Bigg Boss Telugu 7 : సెకండ్ హౌజ్ మేట్ గా కన్ఫమ్ అయిన శివాజీ.. కింగ్స్ మీటర్ తో బిగ్ బాస్ రేటింగ్ ఇలా
By Asianet News | First Published Sep 16, 2023, 11:09 PM ISTబిగ్ బాస్ హౌజ్ లో రెండో కంటెస్టెంట్ గా యాక్టర్ శివాజీ కన్ఫమ్ అయ్యారు. కింగ్స్ మీటర్ తో ఈవారం కంటెస్టెంట్ల ఆట తీరుకు బిగ్ బాసే రేటింగ్ ఇచ్చారు. ఒక్కో పెర్పామెన్స్ పై డిటేయిల్స్ గా మాట్లాడారు.
బిగ్ బాస్ తెలుగు 7 రెండో వారం ఆసక్తికరంగా కొనసాగుతోంది. హౌజ్ లో పవర్ అస్త్రా కోసం పోటీలు.. కంటెస్టెంట్ల గొడవలు రచ్చరచ్చగా మారాయి. ఓవైపు సెకండ్ కంటెస్టెంట్స్ నూ కన్ఫమ్ చేయడంతో పాటు.. హౌజ్ లోని ప్రతి ఒక్కరి ఆటతీరుపై బిగ్ బాస్ రేటింగ్ ఇచ్చారు. ఇక పవర్ అస్త్రా పోటీలో శివాజీ, షకీలా, అమర్ దీప్ ఉన్న విషయం తెలిసిందే. ఇందులో పవర్ అస్త్రాను దక్కించుకున్నది ఎవరనేది ఈరోజు ప్రకటించారు. సెకండ్ కన్ఫమ్డ్ హౌజ్ మేట్ గా శివాజీని ప్రకటించారు.
సెకండ్ హౌజ్ మేట్ గా శివాజీ కన్ఫమ్ అయ్యి పవర్ అస్త్రాను దక్కించుకున్నారు. నాలుగు వారాల ఇమ్యూనిటీని అందుకున్నారు. ఈ సందర్భంగా శివాజీని బిగ్ బాస్ అభినందించారు. రణధీర టీమ్ ను లీడ్ చేసిన విధానం, సిచ్యుయేషన్ ను హ్యాండిల్ చేసిన తీరుకు ప్రశంసించారు. అయితే చివర్లో శివాజీకి చురకలాంటించారు. హౌజ్ తలుపు తెరవండి.. బిగ్ బాస్ నన్ను ఎలిమినేట్ చేయండి అంటూ చేసిన కామెంట్లపై ఫైర్ అయ్యారు. హౌజ్ లోకి ఎంట్రీ ఇచ్చాక బిగ్ బాస్ రూల్స్ మాత్రమే పాటించాలని మరోసారి గుర్తు చేశారు.
Latest Videos
undefined
ఇక ఈవారం కంటెస్టెంట్ల ఆటతీరును బిగ్ బాసే జడ్జీ చేశారు. కింగ్స్ మీటర్ ద్వారా ఒక్కో కంటెస్టెంట్ పెర్ఫామెన్స్ కు మార్కులిచ్చారు. రెడ్, ఎల్లో, గ్రీన్ కలర్స్ తో రేటింగ్ అందించారు. రీసెంట్ ఎపిసోడ్ లో రైతుబిడ్డపై అమర్ దీప్ చేసిన కామెంట్స్ కు బిగ్ బాస్ స్పందించారు. తన అభిప్రాయాన్ని తెలియజేశారు. ఆవేశంతో కాకుండా ఆలోచనతో మాట్లాడాలని అమర్ దీప్ కు సూచించారు. ఇక అమర్ దీప్ గత వారంతో పోల్చితే ఈ వారం బాగా ఆడినందకూ అభినందించారు.
అయితే, రైతు బిడ్డ ప్రశాంత్ కు ఇచ్చిన మిర్చి మొక్క ఎండిపోవడంపై బిగ్ బాస్ అప్సెట్ అయ్యారు. ఒక్క మొక్కను చూసుకోలేని వాడు రైతుబిడ్డా ఎలా అంటూ చురకలంటించాడు. మొత్తానికి మరో మొక్కను అందించాడు. ఈసారి బాగా చూసుకోవాలని సూచించారు. ఆ తర్వాత ప్రియాంక జైన్ ఆటతీరు ఈసారి ఏమాత్రం బాగోలేదని బిగ్ బాస్ తీర్పునిచ్చారు. నెక్ట్స్ వీక్ గేమ్ బాగా ఆడాలన్నారు.
ఇక యావర్ కు గ్రీన్ తో రేటింగ్ అందించిన బిగ్ బాస్ అతని ఆట తీరు బాగుందన్నారు. కానీ అభిప్రాయాలను అరిచి చెప్పాల్సిన అవసరం లేదని చెప్పారు. ఇక బాడీ బిల్డింగ్ కోసం స్టెరాయిడ్ తీసుకున్నావంటూ గౌతమ్ కృష్ణ చేసిన కామెంట్స్ బిగ్ బాస్ కు నచ్చలేదని చెప్పారు. పర్సనల్ ఎటాక్ చేయడం ఏమాత్రం సరికాదన్నారు. ఆ తర్వాత సుభాశ్రీ, దామిని, శోభా శ్రీ,, రతిక రోజ్ ఆటతీరుపై బిగ్ బాస్ రేటింగ్ అందించారు. ఇక టేస్టీ తేజా హౌజ్ లో ఎప్పుడూ నిద్రపోతూ కనిపించడంపై సెటైర్లు పేల్చారు. గేమ్ పైన ఫోకస్ పెట్టాలని సూచించారు.
ఈ వారం సేఫ్ జోన్ లోకి అమర్ దీప్, శివాజీ వచ్చారు. ఆట సందీప్, ప్రియాంక, సుభాశ్రీ, దామిని సేఫ్ లోనే ఉన్నారు. షకీలా, ప్రశాంత్, గౌతమ్, యావర్, తేజా, శోభా శెట్టి, రతిక నామినేషన్స్ లో ఉన్నారు. వీరిలో హౌజ్ ను వీడేది ఎవరనేది ఆసక్తికరంగా మారింది.
కింగ్స్ మీటర్ ద్వారా బిగ్ బాస్ ఇచ్చిన రేటింగ్ ఇలా ఉంది..
శివాజీ (ఎల్లో), అమర్ దీప్ (గ్రీన్), షకీలా (ఆల్మోస్ట్ గ్రీన్), సందీప్ (గ్రీన్), ప్రియాంక (రెడ్), ప్రశాంత్ (గ్రీన్), యావర్ (గ్రీన్), గౌతమ్ కృష్ణ (పూర్తిగా రెడ్), సుభశ్రీ (రెడ్), దామిని (పూర్తిగా రెడ్), శోభాశ్రీ (గ్రీన్), రతిక రోజ్ (ఎల్లో), టేస్టీ తేజా (రెడ్)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి