హిందీ "ఛ‌త్ర‌ప‌తి" ట్రైలర్...తెలుగు వెర్షన్ కు తేడా ఆ ఒక్కటే

ఈ సినిమాలో కూడా ఆ సీన్సే కీలకం కానున్నాయి. తెలుగులో కనెక్ట్ అయిన  ఎమోషన్ కనుక అక్కడ కూడా వర్క్ అవుట్ అయితే.. ఈ సినిమా కూడా విజయం సాధించడం పక్కా

  ప్రభాస్ బ్లాక్ బస్టర్  "ఛ‌త్ర‌ప‌తి" సినిమాని ఇప్పుడు హిందీలో రీమేక్ చేస్తున్న సంగతి తెలిసిందే. టాలీవుడ్ స్టార్ డైరక్టర్  వి వి వినాయక్ ఈ సినిమాతో బాలీవుడ్ లో కూడా అడుగు పెట్టనున్నాడు. ఈ సినిమా ప్రారంభమై చాలా కాలం అయ్యింది. ఇన్నాళ్లకు ఈసినిమా ట్రైలర్ రిలీజ్ చేసారు.  మే 12, 2023న ఈ సినిమా ప్రేక్షకుల ముందుకి రానుంది.  ఈ ట్రైలర్ ను పూర్తిగా యాక్షన్ సీన్స్ తో నింపేశారు. 

 తెలుగు ఛత్రపతిలో హీరో కుటుంబం శ్రీలంక నుంచి ఇండియాకు కాందిశీకులుగా వచ్చినట్లుగా చూపించగా.. హిందీ రీమేక్ లో మాత్రం పాకిస్థాన్ నుంచి వచ్చినట్లుగా చూపించారు.  ఈ పాయింట్ తప్పించి  మిగతాదంతా యాటజీట్ దింపేసారని చెప్పొచ్చు. తెలుగులో రాజమౌళి, ప్రభాస్ కాంబినేషన్ లో ఛత్రపతిని ఎంత స్ట్రాంగ్ గా  చూపించారో.. హిందీలోనూ అలాగే చూపించారు. ఈ సినిమా కోసం సాయి శ్రీనివాస్ బాడీని కూడా బాగా పెంచేశాడు. ఈ సినిమా కోసం ఎంత కష్టపడ్డాడో ట్రైలర్ క్లియర్ గా కనపడుతోంది.

ప్రభాస్ ఛత్రపతిలో ఎమోషనల్ సీన్స్  ఓ రేంజిలో  లో ఉంటాయి.  ఈ సినిమాలో కూడా ఆ సీన్సే కీలకం కానున్నాయి. తెలుగులో కనెక్ట్ అయిన  ఎమోషన్ కనుక అక్కడ కూడా వర్క్ అవుట్ అయితే.. ఈ సినిమా కూడా విజయం సాధించడం పక్కా.  హిందీ  ఛత్రపతిలో బాలీవుడ్ లెజెండ‌రీ క‌మెడియ‌న్ జానీ లివ‌ర్ (Johny Lever) కీ రోల్‌ పోషిస్తున్నాడు. ఈ చిత్రాన్ని పెన్ స్టూడియోస్‌పై బాలీవుడ్ నిర్మాత జ‌యంతి లాల్ గ‌డా అత్యంత భారీ బ‌డ్జెట్‌తో తెరకెక్కిస్తున్నారు.

బాలీవుడ్ భామ నుస్రత్‌ బరూచా ఫీ మేల్ లీడ్‌ రోల్‌లో నటిస్తోంది. ఈ చిత్రంలో భాగ్య శ్రీ, శరద్ కేల్కర్‌, శివమ్‌ పాటిల్‌, ఫ్రెడ్డి దారువాలా, రాజేంద్ర గుప్తా, సహిల్‌ వైద్‌ ఇతర నటీనటులు కీలక పాత్రల్లో నటిస్తున్నారు. ఈ చిత్రానికి తనిష్క్‌ బాఘ్‌చీ సంగీతం అందిస్తున్నాడు.  మంగళవారం (మే 2) ముంబైలో ఈ ట్రైలర్ లాంఛ్ ఘనంగా జరిగింది. దీనికి మూవీ యూనిట్ మొత్తం హాజరైంది. తెలుగు ఛత్రపతికి  సంగీతం పెద్ద ప్లస్ అయింది. అయితే హిందీలో ట్రైలర్, సాంగ్స్ చూస్తుంటే అదే కాస్త మైనస్ అయ్యేలా కనిపిస్తోందనే కామెంట్స్ వినిపిస్తున్నాయి.