Avatar 2 Trailer: అద్భుత జలప్రపంచాన్ని సృష్టించిన కామరూన్, అవతార్2 ట్రైలర్ రిలీజ్

ప్రపంచ సినీప్రేక్షకులు ఎప్పుడెపుడా అని ఎదురు చూస్తున్న అవతార్ సీక్వెల్ అవతార్2 వచ్చేస్తోంది. హాలీవుడ్ దిగ్గజ దర్శకుడు జేమ్స్ కామరూన్ అద్భుత సృష్టికి సాక్ష్యంగా..  ట్రైలర్ ను రిలీజ్ చేశారు టీమ్. 

వరల్డ్ సిల్వర్ స్క్రీన్ పై అద్భుతాన్ని ఆవిష్కరించి , అవతార్ సినిమా సృష్టించిన ప్రభంజనం అంతాఇంతా కాదు. అనేక భాషల్లోకి డబ్ అయిన ఈ సినిమా కోట్ల మంది మనసులను గెలుచుకుంది. ముఖ్యంగా  నిర్మాతలకు డాలర్ల వర్షం కురిపించింది. 2009లో జేమ్స్ కామెరాన్ దర్శకత్వంలో వచ్చిన అవతార్ ఆస్కార్ వేదికపైనా అవార్డుల పంట పండించింది.  

ఇక అవతార్ వచ్చిన చాలా కాలానికి ఈ సినిమా సీక్వెల్ ను ప్రకటించాడు దర్శకుడు అది కూడా ఒకటి కాదు నాలుగు సీక్వెల్ సినిమాలు ప్రకటించాడు. కారో కారణంగా షూటింగ్ డిలై అవుతూ వస్తున్నా.. ఎక్కడా తగ్గకుండా సినిమాలు వరుసగా ప్లాన్ చేసుకు. ఇక ఇప్పుడు అవతార్ 2 ను రిలీజ్ కు రెడీ చేశాడు కామరూన్. అంతే కాదు ఈమూవీ నుంచి  అద్భుతమైన ట్రైలర్ ట్రీట్ కూడా ఇచ్చాడు. 

ఈ ఏడాది డిసెంబరు 16న అవతార్ 2 ప్రపంచ వ్యాప్తంగా  ప్రేక్షకుల ముందుకు రానుంది. తాజాగా అవతార్-2కి చెందిన టీజర్ ట్రైలర్ ను మూవీ టీమ్ సోషల్ మీడియాలో పంచుకుంది. ఈసారి అవతార్ లో సముద్ర లోకాన్ని ఆవిష్కరించినట్టు టీజర్ ట్రైలర్ చెబుతోంది. అద్భుతమైన గ్రాఫిక్స్ మాయాజాలం అడుగడుగునా దర్శనమిస్తోంది. మొత్తమ్మీద టీజర్ ట్రైలర్ తోనే అవతార్-2పై అమితమైన ఆసక్తి రేకెత్తించారు. ట్రైలర్‌ ఆసక్తిగా ఉన్నా సినిమా కథేంటి అనేది సస్పెన్స్‌గానే ఉంది. కాగా ఈ మూవీ డిసెంబర్‌ 16న విడుదలకు సిద్ధంగా ఉండగా, 2024లో అవతార్‌ 3, 2026లో అవతార్ 4, 2028లో అవతార్‌ 5 సినిమాలు రిలీజ్ కానున్నాయి.