జాలీ ఎల్ఎల్బి సినిమా ఓ ట్రెండ్ సెట్టర్: అక్షయ్కుమార్
సారాంశం
యాక్షన్ హీరోగా మంచి గుర్తింపు ఉన్న బాలీవుడ్ హిరో అక్షయ్ కుమార్ ఆ ఇమేజ్కి భిన్నంగా జాలీ ఎల్ఎల్బి -2 కామేడి మూవీ లో నటించిన అక్షయ్ ఫిబ్రవరి 10న ప్రేక్షకుల ముందుకు రానున్న మూవీ
ఈ సందర్భంగా చిత్ర కథానాయిక హ్యూమా ఖురేషితో కలసి అక్షయ్ హైదరాబాద్ వచ్చారు. ఆయన మాట్లాడుతూ – ‘‘నేనెప్పుడూ న్యాయవాది పాత్ర చేయలేదు. సో, ఈ కథ వినగానే ఎగ్జయిటింగ్గా అనిపించింది. న్యాయవ్యవస్థపై సెటైరికల్ సినిమా కాదిది... అందులో లోపాలను ఎత్తిచూపే ప్రయత్నమూ చేయలేదు.
వాస్తవ సంఘటన ఆధారంగా తీసిన కామెడీ మూవీ ఇది. ‘జాలీ ఎల్ఎల్బి’ సినిమా ఓ ట్రెండ్ సెట్టర్. ఈ సీక్వెల్ను కొత్త కథతో తెరకెక్కించాం. ‘జాలీ ఎల్ఎల్బి’లో హీరోగా నటించిన అర్షద్ వార్సితో నా నటనను పోల్చి చూస్తారని తెలుసు. అర్షద్ చిన్నోడు కాదు, మంచి నటుడు. నా స్నేహితుడు కూడా. ‘జాలీ ఎల్ఎల్బి’ తరహాలో ఈ సీక్వెల్ కూడా మంచి హిట్టవుతుందని ఆశిస్తున్నా’’ అన్నారు. ‘‘అక్షయ్తో నటించడం హ్యాపీ. సినిమాలో నాకు, ఆయనకూ మధ్య మంచి కెమిస్ట్రీ కుదిరింది’’ అన్నారు హ్యూమా ఖురేషి.