మొదట గ్రౌండ్‌లో సైనికుల్లాగా పోటీ పడే గేమ్‌లో సన్నీ, విశ్వా ల మధ్య గేమ్‌ జరగ్గా, సన్నీ గెలుపొందారు. మరోవైపు సిరి, హమీద మధ్య జరిగిన గేమ్‌లో సిరి విజయం సాధించింది. సన్నీ.. లోబో ఫ్యామిలీ వీడియో చూపించేందుకు ఎంపిక చేసుకున్నారు.
బిగ్ బాస్ 5 ఐదో వారం నవరాత్రి స్పెషల్‌ అదిరిపోయింది. ఆద్యంతం వినోదాత్మకంగా, ఎమోషనల్‌గా సాగుతుంది. గ్రాండ్‌గా ఎంట్రీ ఇచ్చిన హోస్ట్ నాగార్జున లుక్‌ పండగ వాతావరణం తీసుకొచ్చింది. ఇంటి సభ్యులు కూడా గ్రాండ్‌గా ముస్తాబై కలర్‌ఫుల్‌గా కనిపించారు. ఇక నాగార్జున ఇంటి సభ్యులు గేమ్‌లు, గెలిచిన వారికి గిఫ్ట్ లు, అలాగే వారి ఫ్యామిలీ వీడియోలను ప్రదర్శించారు.
అందులో భాగంగా మొదట గ్రౌండ్‌లో సైనికుల్లాగా పోటీ పడే గేమ్‌లో రవి టీమ్‌, ప్రియా టీమ్‌గా ఇంటి సభ్యులను విభజించారు బిగ్‌బాస్‌. రవి సైడ్‌ షణ్ముఖ్‌, లోబో, సిరి, ప్రియాంక, అనీ మస్టర్, సన్నీ ఉండగా, ప్రియా టీమ్‌ నుంచి విశ్వ, శ్రీరామ్‌, జెస్సీ, హమీద, మానస్‌ ఉన్నారు. సన్నీ, విశ్వా ల మధ్య గేమ్‌ జరగ్గా, సన్నీ గెలుపొందారు. మరోవైపు సిరి, హమీద మధ్య జరిగిన గేమ్‌లో సిరి విజయం సాధించింది. సన్నీ.. లోబో ఫ్యామిలీ వీడియో చూపించేందుకు ఎంపిక చేసుకున్నారు. ఇందులో లోబో కూతురు వీడియోలో మాట్లాడింది. ఆయనపై ప్రేమ, ఆయన్ని ఎంత మిస్‌ అవుతుందో తెలిపింది.
అంతేకాదు బాగా ఎంటర్‌టైన్‌ చేస్తున్నావని, ఇంకా బాగా ఆడాలని, విజయం సాధించాలని కోరింది. దీంతో కూతురుని చూసుకుని, కూతురు ముద్దు ముద్దు మాటలకు ముగ్దుడైన లోబో కన్నీళ్లు పెట్టుకోవడం అందరిని ఆకట్టుకుంది. మరోవైపు సిరీ.. జెస్సీ ఫ్యామిలీ వీడియోస్‌ చూపించాలని చెప్పడంతో జెస్సీ అమ్మ వీడియోలో మాట్లాడింది. బాగా ఆడుతున్నావని, వారి ఫ్రెండ్స్ బాగున్నారని, దెబ్బలు తగిలినా చాలా బాగా గేమ్‌లో పార్టిసిపేట్‌ చేస్తున్నావని ప్రశంసించింది. మరోవైపు నామినేషన్ల ప్రక్రియలో మానస్‌, జెస్సీ సేవ్‌ అయ్యారు. ఇంకా ఏడుగురు నామినేషన్లలో ఉన్నారు.