50 కోట్ల క్లబ్ లో ఫిదా...కలెక్షన్స్ వర్షం కురుస్తోంది

అంచనాలు మించి కలెక్షన్స్ సాధిస్తున్న ఫిదా ట్రేడ్ ఎనలిస్ట్ లనే అశ్చర్యానికి గురిచేస్తున్న ఫిదా 50 కోట్ల క్లబ్ లో చేరిన ఫిదా.. అమెరికాలో 2 మిలియన్ క్లబ్ దిశగా..  

మెగా హీరో వరుణ్ తేజ్, సాయి పల్లవి నటించిన ఫిదా చిత్రం కలెక్షన్ల పరంగా అంచనాలన్నీ తారుమారు చేస్తూ.. జెట్ స్పీడ్ లో దూసుకెళ్తోంది. రిలీజైన రోజు తొలి ఆట నుంచే ఈ చిత్రం పాజిటివ్ టాక్ సంపాదించుకొంది. గత పది రోజుల్లో ఫిదా వసూలు చేసిన కలెక్షన్లు సినీ వర్గాలను ఆశ్చర్య పరుస్తున్నాయి. ఈ చిత్రానికి విశేష ప్రేక్షకాదరణ లభిస్తుండటంతో థియేటర్లను కూడా పెంచిన నేపథ్యంలో ఫిదా మంచి వసూళ్లను రాబడుతోంది.

గత పది రోజుల్లో ఫిదా చిత్రం ప్రపంచవ్యాప్తంగా భారీ వసూళ్లను సాధించింది. స్థూలంగా ఈ సినిమా రూ.50 కోట్ల క్లబ్‌లో చేరింది. మెగా హీరోల కలెక్షన్లకు అడ్డగా మారిన నైజాంలో ఈచిత్రం కలెక్షన్ల పరంగా కుమ్మేస్తోంది. నైజాంలోనే ఫిదా చిత్రం రూ.10 కోట్లకు పైగా వసూలు చేసింది.

పదిరోజుల్లో రూ.31 కోట్లు అమెరికాలో ఫిదా చిత్రం కలెక్షన్ల పరంగా దుమ్ము రేపుతోంది. గత పదిరోజుల్లో ఈ చిత్రం రూ.31 కోట్లు వసూలు చేసింది. కలెక్షన్ల విషయంలో ఫిదాను దూకుడుకు కల్లెం వేయడం మాత్రం ఎవరికీ సాధ్యంకాదన్న రేంజ్ లో సాగుతోంది. వరుణ్, సాయి పల్లవి నటించిన చిత్రం కలెక్షన్ల వర్షం కురిపిస్తోంది అని ట్రేడ్ అనలిస్టు రమేష్ బాలా పేర్కొన్నారు.

రెండో వారాంతంలో శనివారం అమెరికాలో ఫిదా సినిమా కలెక్షన్లు 74.66 శాతం పెరిగాయి. శుక్రవారం 88,522 డాలర్లు, శనివారం 154,164 డాలర్లు వసూలు చేసింది. రెండోవారంలో రూ.9.83 కోట్లు (1,532,264 డాలర్లు) వసూలు చేసిందని ట్రేడ్ ఎనలిస్టు తరణ్ ఆదర్శ్ ట్వీట్ చేశారు.

వరుణ్ తేజ్ కెరీర్‌లోనే ఓవర్సీస్ మార్కెట్లో కూడా ప్రేక్షకులు ఫిదా చిత్రాన్ని విశేషంగా ఆదరిస్తున్నారు. అమెరికాలో ఈ చిత్రం రెండు మిలియన్ల క్లబ్ దిశగా దూసుకుపోతోంది. వరుణ్ తేజ్ కెరీర్లోనే బిగ్గెస్ట్ హిట్ గా ఫిదా నిలిచింది.