‌: మార్తాండ్‌. కె. వెంకటేష్‌, కెమెరా: జిఎల్‌.బాబు, కొరియోగ్రఫీ: నిక్సన్‌ డిక్రూజ్‌, భాను, గణేష్‌, ఫైట్స్‌: రియల్‌ సతీష్‌, పాటలు: కందికొండ, వరికుప్పల యాదగిరి, రామ్‌ పైడిశెట్టి, చిలుకరెక్క గణేష్‌, ప్రొడక్షన్‌ ఎగ్జిక్యూటివ్‌: శివకుమార్‌, కో-డైరెక్టర్‌: జి. భూపతి, సమర్పణ: సాయితేజ పాటిల్‌, నిర్మాత: శివరాజ్‌ పాటిల్‌, స్టోరీ, డైరెక్షన్‌: నాని ఆచార్య.