పాక్‌కు తొలి షాక్.. ఇంగ్లాండ్ ఘన విజయం.. ఐర్లాండ్ ను ఓడించిన జింబాబ్వే
By Srinivas M | First Published Oct 17, 2022, 6:27 PM ISTT20 World Cup 2022: పొట్టి ప్రపంచకప్ ను విజయంతో ప్రారంభించాలని చూసిన పాక్ కు భారీ షాక్ తాకింది. వార్మప్ మ్యాచ్ లో ఆ జట్టు ఇంగ్లాండ్ చేతిలో చిత్తయ్యింది. ఇక జింబాబ్వే-ఐర్లాండ్ మధ్య జరిగిన మ్యాచ్ లో జింబాబ్వే విజయం సాధించింది.
ఈనెల 23న టీమిండియాతో మ్యాచ్ కు ముందు టీ20 ప్రపంచకప్ లో రెండు వార్మప్ మ్యాచ్ లు ఆడనున్న పాకిస్తాన్ కు ఇంగ్లాండ్ షాకిచ్చింది. గబ్బా (బ్రిస్బేన్) వేదికగా ఇంగ్లాండ్-పాకిస్తాన్ మధ్య జరిగిన మొదటి వార్మప్ మ్యాచ్ లో ఇంగ్లీష్ జట్టునే విజయం వరించింది. వర్షం వల్ల 19 ఓవర్లకు కుదించిన మ్యాచ్ లో తొలుత బ్యాటింగ్ చేసిన పాకిస్తాన్.. 19 ఓవర్లలో 8 వికెట్ల నష్టానికి 160 పరుగులు చేసింది. లక్ష్యాన్ని ఇంగ్లాండ్.. 14.4 ఓవర్లలోనే ఊదిపారేసింది. ఈ మ్యాచ్ లో పాక్ స్టార్ బౌలర్ షాహీన్ అఫ్రిది ఆడటమే గాక రెండు ఓవర్లు కూడా బౌలింగ్ చేయడం గమనార్హం.
వార్మప్ మ్యాచ్ కావడంతో పాక్ సారథి బాబర్ ఆజమ్, వికెట్ కీపర్ మహ్మద్ రిజ్వాన్ లు ఈ మ్యాచ్ ఆడలేదు. దీంతో షాదాబ్ ఖాన్ ఈ మ్యాచ్ లో పాక్ సారథిగా వ్యవహరించాడు. టాస్ ఓడిన పాకిస్తాన్ తొలుత బ్యాటింగ్ కు వచ్చింది. షాన్ మసూద్ (22 బంతుల్లో 39, 7 ఫోర్లు), హైదర్ అలీ (18, 3 ఫోర్లు) పాక్ కు మెరుపు ఆరంభాన్నిచ్చారు. 4.5 ఓవర్లలో 49 పరుగులు జోడించారు.
Latest Videos
అలీని స్టోక్స్ ఔట్ చేశాడు. కెప్టెన్ షాదాబ్ ఖాన్ (14) విఫలమవగా ఇఫ్తికార్ అహ్మద్ (22, 3 ఫోర్లు) రాణించాడు. ఆ తర్వాత పాకిస్తాన్ వరుసగా వికెట్లను కోల్పోయింది. ఖుష్దిల్ (0), అసిఫ్ అలీ (14), నవాజ్ (10) విఫలమయ్యారు. కానీ చివర్లో మహ్మద్ వసీం (జూనియర్) (16 బంతుల్లో 26, 3 ఫోర్లు, 1 సిక్సర్) మెరుపులతో పాక్ స్కోరు 160 చేరింది.
England win the warm-up match by six wickets 🏏 | | pic.twitter.com/WYH22RGnhB
— Pakistan Cricket (@TheRealPCB)లక్ష్యాన్ని ఛేదించే క్రమంలో ఇంగ్లాండ్ కు రెండో ఓవర్లోనే షాక్ తాకింది. ఓపెనర్ ఫిలిప్ సాల్ట్ (1) , అలెక్స్ హేల్స్ (9) విఫలమయ్యారు. కానీ బెన్ స్టోక్స్ (18 బంతుల్లో 36, 2 ఫోర్లు, 3 సిక్సర్లు), లియామ్ లివింగ్‌స్టోన్ (16 బంతుల్లో 28, 1 ఫోర్, 2 సిక్సర్లు) దూకుడుగా ఆడారు. ఇక హ్యారీ బ్రూక్ (24 బంతుల్లో 45 నాటైట్, 2 ఫోర్లు, 4 సిక్సర్లు), సామ్ కరన్ (14 బంతుల్లో 33 నాటౌట్, 2 ఫోర్లు, 3 సిక్సర్లు) పాక్ బౌలర్లపై వీరవిహారం చేశారు. ఫలితంగా 14.4 ఓవర్లలోనే ఇంగ్లాండ్ 160 పరుగులను ఛేదించింది.
జింబాబ్వే సూపర్ విక్టరీ..
ఇక క్వాలిఫికేషన్ రౌండ్ ఆడుతున్న జింబాబ్వే - ఐర్లాండ్ మధ్య హోబర్ట్ వేదికగా ముగిసిన మ్యాచ్ లో జింబాబ్వే ఘన విజయం అందుకుంది. తొలుత బ్యాటింగ్ చేసిన జింబాబ్వే.. నిర్ణీత 20 ఓవర్లలో 7 వికెట్ల నష్టానికి 174 పరుగులు చేసింది. ఆ జట్టులో సికిందర్ రాజా (48 బంతుల్లో 82, 5 ఫోర్లు, 5 సిక్సర్లు) వీరవిహారం చేశాడు. అనంతరం లక్ష్యాన్ని ఛేదించే క్రమంలో ఐర్లాండ్.. 20 ఓవర్లలో 9 వికెట్ల నష్టానికి 143 పరుగులకే పరిమితమైంది. ఆ జట్టులో కర్టిస్ కంఫర్ (27) టాప్ స్కోరర్ కాగా జార్జ్ డాక్రెల్ (24), గారెత్ డెలాని (24) ఫర్వాలేదనిపించారు. మిగిలిన బ్యాటర్లంతా విఫలమవ్వడంతో ఐర్లాండ్.. 31 పరుగుల తేడాతో ఓడింది.
A solid performance from Zimbabwe 🥳
They start off their campaign with a win against Ireland in the Group B fixture 👏🏻 | | 📝 https://t.co/65kcA0JXUD pic.twitter.com/rVXfZndzFL
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి