Virat Kohli: భద్రతను ఉల్లంఘించి గ్రౌండ్లోకి దూకి కోహ్లీని హగ్ చేసుకున్నాడు.. ఆ యువకుడి పరిస్థితి ఏమిటీ?
సారాంశం
మధ్యప్రదేశ్లో జరిగిన మ్యాచ్లో ఓ క్రికెట్ అభిమాని గ్యాలరీ ఫెన్స్ దాటి గ్రౌండ్లో దూకాడు. పరుగున వెళ్లి అక్కడ ఫీల్డింగ్ చేస్తున్న విరాట్ కోహ్లీని హగ్ చేసుకున్నాడు. భద్రతా సిబ్బంది వెంటనే ఆయనను అదుపులోకి తీసుకున్నారు.
IND vs AFG: మధ్యప్రదేశ్లోని ఇండోర్లో జరిగిన క్రికెట్ మ్యాచ్లో భద్రతాపరమైన ఉల్లంఘన జరిగింది. టీమిండియా, ఆఫ్గనిస్తాన్ జట్ల మధ్య టీ20 మ్యాచ్ జరిగింది. ఆ సమయంలో టీమిండియా ఫీల్డింగ్ చేస్తుండగా ఓ యువకుడు గ్యాలరీని గ్రౌండ్కు వేరు చేస్తూ కట్టిన ఫెన్సింగ్ను ఎక్కి దాటేశాడు. గ్రౌండ్లో ఫీల్డింగ్ చేస్తున్న విరాట్ కోహ్లీని పరుగున వెళ్లి హగ్ చేసుకున్నాడు. వెంటనే సిబ్బంది ఆ యువకుడిని అదుపులోకి తీసుకున్నారు. హోల్కర్ స్టేడియంలో ఈ ఘటన జరిగింది.
సిబ్బంది ఆ యువకుడిని అదుపులోకి తీసుకున్న తర్వాత పోలీసులు అతడిని తుకోగంజ్ పోలీస్ స్టేషన్కు తీసుకెళ్లారు. ఆ యువకుడు మ్యాచ్ వీక్షించడానికి టికెట్ తీసుకున్నాడు. నరేంద్ర హిర్వాని గేట్ గుండా స్టేడియం గ్యాలరీలోకి వెళ్లాడని పోలీసులు తెలిపారు.
ఆ యువకుడు విరాట్ కోహ్లీకి పెద్ద అభిమానుడై ఉండొచ్చని పోలీసులు తెలిపారు. ఫెన్స్ ఎక్కి దూకి మరీ తన అభిమాన ఆటగాడిని కలుసుకునే సాహసం చేశాడు. ఆ యువకుడిని ప్రస్తుతం దర్యాప్తు చేస్తున్నట్టు పోలీసులు తెలిపారు. ఈ దర్యాప్తు ఆధారంగా ఈ కేసులో తదుపరి నిర్ణయాలు తీసుకుంటామని వివరించారు.
ఇండోర్లో జరిగిన మ్యాచ్లో ఆరు వికెట్లతో ఆఫ్గనిస్తాన్ పై టీమిండియా గెలిచింది.