David Miller: గర్ల్‌ఫ్రెండ్‌ను పెళ్లి చేసుకున్న డేవిడ్ మిల్లర్

By Mahesh K | First Published Mar 10, 2024, 10:29 PM IST

డేవిడ్ మిల్లర్ తన గర్ల్‌ఫ్రెండ్ కామిలా హారిస్‌ను పెళ్లి చేసుకున్నాడు. ఈ రోజు వారు ఒక్కటైన చిత్రాలను హారిస్ సోషల్ మీడియా వేదికగా పంచుకున్నారు.

సౌతాఫ్రికా క్రికెటర్ డేవిడ్ మిల్లర్ తన గర్ల్‌ఫ్రెండ్‌ కామిలా హారిస్‌ను పెళ్లి చేసుకున్నాడు. చాలా కాలం వారు ప్రేమలో ఉన్నారు. తాజాగా, వారిద్దరూ పెళ్లి చేసుకుని ఒక్కటయ్యారు. ఈ విషయాన్ని స్వయంగా హారిస్ సోషల్ మీడియా ఇన్‌స్టాగ్రామ్‌లో వెల్లడించారు. ప్రేమతో నిండిన ఆమె పెళ్లి వేడుక చిత్రాలను పంచుకున్నారు.

డేవిడ్ మిల్లర్ వైట్ బాల్ క్రికెట్‌లో తనకంటూ ఓ గుర్తింపును సంపాదించుకున్నాడు. అంతర్జాతీయంగా దక్షిణాఫ్రికా టీమ్‌లో మంచి సభ్యుడిగా ఆయనకు పేరుంది. అలాగే. ఐపీఎల్‌లో గుజరాత్ టైటాన్స్ టీమ్‌లోనూ మెరిశాడు. 2022 ఐపీఎల్ సీజన్ టైటిల్ గెలుచుకోవడంలో కీలక పాత్ర పోషించాడు.