సమ్మర్ లో గోపీచంద్ ‘రామబాణం’.. ఇంట్రెస్టింగ్ గా రిలీజ్ డేట్ ను అనౌన్స్ చేసిన మేకర్స్.!
By Asianet News | First Published Mar 4, 2023, 5:03 PM ISTటాలీవుడ్ హీరో గోపీచంద్ నటించిన లేటెస్ట్ ఫిల్మ్ ‘రామబాణం’ (Ramabanam). శ్రీవాస్ దర్శకత్వం వహిస్తున్నారు. సమ్మర్ లో రాబోతోందీ చిత్రం. తాజాగా ఈ చిత్ర విడుదల తేదీని మేకర్స్ అనౌన్స్ చేశారు.
టాలీవుడ్ హీరో గోపీచంద్ (Gopichand) బ్యాక్ టు బ్యాక్ సినిమాలతో అలరిస్తూనే ఉన్నాడు. గతేడాది ‘పక్కా కమర్షియల్’తో కాస్తా పాజిటివ్ టాక్ ను దక్కించుకున్నారు. తాజాగా ఆయన నటిస్తున్న చిత్రం ‘రామబాణం’ (Ramabanam). శ్రీవాస్ దర్శకత్వం వహిస్తున్నారు. సమ్మర్ లో రాబోతోందీ చిత్రం. తాజాగా ఈ చిత్ర విడుదల తేదీని మేకర్స్ అనౌన్స్ చేశారు. టాలీవుడ్ లో ఉన్న క్రేజీ కాంబినేషన్లలో మాచో స్టార్ గోపీచంద్, డైరెక్టర్ శ్రీవాస్ కాంబినేషన్ ఒకటి. వారి కాంబోలో ‘లక్ష్యం’, ‘లౌక్యం’ వంటి హిట్టు చిత్రాలు వచ్చిన విషయం తెలిసిందే.
ప్రస్తుతం ‘రామబాణం’తో మళ్లీ ప్రేక్షకుల ముందుకు రాబోతున్నారు. వీరి హ్యాట్రిక్ పై ప్రస్తుతం ఆసక్తి నెలకొంది. పైగా వీరికి వరుస బ్లాక్ బస్టర్లతో దూసుకుపోతున్న ప్రముఖ నిర్మాణ సంస్థ పీపుల్ మీడియా ఫ్యాక్టరీ బ్యానర్‌ తోడైంది. టీజీ విశ్వప్రసాద్, వివేక్ కూచిభొట్ల సంయుక్తంగా భారీస్థాయిలో ఈ చిత్రాన్ని నిర్మిస్తున్నారు. ఇందులో గోపీచంద్ సరసన హీరోయిన్ డింపుల్ హయాతీ నటిస్తుండగా, జగపతి బాబు, కుష్బూ ప్రధాన పాత్రలు పోషిస్తున్నారు. అయితే, చిత్ర ప్రకటన వచ్చినప్పటి నుంచే ‘రామబాణం’పై ప్రేక్షకుల్లో భారీ అంచనాలు నెలకొన్నాయి. ఆ అంచనాలను రెట్టింపు చేస్తూ ఇటీవల మహా శివరాత్రి కానుకగా విడుదలైన ఫస్ట్ లుక్ పోస్టర్, 'విక్కీస్ ఫస్ట్ యారో' అనే ప్రత్యేక వీడియో ప్రేక్షకులను విశేషంగా ఆకట్టుకున్నాయి. ముఖ్యంగా ఆ ప్రత్యేక వీడియోలో గోపీచంద్ స్క్రీన్ ప్రజెన్స్, శ్రీవాస్ టేకింగ్, మిక్కీ జే మేయర్ బ్యాక్ గ్రౌండ్ స్కోర్ కట్టిపడేశాయి.
Latest Videos
undefined
విడుదల తేదీని ప్రకటిస్తూ తాజాగా ఈ చిత్రం నుంచి మరో కొత్త పోస్టర్ విడుదలైంది. ఈ చిత్రాన్ని మే 5న విడుదల చేయబోతున్నట్లు పోస్టర్ లో పేర్కొన్నారు. ఇది పరీక్షల సమయం కావడంతో విద్యార్థులకు ఆల్ ది బెస్ట్ చెబుతూ మేకర్స్ రామబాణం నుంచి కొత్త పోస్టర్ ను వదిలారు. గోపీచంద్ పవర్ ఫుల్ లుక్ తో ఉన్న పోస్టర్ ఎంతగానో ఆకట్టుకుంటోంది. విద్యార్థులందరికీ పరీక్షలు ముగిశాక వేసవిలో మిమ్మల్ని అలరించటానికి, అసలుసిసలు వినోదాన్ని పంచడానికి రామబాణం దూసుకొస్తోందంటూ ధీమా వ్యక్తం చేశారు.
లక్ష్యం, లౌక్యం సినిమాలను మించేలా ఉండాలని శ్రీవాస్ ప్రత్యేక శ్రద్ధతో ఈ చిత్రాన్ని తీర్చి దిద్దుతున్నారు. ఫ్యామిలీ ఎమోషన్స్‌ తో పాటు సామాజిక సందేశం కూడా మిళితమైన బలమైన కథాంశం ఉన్న చిత్రమిది. గోపీచంద్ 30వ చిత్రం గా వస్తున్న ఈ సినిమాని పీపుల్ మీడియా ఫ్యాక్టరీ అధినేతలు టీజీ విశ్వప్రసాద్, వివేక్ కూచిబొట్ల నిర్మించారు. ఉత్తమ సాంకేతిక నిపుణులు వర్క్ చేస్తుండటం విశేషం. ఛాయాగ్రహకుడుగా వెట్రి పళని స్వామి, సంగీత దర్శకుడిగా మిక్కీ జే మేయర్ వ్యవహరిస్తున్నారు. చిత్రంలోని ఇతర ముఖ్య పాత్రల్లో సచిన్ ఖేడ్ ఖర్, నాజర్, ఆలీ, రాజా రవీంద్ర, వెన్నెల కిషోర్, సప్తగిరి, కాశీ విశ్వనాథ్, సత్య, గెటప్ శ్రీను, సమీర్, తరుణ్ అరోరా తదితరులు నటిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి