IND vs PAK: ఇంటర్నేషనల్ క్రికెట్ కౌన్సిల్ (ఐసీసీ) తొలిసారిగా నిర్వహించిన 2007 టీ20 ప్రపంచకప్ లో భారత్-పాక్ మధ్య జరిగిన గ్రూప్ మ్యాచ్ లో టీమిండియా అనూహ్య విజయం సాధించింది. అయితే 15 ఏండ్ల తర్వాత ఈ మ్యాచ్ గురించి...
సరిగ్గా 15 ఏండ్ల క్రితం.. ఇదే రోజు (సెప్టెంబర్ 14)న ఐసీసీ నిర్వహించిన తొలి టీ20 ప్రపంచకప్ పోరులో చిరకాల ప్రత్యర్థులు భారత్ - పాకిస్తాన్ తలపడ్డాయి. ఈ మ్యాచ్ లో మహేంద్ర సింగ్ ధోని సారథ్యంలోని భారత జట్టు.. షోయభ్ మాలిక్ సారథ్యంలోని పాకిస్తాన్‌ను ఓడించి అనూహ్య విజయాన్ని అందుకుంది. ఇరు జట్ల మధ్య జరిగిన మ్యాచ్ టై అవడంతో బౌల్ అవుట్ ద్వారా విజేతను నిర్ణయించారు. అయితే ఈ మ్యాచ్ లో భారత్ గెలిచినట్టు కాదని.. మేం ఓడినట్టు అంతకన్నా కాదని అంటున్నాడు నాటి పాకిస్తాన్ సారథి షోయభ్ మాలిక్.
ఈ మ్యాచ్ లో బౌల్ అవుట్ లో భారత క్రికెటర్లు వీరేంద్ర సెహ్వాగ్, హర్భజన్ సింగ్, రాబిన్ ఊతప్పలు మూడు బంతుల్లో మూడుసార్లు వికెట్లు పడగొట్టారు. కానీ పాకిస్తాన్ మాత్రం మూడుసార్లు విఫలమై పరాజయం పాలైంది. క్రికెట్ లో అంతకుముందు లేని ఈ నిబంధనను 2007 పొట్టి ప్రపంచకప్ లోనే తొలిసారిగా ప్రవేశపెట్టారు.
ఇక మ్యాచ్ పూర్తై 15 ఏండ్లు గడిచిన సందర్భంగా షోయభ్ మాలిక్ స్పందిస్తూ.. ‘ఈ మ్యాచ్ టై అవడంతోనే మాకు ఈ నిబంధన (బౌల్ అవుట్) గురించి తెలిసింది. అయితే అప్పుడు నేను మా బౌలర్లకు ఒక్కటే చెప్పాను. మీరు వికెట్లమీదకు గురిపెట్టండి.. ఒత్తిడికి గురికావొద్దు అని చెప్పా. కానీ ఇందులో మేం విజయవంతం కాలేకపోయాం. అయితే ఈ మ్యాచ్ లో మేం వంద శాతం మా బెస్ట్ఇచ్చాం. ఈ మ్యాచ్ లో మేం ఓడిపోలేదు. బౌల్ అవుట్ లో మాకు కలిసిరాలేదంతే..’ అని చెప్పాడు.
in 2007 - Dhoni's Tactical Brilliance Made India to beat Pakistan in a ball-out in T20 World Cup. 🐐👑 pic.twitter.com/oFJkyscANp
— 🄺Ⓐ🅃🄷🄸🅁 1⃣5⃣ (@katthikathir)అయితే మాలిక్ కామెంట్స్ పై టీమిండియా అభిమానులు తమదైన శైలిలో కౌంటర్లిస్తున్నారు. బౌల్ అవుట్ అయినా మరేదైనా.. ఐసీసీ నిబంధనల ప్రకారం ఓటమిని ఓటమే అంటారని ఆయనకు ఎవరైనా చెప్పండ్రా బాబు అని కామెంట్స్ చేస్తున్నారు. ఈ మ్యాచ్ విషయానికొస్తే.. తొలుత బ్యాటింగ్ చేసిన భారత్.. నిర్ణీత 20 ఓవర్లలో 9వికెట్ల నష్టానికి 141 పరుగులు చేసింది. అనంతరం పాకిస్తాన్ కూడా 20 ఓవర్లలో 7 వికెట్ల నష్టానికి 141 పరుగులే చేయడంతో మ్యాచ్ టై అయి బౌల్ అవుట్ ద్వారా విజేతను నిర్ణయించారు. ఇక ఇదే టోర్నీలో భాగంగా ఫైనల్ పోరులో భారత్-పాకిస్తాన్ లే మళ్లీ తలపడ్డాయి. తొలుత బ్యాటింగ్ చేసిన భారత్.. 5 వికెట్ల నష్టానికి 157 పరుగులు చేసింది. అనంతరం పాకిస్తాన్.. 19.3ఓవర్లలో 152 పరుగులకే ఆలౌట్ అయింది. తద్వార భారత్.. తొలి టీ20 ప్రపంచకప్ ను సగర్వంగా అందుకుంది.
IND vs PAK WT20 Final 2007: India won the World Cup by 5 runs. The match that never forgotten. played a fantastic knock in so much pressure. Unbelievable striking by Misbah. In the end Couldn't held the nerves and got out. What a match ! pic.twitter.com/3KWjeQZR3U
— Ahmed Kazim (@iamAhmedKazim31)