యాంకర్ సుమకి తప్పిన పెను ప్రమాదం.. వీడియో వైరల్
సారాంశం
స్టార్ యాంకర్ సుమకి పెను ప్రమాదం తప్పింది. ఆమె పెద్ద ప్రమాదం నుంచి బయటపడింది. బండరాళ్లపై జారిపడింది.
స్టార్ యాంకర్ సుమకి పెను ప్రమాదం తప్పింది. ఆమె పెద్ద ప్రమాదం నుంచి బయటపడింది. బండరాళ్లపై జారిపడింది. ఈ ఘటన `జయమ్మ పంచాయితీ` షూటింగ్ టైమ్లో చోటు చేసుకుంది. సుమ నటిగా రీఎంట్రీ ఇస్తూ ఇటీవల `జయమ్మ పంచాయితీ` చిత్రంలో నటించిన విషయం తెలిసిందే. ఈ సినిమా శుక్రవారం విడుదలై పాజిటివ్ టాక్ని తెచ్చుకుంటోంది. పల్లెటూరి వాతావరణంలో సాగే మంచి ఆహ్లాదకరమైన చిత్రంగా ప్రశంసలు దక్కుతున్నాయి.
అయితే ఈ చిత్ర షూటింగ్లో సుమకి ప్రమాదం జరిగింది. చిత్రీకరణలో భాగంగా ఓ అడవిలో చిన్న నీటి ప్రవాహాలున్నాయి. బండరాళ్లపై నుంచి జారుతూ వాటర్ కింద పడుతున్నాయి. అయితే కంటిన్యూగా నీళ్లు వస్తున్న నేపథ్యంలో రాళ్లపై పీచు పేర్కొంది. షూటింగ్ కోసం సుమ ఆ రాళ్లపైకి ఎక్కింది. వాటిపై నుంచి నడుస్తున్న క్రమంలో ఆమె కాలు జారి కిందపడిపోయింది. దీంతో వెంటనే తేరుకుని తనని తాను కంట్రోల్ చేసుకుని లేచి బయటకు వచ్చేసింది. దీంతో పెద్ద ప్రమాదం తప్పింది. లేదంటే పరిస్థితి మరోలా ఉండేది.
తాజాగా ఈ వీడియోని సుమ తన ఇన్స్టాగ్రామ్లో పోస్ట్ చేసింది. `తృటిలో పెను ప్రమాదం నుంచి తప్పించుకున్నాన`ని తెలిపింది. ప్రస్తుతం ఈ వీడియో సోషల్ మీడియాలో వైరల్ అవుతోంది. ఇది చూసిన నెటిజన్లు, ఆమె అభిమానులు స్పందిస్తూ, సుమకి సానుభూతి ప్రకటిస్తున్నారు. `జాగ్రత్త సుమక్క.. మీకేమైనా అయితే మీకు మాత్రమే కాదు, ప్రీరిలీజ్ ఈవెంట్స్, ప్రొడక్షన్స్ టీమ్స్కి.. టీఆర్పీలకు, టోటల్గా ఎంటర్టైన్మెంట్కే ఇబ్బంది`, `మీ బాగానే ఉన్నారని ఆశిస్తున్నాం`, `బీ కేర్ఫుల్ అక్కా` అంటూ నెటిజన్స్ కామెంట్ చేస్తున్నారు.
సుమ ప్రధాన పాత్రలో నటించిన `జయమ్మ పంచాయితీ` చిత్రానికి విజయ్ కుమార్ దర్శకత్వం వహించగా, వెన్నెల క్రియేషన్స్ పతాకంపై బలగ ప్రకాష్ నిర్మించారు. శ్రీకాకుళం నేపథ్యంలో సాగే గ్రామీణ కథ ఇది. పల్లెటూరిలో జయమ్మ పాత్రలో ఒదిగిపోయింది సుమ. పాత్రకి ప్రాణం పోసింది. ఆడియెన్స్ ని మెప్పించింది. ఆమెలో అద్భుతమైన నటి ఉన్నారనే విషయాన్ని చాటి చెప్పింది.